ਔੜ/ਝਿੰਗੜਾਂ, 31 ਮਈ (ਕੁਲਦੀਪ ਸਿੰਘ ਝਿੰਗੜ)-ਰਾਜਾ ਸਾਹਿਬ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਸੀ. ਬੀ. ਐਸ. ਸੀ. ਝਿੰਗੜਾਂ ਵਿਖੇ ਵਿਦਿਆਰਥੀਆਂ ਦੇ ਬੋਧਿਕ ਵਿਕਾਸ ਹਿੱਤ ਸ਼ਾਨਦਾਰ ਤੇ ਵਿਲੱਖਣ ਢੰਗ ਅਨੁਸਾਰ ਸਮਰ ਕੈਂਪ ਲਗਾਇਆ ਗਿਆ | ਕੈਂਪ ਦਾ ਉਦੇਸ਼ ਵਿਦਿਆਰਥੀਆਂ ਵਿਚ ਨਿਤਾਪ੍ਰਤੀ ਕੰਮ ਕਰਨ ਦੀ ਸਮਰੱਥਾ ਤੇ ਯੋਗਤਾ ਪੈਦਾ ਕਰਨਾ ਹੁੰਦਾ ਹੈ | ਇਸ ਮੌਕੇ ਸਰੀਰਕ ਅਰੋਗਤਾ ਲਈ ਯੋਗਾ, ਇਨਡੋਰ ਗੇਮ ਲਈ ਚੈਸ, ਲੁਡੋ, ਪੇਂਟਿੰਗ, ਡਾਂਸ, ਆਰਟ ਡਰਾਇੰਗ, ਕਹਾਣੀਆਂ, ਚੁਟਕਲੇ ਆਦਿ ਬਾਰੇ ਵਰਕਸ਼ਾਪ ਲਗਾਈ ਗਈ | ਗੁਰਪ੍ਰੀਤ ਕੌਰ ਤੇ ਸੀਮਾ ਰਾਣੀ ਵੱਲੋਂ ਵਿਦਿਆਰਥੀਆਂ ਨੂੰ ਵੱਖ-ਵੱਖ ਵੰਨਗੀਆਂ ਦੇ ਖਾਣੇ ਬਣਾਉਣ ਸਬੰਧੀ ਟਿੱਪਸ ਦਿੱਤੇ ਗਏ | ਫੁੱਟਬਾਲ ਅਤੇ ਬੈਡਮਿੰਟਨ ਕੋਚ ਨੇ ਬੱਚਿਆਂ ਨੂੰ ਖੇਡ ਬਰੀਕੀਆਂ ਬਾਰੇ ਦੱਸਿਆ | ਬੱਚਿਆਂ ਦੇ ਫਰੂਟ ਚਾਰਟ, ਚਾਰਟ ਸਟਾਲ ਵੇਖਣ ਦੇ ਪ੍ਰਸੰਸਾਯੋਗ ਸਨ | ਪਿ੍ੰਸੀਪਲ ਤਰਜੀਵਨ ਸਿੰਘ ਗਰਚਾ ਨੇ ਸਮਰ ਕੈਂਪ ਵਿੱਚ ਭਾਗ ਲੈਣ ਵਾਲੇ ਵਿਦਿਆਰਥੀਆਂ ਨਾਲ ਆਪਣੇ ਵਿਚਾਰਾਂ ਦੀ ਸਾਂਝ ਪਾਈ | ਇਸ ਮੌਕੇ ਮੈਨੇਜਰ ਕਮਲਜੀਤ ਸਿੰਘ ਗਰਚਾ, ਜਸਕਰਨ ਸਿੰਘ, ਅਮਰਜੀਤ ਕੌਰ, ਹਰਪ੍ਰੀਤ ਕੌਰ ਮੱਲਾ, ਜਸਵਿੰਦਰ ਕੌਰ, ਰਾਜਵਿੰਦਰ, ਬਲਵੀਰ ਕੌਰ, ਮੇਨਕਾ, ਰੂਬੀ, ਐਸ਼ਵਰਿਆ, ਨਰਿੰਦਰ ਪਾਲ ਸਿੰਘ, ਅਜੇ ਕੁਮਾਰ, ਗੁਰਪ੍ਰੀਤ ਸਿੰਘ, ਅਮਨਦੀਪ ਕੌਰ ਆਦਿ ਹਾਜ਼ਰ ਸਨ |
