ਨਵਾਂਸ਼ਹਿਰ, 2 ਜੂਨ (ਹਰਮਿੰਦਰ ਸਿੰਘ ਪਿੰਟੂ)-ਅਰੋੜਾ ਸਭਾ ਨਵਾਂਸ਼ਹਿਰ ਵਲੋਂ ਅਰੋੜਾ ਵੰਸ਼ ਦੇ ਸੰਸਥਾਪਕ ਅਰੂਟ ਮਹਾਰਾਜ ਦਾ ਜਨਮ ਦਿਹਾੜਾ ਪੰਡੋਰਾ ਮੁਹੱਲਾ ਦੇ ਅਨੰਤ ਕੰਪਲੈਕਸ 'ਚ ਬਾਈ ਜੀ ਦੀ ਕੁਟੀਆ 'ਚ ਸ਼ਰਧਾ ਨਾਲ ਮਨਾਇਆ ਗਿਆ | ਸਭ ਤੋਂ ਪਹਿਲਾਂ, ਸਭਾ ਦੇ ਸਾਰੇ ਮੈਂਬਰਾਂ ਵਲੋਂ ਸਮੂਹਿਕ ਪੂਜਾ ਕਰਵਾਈ ਗਈ | ਇਸ ਤੋਂ ਬਾਅਦ, ਧਾਰਮਿਕ ਪ੍ਰਚਾਰਕ ਪਰਵਿੰਦਰ ਬੱਤਰਾ ਨੇ ਆਪਣੇ ਸਾਥੀਆਂ ਨਾਲ ਹਨੂੰਮਾਨ ਚਾਲੀਸਾ ਤੇ ਸੁੰਦਰਕਾਂਡ ਦਾ ਪਾਠ ਸ਼ੁਰੂ ਕੀਤਾ | ਸੁੰਦਰਕਾਂਡ ਦੇ ਇਸ ਸੰਗੀਤਕ ਪਾਠ ਨੂੰ ਗਾਇਨ ਕਰਨ ਦੇ ਨਾਲ-ਨਾਲ, ਉਨ੍ਹਾਂ ਨੇ ਸੁੰਦਰ ਭਜਨਾਂ ਨਾਲ ਸਾਰੀ ਸੰਗਤ ਨੂੰ ਖੁਸ਼ੀ ਵਿਚ ਨੱਚਣ ਲਈ ਮਜਬੂਰ ਕਰ ਦਿੱਤਾ | ਉਨ੍ਹਾਂ ਨੇ ਅਰੂਟ ਮਹਾਰਾਜ ਦੇ ਜੀਵਨ 'ਤੇ ਚਾਨਣਾ ਪਾਇਆ | ਇਸ ਮੌਕੇ ਸੰਤ ਬੈਰਾਗਪੁਰੀ ਤੇ ਕਰੁਣਾ ਪੁਰੀ ਨੇ ਆਪਣੇ ਪ੍ਰਵਚਨਾਂ ਨਾਲ ਸਾਰੀ ਸੰਗਤ ਦਾ ਮਾਰਗਦਰਸ਼ਨ ਕੀਤਾ | ਸਭਾ ਦੇ ਪ੍ਰਧਾਨ ਰਾਜਨ ਅਰੋੜਾ ਨੇ ਸਭਾ ਵਲੋਂ ਸਾਰੇ ਮਹਿਮਾਨਾਂ ਦਾ ਨਿੱਘਾ ਸਵਾਗਤ ਕੀਤਾ ਅਤੇ ਦੱਸਿਆ ਕਿ ਅਰੋੜਾ ਸਭਾ ਪਿਛਲੇ 25 ਸਾਲਾਂ ਤੋਂ ਕਈ ਤਰ੍ਹਾਂ ਦੇ ਸੇਵਾ ਕਾਰਜਾਂ ਵਿਚ ਲੱਗੀ ਹੋਈ ਹੈ | ਅਰੂਟ ਜੀ ਦੇ ਪ੍ਰਗਟ ਉਤਸਵ ਦੇ ਮੌਕੇ 'ਤੇ ਸਾਰੇ ਪਰਿਵਾਰਾਂ ਨੂੰ ਇਕੱਠਾ ਕਰਨ ਦਾ ਇਕੋ ਇਕ ਉਦੇਸ਼ ਹੈ ਕਿ ਸਾਰੇ ਅਰੋੜਾ ਪਰਿਵਾਰ ਅਰੂਟ ਬਾਰੇ ਜਾਣਕਾਰੀ ਪ੍ਰਾਪਤ ਕਰ ਸਕਣ ਅਤੇ ਸਾਡੀ ਨਵੀਂ ਪੀੜ੍ਹੀ ਵੀ ਆਪਣੇ ਵੰਸ਼ ਦੀਆਂ ਜੜ੍ਹਾਂ ਨਾਲ ਜੁੜ ਸਕੇ | ਨਵੀਨ ਅਰੋੜਾ ਨੇ ਅਰੋੜਾ ਵੰਸ਼ ਨੂੰ ਏਕਤਾ ਨਾਲ ਅੱਗੇ ਵਧਣ ਦਾ ਸੰਦੇਸ਼ ਵੀ ਦਿੱਤਾ | ਮਹਿਲਾ ਵਿਭਾਗ ਦੀ ਪੰਜਾਬ ਪ੍ਰਧਾਨ ਪੂਨਮ ਮਾਣਿਕ ਨੇ ਵੱਧ ਤੋਂ ਵੱਧ ਗਿਣਤੀ ਵਿਚ ਮਹਿਲਾਵਾਂ ਨੂੰ ਸ਼ਾਮਿਲ ਹੋਣ ਦੀ ਅਪੀਲ ਕੀਤੀ ਅਤੇ ਸਾਡੇ ਵਿਸ਼ੇਸ਼ ਮਹਿਮਾਨ ਅਰੋੜਾ ਸਭਾ ਪੰਜਾਬ ਦੇ ਚੇਅਰਮੈਨ ਅਮਰੀਕ ਸਿੰਘ ਬੱਤਰਾ ਤੇ ਪੰਜਾਬ ਪ੍ਰਧਾਨ ਕਮਲ ਸੇਤੀਆ ਨੇ ਸਾਂਝੇ ਤੌਰ ਕਿਹਾ ਕਿ ਮੌਜੂਦਾ ਸਰਕਾਰ ਨੂੰ ਉਨ੍ਹਾਂ ਦੇ ਨਾਂਅ 'ਤੇ ਨਵਾਂਸ਼ਹਿਰ ਵਿਚ ਇਕ ਚੌਕ ਜਾਂ ਕਮਿਊਨਿਟੀ ਹਾਲ ਬਣਾਉਣ ਦੀ ਜ਼ਰੂਰ ਬੇਨਤੀ ਕਰਨੀ ਚਾਹੀਦੀ ਹੈ | ਨਵਾਂਸ਼ਹਿਰ ਤੋਂ ਇਲਾਵਾ, ਬੰਗਾ, ਰਾਹੋਂ, ਬਲਾਚੌਰ, ਸਲੋਹ ਆਦਿ ਕਸਬਿਆਂ ਤੋਂ ਅਰੋੜਾ ਸਭਾ ਦੇ ਸਾਰੇ ਮੈਂਬਰਾਂ ਨੇ ਵੀ ਇਸ ਪ੍ਰੋਗਰਾਮ ਵਿਚ ਹਿੱਸਾ ਲਿਆ | ਇਸ ਮੌਕੇ ਅਰੋੜਾ ਸਭਾ ਦੇ ਮੈਂਬਰ ਮਨਮੋਹਨ ਗੁਲਾਟੀ, ਡਾ. ਨਵੀਨ ਅਰੋੜਾ, ਵਿਪਨ ਤਨੇਜਾ, ਯੋਗੇਸ਼ ਕੁਮਾਰ, ਰਾਜੇਸ਼ ਗਾਬਾ, ਪਰਵਿੰਦਰ ਬੱਤਰਾ, ਹਰਵਿੰਦਰ ਹਾਫ਼ਜ਼ਿਾਬਾਦੀ, ਅੰਕੁਸ਼ ਨਿਝਾਵਨ, ਜਗਦੀਸ਼ ਗੁਲਾਟੀ, ਅੰਕੁਰ ਜੁਨੇਜਾ, ਗੁਰਚਰਨ ਅਰੋੜਾ, ਡਾ. ਰਾਜਪਾਲ, ਤਿ੍ਲੋਕ ਸੇਠੀ, ਉੱਤਮ ਸਿੰਘ ਅਰੌੜਾ ਸੇਠੀ, ਕੇਵਲ ਕੁਮਾਰ ਸੇਠੀ, ਕੇ. ਆਰ. ਕੇ., ਬਿੱਟੂ ਰਾਮਸਨ, ਮਨੀਸ਼ ਮਾਨਿਕ, ਦੀਪੂ ਅਰੋੜਾ ਆਦਿ ਮੈਂਬਰਾਂ ਤੋਂ ਇਲਾਵਾ ਮਹਿਲਾ ਵਿਭਾਗ ਦੀ ਉਪ ਪ੍ਰਧਾਨ ਸਪਨਾ ਅਰੋੜਾ, ਜ਼ਿਲ੍ਹਾ ਪ੍ਰਧਾਨ ਸੁਮਨ ਜੁਨੇਜਾ, ਰੀਆ ਅਰੋੜਾ, ਅੰਜਨਾ ਗੁਲਾਟੀ, ਜੋਤੀ ਅਰੋੜਾ, ਸੀਮਾ ਅਰੋੜਾ, ਕਮਲ ਅਰੋੜਾ, ਕਨਿਕਾ ਗਾਬਾ, ਰਣਜੀਤ ਕੌਰ, ਰੁਚੀ ਅਰੋੜਾ, ਸੀਮਾ ਅਰੋੜਾ ਆਦਿ ਨੇ ਵੀ ਵੱਡੀ ਗਿਣਤੀ 'ਚ ਸ਼ਮੂਲੀਅਤ ਕੀਤੀ |
