ਕਾਠਗੜ੍ਹ, 6 ਜੂਨ (ਹਰਸਿਮਰਨ ਜੋਤ ਸਿੰਘ ਕਲੇਰ)-ਕੰਬੋਜ ਫਾਊਾਡੇਸ਼ਨ ਵਲੋਂ ਜਾਰੀ ਪ੍ਰੈੱਸ ਰਿਲੀਜ਼ ਦੇ ਸੰਬੰਧ ਵਿਚ ਐਨ. ਐਸ. ਰਿਆਤ ਚਾਂਸਲਰ ਲੈਮਰਿਨ ਟੈੱਕ ਸਕਿੱਲਜ਼ ਯੂਨੀਵਰਸਿਟੀ ਤੇ ਚੇਅਰਮੈਨ ਆਰ. ਈ. ਆਰ. ਟੀ. ਨੇ ਕਿਹਾ ਕਿ ਪੰਜਾਬ ਦੀ ਧਰਤੀ ਸ਼ਹੀਦਾਂ ਦੀ ਧਰਤੀ ਹੈ, ਇਕ ਪੰਜਾਬੀ ਹੋਣ ਦੇ ਨਾਤੇ, ਮੈਂ ਸ਼ਹੀਦਾਂ ਦਾ ਦਿਲੋਂ ਮਾਣ ਅਤੇ ਸਤਿਕਾਰ ਕਰਦਾ ਹਾਂ | ਅੱਜ ਤੱਕ, ਮੈਂ ਕਦੇ ਵੀ ਕੰਬੋਜ ਫਾਊਾਡੇਸ਼ਨ, ਸ਼ਹੀਦ ਊਧਮ ਸਿੰਘ ਤੇ ਸ਼ਹੀਦ ਊਧਮ ਸਿੰਘ ਦੇ ਨਾਂਅ 'ਤੇ ਬਣਾਈ ਜਾ ਰਹੀ ਯੂਨੀਵਰਸਿਟੀ ਬਾਰੇ ਕੋਈ ਅਪਮਾਨਜਨਕ ਸ਼ਬਦ ਨਹੀਂ ਕਿਹਾ ਹੈ, ਨਾ ਹੀ ਰਿਆਤ ਐਜੂਕੇਸ਼ਨਲ ਰਿਸਰਚ ਟਰੱਸਟ ਨੇ ਕਦੇ ਕੁਝ ਕਿਹਾ ਹੈ | ਮੇਰੀ ਕਾਨੂੰਨੀ ਲੜਾਈ ਸਿਰਫ ਸੰਦੀਪ ਸਿੰਘ ਕੌੜਾ ਨਾਲ ਹੈ, ਜੋ ਉਸ ਸਮੇਂ ਲੈਮਰਿਨ ਟੈੱਕ ਸਕਿੱਲਜ਼ ਯੂਨੀਵਰਸਿਟੀ ਦੇ ਉਸ ਸਮੇਂ ਦੇ ਚਾਂਸਲਰ ਸਨ ਜਿਨ੍ਹਾਂ ਨੇ ਭਿ੍ਸ਼ਟਾਚਾਰ ਫੈਲਾਇਆ ਕਿਉਂਕਿ ਇਹ ਭਿ੍ਸ਼ਟਾਚਾਰ ਸਿੱਧੇ ਤੌਰ 'ਤੇ ਲੋੜਵੰਦ, ਦੱਬੇ-ਕੁਚਲੇ ਬੱਚਿਆਂ ਦੇ ਸਿੱਖਿਆ ਦੇ ਅਧਿਕਾਰ 'ਤੇ ਹਮਲਾ ਕਰਦਾ ਹੈ | ਮੇਰਾ ਨਿੱਜੀ ਤੌਰ 'ਤੇ ਮੰਨਣਾ ਹੈ ਕਿ ਮੈਂ ਸ਼ਹੀਦ ਊਧਮ ਸਿੰਘ ਦੇ ਨਾਂਅ 'ਤੇ ਬਣਾਈ ਜਾ ਰਹੀ ਯੂਨੀਵਰਸਿਟੀ ਦਾ ਸਮਰਥਨ ਕਰਦਾ ਹਾਂ ਅਤੇ ਇਸ ਵਿਚ ਮਦਦ ਕਰਨ ਲਈ ਵੀ ਤਿਆਰ ਹਾਂ | ਕੰਬੋਜ ਫਾਊਾਡੇਸ਼ਨ ਵਲੋਂ ਆਪਣੀ ਪ੍ਰੈੱਸ ਕਾਨਫਰੰਸ ਵਿਚ ਦੱਸੇ ਗਏ ਸਾਰੇ ਮਾਮਲੇ ਅਦਾਲਤ ਵਿਚ ਵਿਚਾਰ ਅਧੀਨ ਹਨ | ਅਦਾਲਤ ਦਾ ਜੋ ਵੀ ਫੈਸਲਾ ਆਵੇਗਾ ਉਹ ਸਵੀਕਾਰਯੋਗ ਹੋਵੇਗਾ | ਪੁਲਿਸ ਵਲੋਂ ਸੰਦੀਪ ਸਿੰਘ ਕੌੜਾ ਵਿਰੁੱਧ ਦਰਜ ਕੀਤਾ ਕੇਸ ਪੁਲਿਸ ਵਲੋਂ ਕੀਤੀ ਮੁੱਢਲੀ ਜਾਂਚ ਤੋਂ ਬਾਅਦ ਹੀ ਦਰਜ ਕੀਤਾ ਗਿਆ ਹੈ, ਜਿਸ ਤੋਂ ਸਪੱਸ਼ਟ ਤੌਰ 'ਤੇ ਉਨ੍ਹਾਂ ਵਲੋਂ ਕੀਤੇ ਗਏ ਭਿ੍ਸ਼ਟਾਚਾਰ ਦਾ ਖੁਲਾਸਾ ਹੁੰਦਾ ਹੈ | ਕੌੜਾ ਵੱਲੋਂ ਯੂਨੀਵਰਸਿਟੀ ਦੇ ਫੰਡਾਂ ਵਿਚੋਂ ਬਹੁਤ ਸਾਰਾ ਪੈਸਾ ਇੱਧਰ ਉਧਰ ਕੀਤਾ ਗਿਆ ਹੈ | ਕੰਬੋਜ ਫਾਊਾਡੇਸ਼ਨ ਵਲੋਂ ਮੇਰੇ ਵਿਰੁੱਧ ਕੋਈ ਵੀ ਦੋਸ਼ ਸੰਦੀਪ ਸਿੰਘ ਕੌੜਾ ਨੂੰ ਉਸ ਦੇ ਮਾੜੇ ਕੰਮਾਂ ਅਤੇ ਭਿ੍ਸ਼ਟਾਚਾਰ ਤੋਂ ਮੁਕਤ ਨਹੀਂ ਕਰਦਾ |
