ਅਮਲੋਹ, 23 ਜਨਵਰੀ (ਹਰਪ੍ਰੀਤ ਸਿੰਘ ਗਿੱਲ)-ਪਤੰਗਬਾਜ਼ਾਂ ਵਲੋਂ ਬੇਸਬਰੀ ਨਾਲ ਉਡੀਕੇ ਜਾ ਰਹੇ ਬਸੰਤ ਪੰਚਮੀ ਦੇ ਪਵਿੱਤਰ ਦਿਨ ਪੂਰੇ ਪੰਜਾਬ ਵਿਚ ਹੋਈ ਅਚਾਨਕ ਬਰਸਾਤ ਨੇ ਪਤੰਗਬਾਜ਼ਾਂ ਦੀਆਂ ਆਸਾਂ 'ਤੇ ਪਾਣੀ ਫੇਰ ਦਿੱਤਾ | ਛੱਤਾਂ 'ਤੇ ਰੰਗ-ਬਿਰੰਗੀਆਂ ਪਤੰਗਾਂ, ਮਾਂਜੇ ਅਤੇ ਡੋਰਾਂ ਨਾਲ ਤਿਆਰੀ ਕਰ ਰਹੇ ਨੌਜਵਾਨਾਂ ਲਈ ਇਹ ਦਿਨ ਸਾਲ ਦਾ ਸਭ ਤੋਂ ਵੱਡਾ ਪਤੰਗਬਾਜ਼ੀ ਦਾ ਦਿਨ ਮੰਨਿਆ ਜਾਂਦਾ ਹੈ, ਪਰ ਸਵੇਰ ਤੋਂ ਹੀ ਸ਼ੁਰੂ ਹੋਏ ਮੀਂਹ ਨੇ ਸਾਰਾ ਉਤਸ਼ਾਹ ਮਿੱਟੀ ਵਿਚ ਮਿਲਾ ਦਿੱਤਾ | ਪੰਜਾਬ ਦੇ ਕਈ ਇਲਾਕਿਆਂ 'ਚ ਜਿਨ੍ਹਾਂ 'ਚ ਰਾਤ ਤੋਂ ਹੀ ਬਰਸਾਤ ਸ਼ੁਰੂ ਹੋ ਗਈ, ਉਨ੍ਹਾਂ ਇਲਾਕਿਆਂ ਦੇ ਪਤੰਗਬਾਜ਼ਾਂ ਦਾ ਸੁੱਤੇ ਉੱਠਦਿਆਂ ਦਾ ਸਵੇਰੇ ਹੀ ਮੂਡ ਖ਼ਰਾਬ ਹੋ ਗਿਆ | ਇਕੱਤਰ ਕੀਤੀ ਜਾਣਕਾਰੀ ਅਨੁਸਾਰ ਕਈ ਥਾਵਾਂ 'ਤੇ ਨੌਜਵਾਨ ਛੱਤਾਂ 'ਤੇ ਪਹੁੰਚ ਵੀ ਗਏ ਸਨ, ਪਰ ਬਰਸਾਤ ਸ਼ੁਰੂ ਹੋਣ ਨਾਲ ਉਨ੍ਹਾਂ ਨੂੰ ਮੁੜ ਹੇਠਾਂ ਆਉਣਾ ਪਿਆ | ਕਈ ਨੌਜਵਾਨਾਂ ਨੇ ਦੱਸਿਆ ਕਿ ਉਨ੍ਹਾਂ ਵਲੋਂ ਕੋਸ਼ਿਸ਼ ਕੀਤੇ ਜਾਣ 'ਤੇ ਮੀਂਹ ਕਾਰਨ ਨਾ ਸਿਰਫ਼ ਪਤੰਗ ਉਡਾਇਆ ਜਾ ਸਕਿਆ, ਸਗੋਂ ਉਨ੍ਹਾਂ ਦੀਆਂ ਡੋਰਾਂ ਵੀ ਭਿੱਜ ਗਈਆਂ ਤੇ ਉਹ ਖ਼ੁਦ ਵੀ, ਪਰ ਗੱਲ ਨਹੀਂ ਬਣੀ | ਬਰਸਾਤ ਦੇ ਚੱਲਦੇ ਛੱਤਾਂ, ਖੁੱਲ੍ਹੇ ਮੈਦਾਨਾਂ ਅਤੇ ਪਤੰਗਬਾਜ਼ੀ ਲਈ ਮਸ਼ਹੂਰ ਥਾਵਾਂ ਸੁੰਨੀਆਂ ਨਜ਼ਰ ਆਈਆਂ | ਬਾਜ਼ਾਰਾਂ ਵਿਚ ਵੀ ਉਹ ਰੌਣਕ ਨਹੀਂ ਦਿਖੀ, ਜੋ ਹਰ ਸਾਲ ਬਸੰਤ ਪੰਚਮੀ ਦੇ ਮੌਕੇ 'ਤੇ ਵੇਖਣ ਨੂੰ ਮਿਲਦੀ ਹੈ | ਪਤੰਗਾਂ, ਡੋਰਾਂ ਅਤੇ ਮਾਂਜੇ ਨਾਲ ਭਰੇ ਬੈਗ ਘਰਾਂ ਵਿਚ ਹੀ ਪਏ ਰਹਿ ਗਏ, ਜਦਕਿ ਕਈ ਨੌਜਵਾਨਾਂ ਨੇ ਦਿਨ ਭਰ ਮੌਸਮ ਸਾਫ਼ ਹੋਣ ਦੀ ਉਡੀਕ ਕੀਤੀ | ਪਤੰਗਬਾਜ਼ਾਂ ਦਾ ਕਹਿਣਾ ਸੀ ਕਿ ਬਸੰਤ ਪੰਚਮੀ ਸਿਰਫ਼ ਇਕ ਤਿਉਹਾਰ ਹੀ ਨਹੀਂ, ਸਗੋਂ ਰੰਗਾਂ, ਮੁਕਾਬਲੇ ਅਤੇ ਖ਼ੁਸ਼ੀ ਦਾ ਦਿਨ ਹੁੰਦਾ ਹੈ | ਇਸ ਦਿਨ ਦੋਸਤਾਂ ਅਤੇ ਪਰਿਵਾਰਾਂ ਨਾਲ ਮਿਲ ਕੇ ਪਤੰਗਬਾਜ਼ੀ ਕਰਨ ਦੀ ਰਿਵਾਇਤ ਹੈ, ਪਰ ਮੌਸਮ ਦੀ ਇਸ ਅਚਾਨਕ ਮਾਰ ਨੇ ਸਾਰਾ ਰੰਗ ਫਿੱਕਾ ਕਰ ਦਿੱਤਾ | ਕਈ ਨੌਜਵਾਨਾਂ ਨੇ ਆਸ ਜਿਤਾਈ ਕਿ ਜੇਕਰ ਮੌਸਮ ਸਾਫ਼ ਹੋਇਆ ਤਾਂ ਸ਼ਾਮ ਜਾਂ ਅਗਲੇ ਦਿਨ
