ਪਟਿਆਲਾ, 30 ਜਨਵਰੀ (ਮਨਦੀਪ ਸਿੰਘ ਖਰੌੜ)-ਸਥਾਨਕ ਮਾਨਯੋਗ ਅਦਾਲਤ ਵਲੋਂ 2016 ਤੋਂ ਚਲੇ ਆ ਰਹੇ ਕਤਲ ਕੇਸ ਦੇ ਮਾਮਲੇ 'ਚ ਦੋ ਵਿਅਕਤੀਆਂ ਨੂੰ ਬਰੀ ਕਰ ਦਿੱਤਾ ਹੈ | ਇਸ ਸੰਬੰਧੀ ਮੁਵੱਕਲ ਦੇ ਵਕੀਲ ਸੁਮੇਸ਼ ਜੈਨ, ਕੁੰਦਨ ਸਿੰਘ ਨਾਗਰਾ, ਦੀਪਕ ਸੂਦ, ਨਵੀਨ ਤ੍ਰੇਹਣ ਤੇ ਵੈਭਵ ਜੈਨ ਨੇ ਦਸਿਆ ਕਿ ਕੇਵਲ ਸਿੰਘ ਦੇ ਕਤਲ ਦੇ ਮਾਮਲੇ 'ਚ ਉਕਤ ਕੇਸ ਸਾਲ 2016 'ਚ ਥਾਣਾ ਘਨੌਰ ਦੀ ਪੁਲਿਸ ਵਲੋਂ ਕਾਜਲ ਮਹੰਤ ਅਤੇ ਜਸਪ੍ਰੀਤ ਸਿੰਘ ਦੇ ਖ਼ਿਲਾਫ਼ ਦਰਜ ਕੀਤਾ ਗਿਆ ਸੀ | ਇਸ ਕੇਸ ਦੀ ਸੁਣਵਾਈ ਦੌਰਾਨ ਮਾਨਯੋਗ ਅਦਾਲਤ ਨੇ ਅੱਜ ਉਨ੍ਹਾਂ ਦੀਆਂ ਦਲੀਲਾਂ ਦੇ ਮੱਦੇਨਜ਼ਰ ਇਸ ਕੇਸ 'ਚੋਂ ਕਾਜਲ ਮਹੰਤ ਅਤੇ ਜਸਪ੍ਰੀਤ ਸਿੰਘ ਨੂੰ ਬਰੀ ਕਰ ਦਿੱਤਾ ਹੈ |
