ਸੰਘੋਲ, 18 ਜੁਲਾਈ (ਪਰਮਵੀਰ ਸਿੰਘ ਧਨੋਆ)-ਕੁਲਦੀਪ ਕੁਮਾਰ ਪੀ. ਸੀ. ਐੱਸ. ਸੰਯੁਕਤ ਰਜਿਸਟਰਾਰ ਸਹਿਕਾਰੀ ਸਭਾਵਾਂ ਪਟਿਆਲਾ ਵਲੋਂ ਸਹਿਕਾਰੀ ਸਭਾ ਪਿੰਡ ਪੋਹਲੋਮਾਜਰਾ ਦਾ ਅਚਨਚੇਤ ਦੌਰਾ ਕੀਤਾ। ਅਧਿਕਾਰੀ ਨੇ ਇਸ ਦੌਰਾਨ ਭਾਰਤ ਸਰਕਾਰ ਦੇ ਕੰਪਿਉਟਰਾਈਜੇਸ਼ਨ ਆਫ਼ ਪੈਕਸ ਸੰਬੰਧੀ ਅਵਤਾਰ ਸਿੰਘ ਸਭਾ ਸਕੱਤਰ ਤੋਂ ਜਾਣਕਾਰੀ ਹਾਸਿਲ ਕੀਤੀ ਤੇ ਸਭਾ ਦੇ ਕਾਰਜ ਦਾ ਰਿਵਿਊ ਕੀਤਾ। ਸਭਾ ਦੇ ਡਾਇਨਿਮਿਕ ਡੇ ਐਂਡ ਸੰਬੰਧੀ ਕਾਰਜ ਨੂੰ ਪਹਿਲ ਦੇ ਆਧਾਰ ’ਤੇ ਮੁਕੰਮਲ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ। ਅਧਿਕਾਰੀ ਨੇ ਇਸ ਮੌਕੇ ਸਭਾ ਸਕੱਤਰ ਵਲੋਂ ਕੀਤੇ ਜਾ ਰਹੇ ਕਾਰਜ ’ਤੇ ਤਸੱਲੀ ਦਾ ਪ੍ਰਗਟਾਵਾ ਕੀਤਾ। ਇਸ ਮੌਕੇ ਸੁਰਿੰਦਰ ਸਿੰਘ ਸਹਾਇਕ ਰਜਿਸਟਰਾਰ ਖਮਾਣੋਂ, ਇੰਸਪੈਕਟਰ ਅੰਮ੍ਰਿਤਪਾਲ ਸਿੰਘ, ਗੁਰਮੀਤ ਸਿੰਘ ਸੇਵਾਦਾਰ ਹਾਜ਼ਰ ਸਨ।
