ਘਰੋਟਾ ਪੁਲਿਸ ਨੇ ਨੌਸ਼ਹਿਰਾ ਨਲਬੰਦਾ 'ਚ ਨਾਕਾਬੰਦੀ ਦੌਰਾਨ ਕਾਰ 'ਚੋਂ ਨਾਜਾਇਜ਼ ਸ਼ਰਾਬ ਕੀਤੀ ਬਰਾਮਦ <br/>

ਅ

ਅਜੀਤ ਡੈਸਕ 02-01-2026

ਘਰੋਟਾ, 1 ਜਨਵਰੀ (ਸੰਜੀਵ ਗੁਪਤਾ)-ਨੌਸ਼ਹਿਰਾ ਨਲਬੰਦਾ ਕਾਲੋਨੀ ਦੇ ਟੀ-ਪੁਆਇੰਟ ਤੋਂ ਪੰਜੂਪੁਰ ਵਾਲੇ ਪਾਸੇ ਜਾਣ ਵਾਲੇ ਵਾਹਨਾਂ ਦੀ ਜਾਂਚ ਕਰਦੇ ਸਮੇਂ ਘਰੋਟਾ ਪੁਲਿਸ ਨੇ ਇਕ ਕਾਰ ਚਾਲਕ ਨੂੰ ਨਾਜਾਇਜ਼ ਸ਼ਰਾਬ ਸਮੇਤ ਗਿ੍ਫ਼ਤਾਰ ਕੀਤਾ | ਘਰੋਟਾ ਚੌਕੀ ਇੰਚਾਰਜ ਅਸ਼ੀ ਸਰਤਾਜ ਸਿੰਘ ਦੀ ਅਗਵਾਈ ਹੇਠ ਇਕ ਪੁਲਿਸ ਪਾਰਟੀ ਵਾਹਨਾਂ ਦੀ ਜਾਂਚ ਕਰ ਰਹੀ ਸੀ | ਨਾਕੇਬੰਦੀ ਦੌਰਾਨ ਨੌਸ਼ਹਿਰਾ ਨਾਲਬੰਦਾ ਕਾਲੋਨੀ ਵਾਲੇ ਪਾਸੇ ਤੋਂ ਇਕ ਆਲਟੋ ਕਾਰ ਆਈ | ਉਸ 'ਚ 2 ਨੌਜਵਾਨ ਬੈਠੇ ਦਿਖਾਈ ਦਿੱਤੇ | ਪੁਲਿਸ ਨੇ ਉਨ੍ਹਾਂ ਨੂੰ ਚੌਕੀ 'ਤੇ ਰੁਕਣ ਦਾ ਇਸ਼ਾਰਾ ਕੀਤਾ | ਦੋਵਾਂ ਨੇ ਭੱਜਣ ਦੀ ਕੋਸ਼ਿਸ਼ ਕੀਤੀ | ਪੁਲਿਸ ਨੇ ਉਨ੍ਹਾਂ ਨੂੰ ਕਾਬੂ ਕਰ ਲਿਆ | ਪੁੱਛਗਿੱਛ ਦੌਰਾਨ ਡਰਾਈਵਰ ਨੇ ਆਪਣੀ ਪਹਿਚਾਣ ਰਾਜਿੰਦਰ ਸਿੰਘ ਵਜੋਂ ਕੀਤੀ ਤੇ ਕੰਡਕਟਰ ਵਾਲੇ ਪਾਸੇ ਬੈਠੇ ਵਿਅਕਤੀ ਨੇ ਆਪਣੀ ਪਹਿਚਾਣ ਦਲਬੀਰ ਚੰਦ ਵਜੋਂ ਕੀਤੀ | ਜਦੋਂ ਪੁਲਿਸ ਨੇ ਜਾਂਚ ਕੀਤੀ, ਤਾਂ ਉਨ੍ਹਾਂ ਨੂੰ ਪਿਛਲੀ ਸੀਟ 'ਤੇ ਤਿੰਨ ਪਲਾਸਟਿਕ ਦੇ ਥੈਲੇ ਅਤੇ ਕਾਰ ਦੇ ਟਰੰਕ 'ਚ ਦੋ ਥੈਲੇ ਤੇ ਕਾਰ ਦੇ ਡੱਬੇ ਵਿਚ ਇਕ ਪਲਾਸਟਿਕ ਦਾ ਲਿਫ਼ਾਫ਼ਾ ਮਿਲਿਆ | ਜਦੋਂ ਪੁਲਿਸ ਨੇ ਬੈਗ ਖੋਲ੍ਹ ਕੇ ਜਾਂਚ ਕੀਤੀ, ਤਾਂ ਉਨ੍ਹਾਂ ਨੂੰ ਨਾਜਾਇਜ਼ ਸ਼ਰਾਬ ਮਿਲੀ | ਪੁਲਿਸ ਨੇ 1,87,500 ਮਿਲੀਲੀਟਰ (250 ਬੋਤਲਾਂ) ਸ਼ਰਾਬ ਬਰਾਮਦ ਕੀਤੀ | ਸਦਰ ਥਾਣਾ ਪੁਲਿਸ ਨੇ ਕਾਰ ਤੇ ਸ਼ਰਾਬ ਨੂੰ ਜ਼ਬਤ ਕਰ ਲਿਆ ਤੇ ਗੁਰਦਾਸਪੁਰ ਜ਼ਿਲ੍ਹੇ ਦੇ ਪਿੰਡ ਧਮਰਾਈ ਦੇ ਵਸਨੀਕ ਰਜਿੰਦਰ ਸਿੰਘ ਤੇ ਪਿੰਡ ਡੱਲਾ ਬਾਲੀਮ ਦੇ ਵਸਨੀਕ ਦਲਬੀਰ ਚੰਦ ਵਿਰੁੱਧ ਮਾਮਲਾ ਦਰਜ ਕਰ ਲਿਆ |