ਗੁਰਦਾਸਪੁਰ, 5 ਜਨਵਰੀ (ਪੰਕਜ ਸ਼ਰਮਾ)-ਪੰਜਾਬ ਪੁਲਿਸ ਪੈਨਸ਼ਨਰ ਵੈੱਲਫੇਅਰ ਐਸੋਸੀਏਸ਼ਨ ਦੀ ਮੀਟਿੰਗ ਪੁਲਿਸ ਲਾਈਨ ਗੁਰਦਾਸਪੁਰ ਵਿਖੇ ਪ੍ਰਧਾਨ ਜਸਬੀਰ ਸਿੰਘ ਬਾਜਵਾ ਦੀ ਪ੍ਰਧਾਨਗੀ ਹੇਠ ਹੋਈ | ਇਸ ਮੌਕੇ ਉਨ੍ਹਾਂ ਨੇ ਪੰਜਾਬ ਸਰਕਾਰ ਤੋਂ ਮੁਲਾਜ਼ਮਾਂ ਤੇ ਪੈਨਸ਼ਨਾਂ ਦਾ ਡੀ.ਏ ਜਲਦ ਤੋਂ ਜਲਦ ਜਾਰੀ ਕਰਨ ਦੀ ਮੰਗ ਕੀਤੀ ਗਈ | ਉਨ੍ਹਾਂ 2026 ਸਾਲ ਦੀ ਆਮਦ 'ਤੇ ਸਾਰਿਆਂ ਨੂੰ ਵਧਾਈ ਦਿੱਤੀ ਤੇ ਕਿਹਾ ਕਿ 2026 ਸਾਲ ਸਾਰਿਆਂ ਲਈ ਖ਼ੁਸ਼ੀਆਂ ਭਰਾ ਹੋਵੇ | ਉਨ੍ਹਾਂ ਦੱਸਿਆ ਕਿ ਮੁਲਾਜ਼ਮਾਂ ਅਤੇ ਪੈਨਸ਼ਨਾਂ ਦਾ ਡੀ.ਏ 2021 ਤੋਂ ਬਕਾਇਆ ਹੈ, ਉਸ ਨੂੰ ਵੀ ਜਲਦ ਜਾਰੀ ਕੀਤਾ ਜਾਏ | ਇਸ ਮੌਕੇ ਬਲਵਿੰਦਰ ਸਿੰਘ ਰਿਟਾ. ਡੀ.ਐਸ.ਪੀ, ਬਲਬੀਰ ਸਿੰਘ ਰਿਟਾ. ਡੀ.ਐਸ.ਪੀ, ਪੂਰਨ ਚੰਦ ਰਿਟਾ. ਡੀ.ਐਸ.ਪੀ, ਪਰਮਜੀਤ ਕੁਮਾਰ ਉਪ ਪ੍ਰਧਾਨ, ਬਲਦੇਵ ਰਾਜ ਸ਼ਰਮਾ, ਮਲਕੀਤ ਸਿੰਘ ਸੈਣੀ, ਕੁਲਵੰਤਬੀਰ ਸਿੰਘ, ਜਗੀਰ ਸਿੰਘ, ਜਗੀਰ ਸਿੰਘ ਭਲਵਾਨ ਤੇ ਸੰਸਾਰ ਚੰਦ ਸਕੱਤਰ ਆਦਿ ਹਾਜ਼ਰ ਸਨ |