ਪਠਾਨਕੋਟ, 24 ਜਨਵਰੀ (ਸੰਧੂ)-ਆਰੀਆ ਮਹਿਲਾ ਕਾਲਜ ਪਠਾਨਕੋਟ ਦੇ ਐਨ.ਐਸ.ਐਸ ਵਿਭਾਗ ਅਤੇ ਇਲੈਕਟੋਰਲ ਲਿਟਰੇਸੀ ਕਲੱਬ ਵਲੋਂ ਪਿ੍ੰਸੀਪਲ ਡਾ: ਗੁਰਮੀਤ ਕੌਰ ਦੀ ਪ੍ਰਧਾਨਗੀ ਤੇ ਇਲੈਕਟੋਰਲ ਲਿਟਰੇਸੀ ਕਲੱਬ ਦੇ ਨੋਡਲ ਅਫ਼ਸਰ ਡਾ: ਆਰਤੀ ਪਲਟਾ, ਐਨ.ਐਸ ਐਸ ਵਿਭਾਗ ਦੇ ਪ੍ਰੋਗਰਾਮ ਅਫ਼ਸਰ ਪ੍ਰੋ: ਸ਼ੀਤਲ ਆਨੰਦ ਅਤੇ ਪ੍ਰੋ: ਸ਼ਿਲਪਾ ਭਗਤ ਦੀ ਅਗਵਾਈ ਹੇਠ ਰਾਸ਼ਟਰੀ ਵੋਟਰ ਦਿਵਸ ਮਨਾਇਆ ਗਿਆ | ਇਸ ਮੁਕਾਬਲੇ ਤਹਿਤ ਕਵਿਤਾ ਪਾਠ, ਭਾਸ਼ਣ ਮੁਕਾਬਲਾ, ਪੋਸਟਰ ਮੇਕਿੰਗ ਮੁਕਾਬਲਾ ਕਰਵਾਇਆ ਗਿਆ | ਡਾ: ਪੰਕਜ ਮਾਲਾ ਨੇ ਜੱਜ ਵਜੋਂ ਬਾਖ਼ੂਬੀ ਡਿਊਟੀ ਨਿਭਾਈ, ਜਿਸ ਲਈ ਪਲਕ ਨੂੰ ਕਵਿਤਾ ਪਾਠ ਵਿਚ ਪਹਿਲਾ ਇਨਾਮ, ਕੋਮਲ ਨੂੰ ਦੂਜਾ ਇਨਾਮ, ਕੀਰਤੀ ਤੇ ਸ਼ੈਲਾ ਨੂੰ ਤੀਜਾ ਇਨਾਮ ਅਤੇ ਮਹਿਕ ਨੂੰ ਉਤਸ਼ਾਹ ਪੁਰਸਕਾਰ ਮਿਲਿਆ | ਭਾਸ਼ਣ ਵਿਚ ਨਿਹਾਰਿਕਾ ਸ਼ਮੀ ਨੂੰ ਪਹਿਲਾ ਇਨਾਮ, ਨੇਹਾ ਨੂੰ ਦੂਜਾ ਇਨਾਮ, ਕੋਮਲ ਨੂੰ ਤੀਜਾ ਇਨਾਮ ਅਤੇ ਪਲਕ ਨੂੰ ਉਤਸ਼ਾਹ ਪੁਰਸਕਾਰ ਮਿਲਿਆ | ਪਿ੍ੰਸੀਪਲ ਡਾ: ਗੁਰਮੀਤ ਕੌਰ ਨੇ ਉਨ੍ਹਾਂ ਨੂੰ ਇਨਾਮ ਵੰਡੇ ਅਤੇ ਬੋਲਦੇ ਹੋਏ ਵੋਟ ਦੇ ਇਸਤੇਮਾਲ ਬਾਰੇ ਜਾਣਕਾਰੀ ਦਿੱਤੀ ਅਤੇ ਇਹ ਵੀ ਦੱਸਿਆ ਕਿ ਵੋਟਿੰਗ ਬਹੁਤ ਮਹੱਤਵਪੂਰਨ ਹੈ | ਇਸ ਮੌਕੇ ਸਹੁੰ ਚੁੱਕਦੇ ਹੋਏ ਸਾਰਿਆਂ ਨੇ ਆਪਣਾ ਵਾਅਦਾ ਦੁਹਰਾਇਆ ਕਿ ਉਹ ਬਿਨਾਂ ਕਿਸੇ ਲਾਲਚ, ਧਰਮ ਤੋਂ ਉੱਪਰ ਉੱਠ ਕੇ ਅਤੇ ਬਿਨਾਂ ਕਿਸੇ ਭੇਦਭਾਵ ਦੇ ਵੋਟ ਪਾਉਣਗੇ |
