ਪਠਾਨਕੋਟ, 25 ਜਨਵਰੀ (ਸੰਧੂ)-ਵਿੱਦਿਆ ਐਜੂਕੇਸ਼ਨ ਸੁਸਾਇਟੀ ਨੇ ਆਪਣੇ ਸਮਾਜਕ ਕਾਰਜਾਂ ਨੂੰ ਅੱਗੇ ਵਧਾਉਂਦੇ ਹੋਏ ਪ੍ਰਧਾਨ ਵਿਜੇ ਪਾਸੀ ਦੀ ਨਿਗਰਾਨੀ ਹੇਠ ਇਕ ਵਿਸ਼ੇਸ਼ ਸਮਾਗਮ ਕੀਤਾ | ਸਮਾਜ ਸੇਵਕ ਅਵਤਾਰ ਅਬਰੋਲ ਇਸ ਸਮਾਗਮ ਵਿਚ ਵਿਸ਼ੇਸ਼ ਮਹਿਮਾਨ ਸਨ ਤੇ ਉਨ੍ਹਾਂ ਨੇ ਆਪਣੀ ਸਵਰਗੀ ਪਤਨੀ ਚੰਦਰਕਾਂਤਾ ਅਬਰੋਲ ਦੀ ਯਾਦ 'ਚ ਇਕ ਲੋੜਵੰਦ ਲੜਕੀ ਦੇ ਵਿਆਹ ਲਈ ਰਾਸ਼ਨ ਅਤੇ ਹੋਰ ਸਮਾਨ ਦਾਨ ਕੀਤਾ | ਇਸ ਮੌਕੇ ਵਿਜੇ ਪਾਸੀ ਤੋਂ ਇਲਾਵਾ ਅਵਤਾਰ ਅਬਰੋਲ, ਪ੍ਰਤਿਭਾ ਖੋਸਲਾ, ਆਰ.ਕੇ. ਖੰਨਾ, ਜਗਦੀਸ਼ ਕੋਹਲੀ, ਪ੍ਰੀਤੀ ਅਬਰੋਲ ਆਦਿ ਮੌਜੂਦ ਸਨ |
