ਹਵਾਈ ਫਾਇਰ ਕਰਨ ਵਾਲੇ ਵਿਅਕਤੀ ਵਿਰੁੱਧ ਮਾਮਲਾ ਦਰਜ
ਅਜੀਤ ਡੈਸਕ
04-02-2026
ਦੀਨਾਨਗਰ, 3 ਫਰਵਰੀ (ਸੋਢੀ/ਸ਼ਰਮਾ)-ਦੀਨਾਨਗਰ ਪੁਲਿਸ ਵਲੋਂ ਇਕ ਪੈਲੇਸ ਨਜ਼ਦੀਕ ਬਰਾਤ ਵਿਚ ਸ਼ਾਮਿਲ ਵਿਅਕਤੀ ਵਲੋਂ ਹਵਾਈ ਫਾਇਰ ਕਰਨ ਦੇ ਸਬੰਧ ਵਿਚ ਮਾਮਲਾ ਦਰਜ ਕੀਤੇ ਜਾਣ ਦੀ ਖ਼ਬਰ ਪ੍ਰਾਪਤ ਹੋਈ ਹੈ | ਮਿਲੀ ਜਾਣਕਾਰੀ ਅਨੁਸਾਰ ਦੀਨਾਨਗਰ ਘਰੋਟਾ ਮੋੜ ਨਜ਼ਦੀਕ ਇਕ ਪੈਲੇਸ ਨਜ਼ਦੀਕ ਜਦੋਂ ਬਰਾਤ ਪਹੁੰਚੀ ਤਾਂ ਉਥੇ ਨਜ਼ਦੀਕ ਹੀ ਇਕ ਵਿਅਕਤੀ ਵਲੋਂ ਹਵਾਈ ਫਾਇਰ ਕੀਤਾ ਗਿਆ | ਪੁਲਿਸ ਨੂੰ ਇਸ ਸਬੰਧੀ ਜਾਣਕਾਰੀ ਮਿਲੀ ਤਾਂ ਪੁਲਿਸ ਨੇ ਹਵਾਈ ਫਾਇਰ ਕਰਨ ਵਾਲੇ ਵਿਅਕਤੀ ਜਿਸ ਦਾ ਨਾਂਅ ਸੁਮਿਤ ਸਿੰਘ ਵਾਸੀ ਅਲੀ ਖਾਂ ਦੱਸਿਆ ਗਿਆ ਹੈ, ਉਸ ਵਿਰੁੱਧ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
