ਘੁਮਾਣ, 4 ਫਰਵਰੀ (ਬੰਮਰਾਹ)-ਅਕਾਲ ਹਸਪਤਾਲ ਰਈਆ ਵਾਲਿਆਂ ਵਲੋਂ ਘੁਮਾਣ ਵਿਖੇ ਹਸਪਤਾਲ ਖੋਲਣ ਤੋਂ ਬਾਅਦ ਜਿੱਥੇ ਹਰ ਬਿਮਾਰੀ ਦੇ ਇਲਾਜ ਲਈ ਵੱਖ-ਵੱਖ ਮਾਹਰ ਡਾਕਟਰ ਹਸਪਤਾਲ ਵਿਚ ਇਲਾਜ ਲਈ ਹਰ ਰੋਜ਼ ਉਪਲਬਧ ਹੁੰਦੇ ਹਨ | ਉੱਥੇ ਨਾਲ ਹੀ ਜਨਾਨਾ ਰੋਗਾਂ ਦੇ ਮਾਹਰ ਡਾਕਟਰ ਹਫ਼ਤੇ ਦੇ ਸਾਰੇ ਦਿਨ ਤੇ 24 ਘੰਟੇ ਹਸਪਤਾਲ ਵਿਚ ਉਪਲਬਧ ਹੋਣ ਕਾਰਨ ਇਲਾਕੇ ਦੇ ਲੋਕਾਂ ਨੂੰ ਵੱਡੀ ਸਹੂਲਤ ਮਿਲ ਰਹੀ ਹੈ | ਅÏਰਤਾਂ ਦੀ ਸਿਹਤ ਦਾ ਧਿਆਨ ਰੱਖਦੇ ਹੋਏ ਅÏਰਤਾਂ ਦੇ ਰੋਗਾਂ ਦਾ ਮੁਫ਼ਤ ਜਾਂਚ ਕੈਂਪਸ 7 ਫਰਵਰੀ ਤੋਂ 15 ਫਰਵਰੀ ਤੱਕ ਲਗਾਇਆ ਜਾ ਰਿਹਾ ਹੈ | ਇਸ ਸਬੰਧੀ ਗੱਲਬਾਤ ਕਰਦੇ ਡਾ. ਅਮਨਜੋਤ ਸਿੰਘ ਅਤੇ ਡਾ. ਅਮਨਦੀਪ ਸਿੰਘ ਨੇ ਦੱਸਿਆ ਕਿ ਹਸਪਤਾਲ ਵਿਚ ਹੀ ਜਨਾਨਾ ਰੋਗਾਂ ਦੇ ਮਾਹਰ ਡਾਕਟਰ ਨਵਦੀਪ ਕੌਰ ਐੱਮ.ਬੀ.ਬੀ.ਐੱਸ., ਐੱਮ.ਡੀ. ਅਤੇ ਡਾਕਟਰ ਨਿਰਮਲਜੀਤ ਕੌਰ ਐੱਮ.ਡੀ. ਅÏਰਤਾਂ ਦੇ ਰੋਗਾਂ ਦੇ ਇਲਾਜ ਲਈ ਹਰ ਵੇਲੇ ਹਾਜ਼ਰ ਹੋਣਗੇ | ਉਨ੍ਹਾਂ ਕਿਹਾ ਕਿ ਸਵੇਰੇ 10 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ ਮੁਫ਼ਤ ਜਾਂਚ ਕੈਂਪ ਦੌਰਾਨ ਬਲੱਡ ਪ੍ਰੈਸ਼ਰ ਅਤੇ ਸ਼ੂਗਰ ਦੀ ਜਾਂਚ, ਲੋੜਵੰਦ ਮਰੀਜ਼ਾਂ ਨੂੰ ਮੁਫ਼ਤ ਦਵਾਈਆਂ, ਈ.ਸੀ.ਜੀ. ਹੀਮੋਗਲੋਬਿਨ ਦੀ ਜਾਂਚ, ਵਜ਼ਨ ਚੈੱਕ ਅਪ ਅਤੇ ਗਰਭਵਤੀ ਮਹਿਲਾਵਾਂ ਦੀ ਜਾਂਚ ਕੀਤੀ ਜਾਵੇਗੀ |