ਪਠਾਨਕੋਟ, 6 ਮਾਰਚ (ਸੰਧੂ)-ਰੋਟਰੀ ਕਲੱਬ ਪਠਾਨਕੋਟ ਗ੍ਰੇਟਰ ਨੇ ਡਿਜੀਟਲ ਸਿੱਖਿਆ ਮੁਹਿੰਮ ਦੇ ਹਿੱਸੇ ਵਜੋਂ ਭਦਰੋਆ ਰੋਡ 'ਤੇ ਗੋਦ ਲਏ ਸਮਾਰਟ ਸਰਕਾਰੀ ਪ੍ਰਾਇਮਰੀ ਸਕੂਲ ਨੂੰ ਇੱਕ ਕੰਪਿਊਟਰ ਸੈੱਟ, ਪਿ੍ੰਟਰ ਤੇ ਪ੍ਰੋਜੈਕਟਰ ਸਿਸਟਮ ਭੇਟ ਕੀਤਾ | ਪ੍ਰੋਜੈਕਟ ਬਾਰੇ ਵੇਰਵੇ ਸਾਂਝੇ ਕਰਦਿਆਂ ਪ੍ਰਧਾਨ ਨਵਨੀਤ ਮਰਵਾਹ ਨੇ ਦੱਸਿਆ ਕਿ ਇਸ ਪਹਿਲਕਦਮੀ ਦਾ ਉਦੇਸ਼ ਵਿਦਿਆਰਥੀਆਂ ਨੂੰ ਆਧੁਨਿਕ ਤਕਨਾਲੋਜੀ ਨਾਲ ਜੋੜਨਾ ਤੇ ਉਨ੍ਹਾਂ ਦੀ ਸਿੱਖਿਆ ਨੂੰ ਵਧੇਰੇ ਪ੍ਰਭਾਵਸ਼ਾਲੀ ਤੇ ਦਿਲਚਸਪ ਬਣਾਉਣਾ ਹੈ | ਉਨ੍ਹਾਂ ਅੱਗੇ ਕਿਹਾ ਕਿ ਇਸ ਪ੍ਰੋਜੈਕਟ 'ਤੇ 2 ਲੱਖ ਰੁਪਏ ਦੀ ਰਕਮ ਖ਼ਰਚ ਕੀਤੀ ਗਈ ਹੈ | ਸਕੂਲ ਪ੍ਰਬੰਧਨ ਵੱਲੋਂ ਰੋਟਰੀ ਕਲੱਬ ਗ੍ਰੇਟਰ ਦੀ ਇੰਚਾਰਜ ਮੈਡਮ ਸੁਨੀਤਾ ਦਾ ਧੰਨਵਾਦ ਕੀਤਾ ਗਿਆ | ਇਸ ਮੌਕੇ ਵਿਨੇ ਜੋਸ਼ੀ, ਨਿਖਿਲ ਲੂਥਰਾ, ਸੰਜੀਵ ਗੁਪਤਾ, ਪੰਕਜ ਵਰਮਾ ਤੇ ਸਟਾਫ਼ ਮੌਜੂਦ ਸਨ |
