ਧਾਰੀਵਾਲ, 5 ਅਪ੍ਰੈਲ (ਸਵਰਨ ਸਿੰਘ)-ਇਥੋਂ ਨਜ਼ਦੀਕੀ ਪਿੰਡ ਖੁੰਡਾ ਤੋਂ ਮੈਂਬਰ ਪੰਚਾਇਤ ਹਰਵਿੰਦਰ ਕੌਰ ਦੇ ਪਤੀ ਸੇਵਾ ਮੁਕਤ ਜੇ.ਈ. ਸਤਨਾਮ ਸਿੰਘ ਆਮ ਆਦਮੀ ਪਾਰਟੀ ਨੂੰ ਅਲਵਿਦਾ ਕਹਿ ਕੇ ਸ੍ਰੋਮਣੀ ਅਕਾਲੀ ਦਲ 'ਚ ਸ਼ਾਮਿਲ ਹੋ ਗਏ, ਜਿਨ੍ਹਾਂ ਨੂੰ ਸ਼੍ਰੋਮਣੀ ਅਕਾਲੀ ਦਲ ਹਲਕਾ ਕਾਦੀਆਂ ਦੇ ਇੰਚਾਰਜ ਗੁਰਇਕਬਾਲ ਸਿੰਘ ਮਾਹਲ ਨੇ ਸਿਰੋਪਾਓ ਪਾ ਕੇ ਪਾਰਟੀ ਵਿਚ ਸ਼ਾਮਿਲ ਕਰਵਾਇਆ | ਇਸ ਮੌਕੇ ਸ: ਗੁਰਇਕਬਾਲ ਸਿੰਘ ਮਾਹਲ ਨੇ ਕਿਹਾ ਕਿ ਲੋਕ ਆਮ ਆਦਮੀ ਪਾਰਟੀ ਤੋਂ ਘੁਟਣ ਮਹਿਸੂਸ ਕਰ ਰਹੇ ਹਨ ਅਤੇ ਖੇਤਰੀ ਪਾਰਟੀ ਅਕਾਲੀ ਦਲ ਨੂੰ ਮੁੜ ਸੱਤਾ ਵਿਚ ਲਿਆਉਣ ਲਈ ਉਤਾਵਲੇ ਹਨ | ਇਸ ਮੌਕੇ ਦੀਪ ਮਾਨ ਖੁੰਡਾ ਹਲਕਾ ਇੰਚਾਰਜ ਆਈ.ਟੀ. ਵਿੰਗ, ਭਾਈ ਵੱਸਣ ਸਿੰਘ ਜਫ਼ਰਵਾਲ, ਜਗਦੀਸ਼ ਰਾਜ ਪੰਚ ਪਿੰਡ ਖੁੰਡਾ, ਸਰਕਲ ਪ੍ਰਧਾਨ ਕਸ਼ਮੀਰ ਸਿੰਘ ਸ਼ੀਰਾ ਸਰਪੰਚ ਸਿੰਘਪੁਰ, ਸ਼ਹਿਰੀ ਪ੍ਰਧਾਨ ਆਸੂ ਪਹਿਲਵਾਨ, ਇੰਜ. ਜਤਿੰਦਰ ਸਿੰਘ ਜੇ.ਪੀ., ਸੁਰਜੀਤ ਸਿੰਘ ਫੌਜੀ, ਹਰਚਰਨ ਸਿੰਘ ਟੋਨਾ, ਅਰਸ਼ਦੀਪ ਸਿੰਘ ਥੇਹਤਿੱਖਾ ਆਦਿ ਵੀ ਹਾਜ਼ਰ ਸਨ |
