ਗੁਰਦਾਸਪੁਰ, 18 ਅਪ੍ਰੈਲ (ਅਸ਼ੋਕ ਸ਼ਰਮਾ)- ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਵਲੋਂ ਬੇਅਦਬੀ ਬਾਰੇ ਸੋਧ ਬਿੱਲ ਪਾਸ ਕਰਨਾ ਸ਼ਲਾਘਾਯੋਗ ਉਪਰਾਲਾ ਹੈ | ਇਨ੍ਹਾਂ ਗੱਲਾਂ ਦਾ ਪ੍ਰਗਟਾਵਾ ਕਰਦਿਆਂ ਆਮ ਆਦਮੀ ਪਾਰਟੀ ਦੇ ਬਲਾਕ ਪ੍ਰਧਾਨ ਬਲਵੀਰ ਸਿੰਘ ਅਤੇ ਨੌਜਵਾਨ ਆਗੂ ਨਿਸ਼ਾਨ ਸਿੰਘ ਗੁੰਝੀਆਂ ਨੇ ਕਿਹਾ ਕਿ ਪਹਿਲਾਂ ਜਦੋਂ ਧਾਰਮਿਕ ਗ੍ਰੰਥਾਂ ਦੀਆਂ ਬੇਅਦਬੀਆਂ ਹੁੰਦੀਆਂ ਸਨ, ਇਸ ਨਾਲ ਜਨਤਾ ਵਿਚ ਰੋਹ ਪੈਦਾ ਹੁੰਦਾ ਸੀ ਅਤੇ ਲੋਕ ਸੰਘਰਸ਼ ਦੇ ਰਾਹ ਉੱਤਰ ਪੈਂਦੇ ਸਨ | ਪਰ ਹੁਣ ਸਰਕਾਰ ਵਲੋਂ ਵਿਸਾਖੀ ਦਿਹਾੜੇ ਮੌਕੇ ਪਾਸ ਕੀਤੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਸਤਿਕਾਰ ਸੋਧ ਬਿੱਲ ਨਾਲ ਬੇਅਦਬੀਆਂ ਨੰੂ ਠੱਲ੍ਹ ਪਵੇਗੀ | ਉਨ੍ਹਾਂ ਕਿਹਾ ਕਿ ਪਹਿਲੀਆਂ ਸਰਕਾਰਾਂ ਬੇਅਦਬੀਆਂ ਸਬੰਧੀ ਕੋਈ ਕਾਨੰੂਨੀ ਨਹੀਂ ਬਣਾ ਸਕੀਆਂ | ਹੁਣ ਬੇਅਦਬੀ ਬਿੱਲ ਪਾਸ ਹੋਣ ਨਾਲ ਸਰਕਾਰ ਨੰੂ ਚੁਨੌਤੀਆਂ ਤੋਂ ਰਾਹਤ ਮਿਲੇਗੀ ਤੇ ਗ਼ਲਤ ਅਨਸਰਾਂ ਨੰੂ ਲੰਮੀ ਸਜ਼ਾ ਦਾ ਵੀ ਡਰ ਰਹੇਗਾ |
