ਪਠਾਨਕੋਟ, 5 ਮਈ (ਸੰਧੂ)-ਜਲੰਧਰ ਵਿਚ ਆਯੋਜਿਤ ਸਪੋਰਟ ਲਾਈਟ ਇੰਡੀਆ ਸਿੰਗਿੰਗ ਮੁਕਾਬਲੇ 'ਚ ਹਿਮਾਚਲ ਪ੍ਰਦੇਸ਼, ਪੰਜਾਬ ਤੇ ਜੰਮੂ-ਕਸ਼ਮੀਰ ਦੇ ਭਾਗੀਦਾਰਾਂ ਵਿਚਕਾਰ ਇਕ ਜ਼ਬਰਦਸਤ ਮੁਕਾਬਲਾ ਹੋਇਆ | ਇਸ ਵੱਕਾਰੀ ਪਲੇਟਫ਼ਾਰਮ 'ਤੇ ਏ.ਐਂਡ.ਐਮ. ਜੇਮਜ਼ ਕੈਂਬਰਿਜ ਇੰਟਰਨੈਸ਼ਨਲ ਸਕੂਲ ਪਠਾਨਕੋਟ ਦੀ ਇਕ ਹੋਣਹਾਰ ਵਿਦਿਆਰਥਣ ਕਿ੍ਸ਼ਨਾਂਗੀ ਨੇ ਆਪਣੀ ਸੁਰੀਲੀ ਆਵਾਜ਼, ਆਤਮ ਵਿਸ਼ਵਾਸ ਤੇ ਰੂਹਾਨੀ ਪ੍ਰਦਰਸ਼ਨ ਨਾਲ ਜੱਜਾਂ ਤੇ ਦਰਸ਼ਕਾਂ ਦੋਵਾਂ ਦਾ ਦਿਲ ਜਿੱਤ ਲਿਆ | ਗਾਇਕੀ ਸ਼੍ਰੇਣੀ ਵਿਚ ਪਹਿਲਾ ਸਥਾਨ ਪ੍ਰਾਪਤ ਕਰਕੇ ਕਿ੍ਸ਼ਨਾਂਗੀ ਨੇ ਨਾ ਸਿਰਫ਼ ਸਕੂਲ ਦਾ ਸਗੋਂ ਪੂਰੇ ਖੇਤਰ ਦਾ ਸਨਮਾਨ ਕੀਤਾ | ਇਸ ਸ਼ਾਨਦਾਰ ਪ੍ਰਾਪਤੀ ਲਈ ਉਸ ਨੂੰ ਨਕਦ ਇਨਾਮ ਵੀ ਦਿੱਤਾ ਗਿਆ | ਉਸ ਦਾ ਪ੍ਰਦਰਸ਼ਨ ਮੁਕਾਬਲੇ ਦਾ ਇਕ ਮੁੱਖ ਆਕਰਸ਼ਨ ਸੀ ਤੇ ਸਾਰਿਆਂ ਨੇ ਉਸ ਦੀ ਪ੍ਰਤਿਭਾ ਦੀ ਪ੍ਰਸ਼ੰਸਾ ਕੀਤੀ | ਸਕੂਲ ਦੇ ਪ੍ਰਧਾਨ ਅਕਸ਼ੈ ਮਹਾਜਨ, ਉਪ ਪ੍ਰਧਾਨ ਨਮਨ, ਪਿ੍ੰਸੀਪਲ ਡਾ: ਹਿਤਾਂਸ਼ੂ ਕੁਮਾਰ ਤੇ ਵਾਈਸ ਪਿ੍ੰਸੀਪਲ ਮੰਜੂ ਸਿੰਘ ਨੇ ਕਿ੍ਸ਼ਨਾਂਗੀ ਨੂੰ ਇਸ ਵੱਕਾਰੀ ਪ੍ਰਾਪਤੀ 'ਤੇ ਦਿਲੋਂ ਵਧਾਈ ਦਿੱਤੀ | ਉਨ੍ਹਾਂ ਕਿਹਾ ਕਿ ਕਿ੍ਸ਼ਨਾਂਗੀ ਦੀ ਸਫਲਤਾ ਉਸ ਦੀ ਮਿਹਨਤ, ਲਗਨ ਅਤੇ ਸਕੂਲ ਦੁਆਰਾ ਪ੍ਰਦਾਨ ਕੀਤੇ ਗਏ ਮਜ਼ਬੂਤ ਮਾਰਗ ਦਰਸ਼ਨ ਦਾ ਨਤੀਜਾ ਹੈ |
