ਧਾਰੀਵਾਲ, 13 ਮਈ (ਜੇਮਸ ਨਾਹਰ)-ਗਲੀ ਵਿਚ ਬੁਲਟ ਮੋਟਰਸਾਈਕਲ ਸਵਾਰ ਚਾਲਕ ਵਲੋਂ ਪਟਾਕੇ ਮਾਰਨ 'ਤੇ ਰੋਕਣ ਵਾਲੇ ਨੂੰ ਜ਼ਖ਼ਮੀ ਕਰ ਦਿੱਤਾ | ਪੁਲਿਸ ਨੂੰ ਦਿੱਤੇ ਬਿਆਨ ਵਿਚ ਪੀਟਰ ਪੁੱਤਰ ਸਿਮੋਨ ਵਾਸੀ ਫੱਤੇਨੰਗਲ ਨੇ ਦੱਸਿਆ ਕਿ ਪਿ੍ੰਸ ਪੁੱਤਰ ਮੰਗਤ ਵਾਸੀ ਫੱਤੇਨੰਗਲ 26 ਅਪ੍ਰੈਲ ਨੂੰ ਕਰੀਬ 8.30 ਰਾਤ ਉਕਤ ਆਪਣੇ ਬੁਲੇਟ ਮੋਟਰਸਾਈਕਲ ਨਾਲ ਗਲੀ 'ਚ ਪਟਾਕੇ ਮਾਰ ਰਿਹਾ ਸੀ, ਜਿਸ ਨੂੰ ਬਿਆਨ ਕਰਤਾ ਨੇ ਅਜਿਹਾ ਕਰਨ ਤੋਂ ਰੋਕਿਆ ਤਾਂ ਉਕਤ ਬੁਲੇਟ ਮੋਟਰਸਾਈਕਲ ਸਵਾਰ ਨੇ ਦਸਤੀ ਦਾਤਰ ਨਾਲ ਸੱਟਾਂ ਮਾਰ ਕੇ ਉਸ ਨੂੰ ਜ਼ਖ਼ਮੀ ਕਰ ਦਿੱਤਾ, ਜਿਸ 'ਤੇ ਮੁਕੱਦਮਾ ਦਰਜ ਕੀਤਾ ਗਿਆ ਹੈ |
