ਗੁਰਦਾਸਪੁਰ, 22 ਮਈ (ਅਸ਼ੋਕ ਸ਼ਰਮਾ)-ਪੰਡੋਰੀ ਮਹੰਤਾਂ ਅਧੀਨ ਪੈਂਦੇ ਸਾਹੋਵਾਲ ਵਾਇਆ ਭਟੋਇਆ ਤੇ ਦੀਨਾਨਗਰ ਨੰੂ ਜਾਂਦੀ ਸੜਕ ਜਿਸ ਦੀ ਪਿਛਲੇ 6 ਮਹੀਨੇ ਤੋਂ ਹਾਲਤ ਕਾਫ਼ੀ ਖਸਤਾ ਸੀ ਅਤੇ ਸੜਕ 'ਤੇ ਮੋਟਾ ਪੱਥਰ ਤੇ ਮਿੱਟੀ ਪਾਈ ਹੋਈ ਸੀ | ਪਰ ਪ੍ਰੀਮਿਕਸ ਨਾ ਪੈਣ ਕਾਰਨ ਮਿੱਟੀ ਅਤੇ ਮੋਟੇ ਪੱਥਰ ਕਾਰਨ ਪਿੰਡਾਂ ਦੇ ਲੋਕ ਕਾਫ਼ੀ ਪ੍ਰੇਸ਼ਾਨ ਸਨ | ਜਿਸ ਸਬੰਧੀ ਬੀਤੇ ਦਿਨ ਇਲਾਕੇ ਦੀਆਂ ਸਮਾਜ ਸੇਵੀ ਆਗੂਆਂ ਤੇ ਪੰਚਾਂ, ਸਰਪੰਚਾਂ ਵਲੋਂ 'ਅਜੀਤ' ਵਿਚ ਖ਼ਬਰ ਪ੍ਰਕਾਸ਼ਿਤ ਕਰਵਾਈ ਸੀ | ਜਿਸ ਦਾ ਅਸਰ ਉਸ ਵੇਲੇ ਸਾਹਮਣੇ ਆਇਆ, ਜਦੋਂ ਲੋਕ ਨਿਰਮਾਣ ਵਿਭਾਗ ਵਲੋਂ ਹਰਕਤ 'ਚ ਆਉਂਦਿਆਂ ਹੀ ਦੂਜੇ ਦਿਨ ਉਕਤ ਸੜਕ 'ਤੇ ਮਸ਼ੀਨਾਂ ਲਗਾ ਕੇ ਪ੍ਰੀਮਿਕਸ ਪਾਉਣ ਦਾ ਕੰਮ ਸ਼ੁਰੂ ਕਰ ਦਿੱਤਾ | ਸਮਾਜ ਸੇਵੀ ਆਗੂਆਂ ਤੇ ਪੰਚਾਂ, ਸਰਪੰਚਾਂ ਨੇ 'ਅਜੀਤ' ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਅਦਾਰਾ 'ਅਜੀਤ' ਨੇ ਹਮੇਸ਼ਾ ਹੀ ਲੋਕਾਂ ਤੇ ਮਸਲਿਆਂ ਤੇ ਮੁਸ਼ਕਿਲਾਂ ਨੰੂ ਪ੍ਰਸ਼ਾਸਨ ਤੋਂ ਹੱਲ ਕਰਵਾਉਣ ਲਈ ਪਹਿਲ ਦਿੱਤੀ ਹੈ |
