ਦੀਨਾਨਗਰ, 23 ਮਈ (ਸੋਢੀ/ਘੁੰਮਣ/ਸ਼ਰਮਾ)-ਸ਼ਾਂਤੀ ਦੇਵੀ ਆਰੀਆ ਮਹਿਲਾ ਕਾਲਜ ਦੇ ਵਿਗਿਆਨ ਵਿਭਾਗ ਤੇ ਈਕੋ ਕਲੱਬ ਵਲੋਂ ਵਿਸ਼ਵ-ਵਿਆਪੀ ਪ੍ਰਭਾਵ ਲਈ ਸਥਾਨਕ ਤੌਰ 'ਤੇ ਕੰਮ ਕਰਨਾ ਵਿਸ਼ੇ 'ਤੇ ਰਾਸ਼ਟਰੀ ਸੈਮੀਨਾਰ ਕਰਵਾਇਆ ਗਿਆ | ਪੰਜਾਬ ਜੈਵ ਵਿਭਿੰਨਤਾ ਬੋਰਡ ਚੰਡੀਗੜ੍ਹ ਦੇ ਸਹਿਯੋਗ ਤੇ ਭਾਰਤ ਸਰਕਾਰ ਦੇ ਰਾਸ਼ਟਰੀ ਜੈਵ ਵਿਭਿੰਨਤਾ ਅਥਾਰਟੀ ਦੇ ਅਧੀਨ ਕਰਵਾਏ ਸੈਮੀਨਾਰ ਦੀ ਪ੍ਰਧਾਨਗੀ ਪਿ੍ੰਸੀਪਲ ਡਾ: ਸਰਲਾ ਨਿਰੰਕਾਰੀ ਨੇ ਕੀਤੀ | ਜਦੋਂ ਕਿ ਹਿੰਦੂ ਸੁਰੱਖਿਆ ਸੰਮਤੀ ਪੰਜਾਬ ਦੇ ਉਪ ਪ੍ਰਧਾਨ ਡਾ: ਹਰੀਦੇਵ ਅਗਨੀਹੋਤਰੀ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ | ਸੈਮੀਨਾਰ 'ਚ ਜੰਗਲਾਤ ਬਲਾਕ ਅਫਸਰ ਜੰਗਲਾਤ ਵਿਭਾਗ ਪਠਾਨਕੋਟ ਪਿ੍ਅੰਕਾ ਸੈਣੀ ਤੇ ਅਭਿਆਸ ਸੈਣੀ ਜੰਗਲਾਤ ਬੀਟ ਅਫਸਰ ਜੰਗਲਾਤ ਵਿਭਾਗ ਅਭਿਆਸ ਸੈਣੀ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਿਲ ਹੋਏ | ਮੁੱਖ ਮਹਿਮਾਨ ਡਾ: ਹਰੀ ਦੇਵ ਅਗਨੀਹੋਤਰੀ ਨੇ ਕਿਹਾ ਕਿ ਔਸ਼ਧੀ ਪੌਦੇ ਸਾਡੇ ਲਈ ਵਰਦਾਨ ਹਨ, ਸਿਰਫ਼ ਛਾਂ ਦੇਣ ਵਾਲੇ ਰੁੱਖ ਹੀ ਨਹੀਂ, ਸਗੋਂ ਲਾਭਕਾਰੀ ਪੌਦੇ ਵੀ ਲਗਾਉਣੇ ਚਾਹੀਦੇ ਹਨ | ਵਿਸ਼ੇਸ਼ ਮਹਿਮਾਨ ਪਿ੍ਯੰਕਾ ਸੈਣੀ ਨੇ ਟਿਕਾਊ ਵਿਕਾਸ ਟੀਚਿਆਂ ਦੀ ਮਹੱਤਤਾ 'ਤੇ ਚਾਨਣਾ ਪਾਇਆ | ਵਣ ਬੀਟ ਅਧਿਕਾਰੀ ਅਭਿਆਸ ਸੈਣੀ ਨੇ ਕਿਹਾ ਕਿ ਜੇਕਰ ਅਸੀਂ ਵਾਤਾਵਰਨ ਨੂੰ ਬਚਾਉਣਾ ਚਾਹੁੰਦੇ ਹਾਂ ਤਾਂ ਸਾਨੂੰ ਰੁੱਖ ਲਗਾਉਣ ਨੂੰ ਪਵਿੱਤਰ ਫ਼ਰਜ਼ ਵਜੋਂ ਅਪਣਾਉਣਾ ਚਾਹੀਦਾ ਹੈ | ਅੰਤ 'ਚ ਮਹਿਮਾਨਾਂ ਨੂੰ ਕਾਲਜ ਵਲੋਂ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਡਾ: ਪੱਲਵੀ ਸ਼ਰਮਾ, ਪੀ.ਆਰ.ਓ ਪ੍ਰੋ: ਜੋਤੀ ਸੈਣੀ, ਡਾ: ਪ੍ਰਵੀਨ ਸੈਣੀ, ਪ੍ਰੋ: ਮੋਹਿਤ ਅਗਰਵਾਲ, ਪ੍ਰੋ: ਭਰਤ ਮਹਾਜਨ, ਪ੍ਰੋ: ਪੱਲਵੀ ਸ਼ਰਮਾ, ਡਾ: ਡਿੰਪਲ ਸ਼ਰਮਾ, ਪ੍ਰੋ: ਰਮਾ ਕਪੂਰ, ਪ੍ਰੋ: ਸਿਮਰ, ਪ੍ਰੋ: ਸਾਰਿਕਾ, ਪ੍ਰੋ: ਅਮਨ ਅਤੇ ਡਾ: ਪੂਜਾ ਵੀ ਮੌਜੂਦ ਸਨ |
