ਧਾਰੀਵਾਲ, 4 ਜੁਲਾਈ (ਸਵਰਨ ਸਿੰਘ)-ਮਸੀਹ ਭਾਈਚਾਰੇ ਦੇ ਸਿਆਸੀ ਅਤੇ ਧਾਰਮਿਕ ਆਗੂ ਟੋਨੀ ਵੜੈਚ ਨੂੰ ਇੰਗਲੈਂਡ ਵਿਚ ਪੀਸ ਅੰਬੈਸਟਰ ਲਗਾਉਣ ’ਤੇ ਪ੍ਰੋਫੈਸਰ ਡਾ. ਬਾਬਰ ਜੌਰਜ ਗਲੋਬਲ ਪ੍ਰੈਜੀਡੈਂਟ ਐਂਡ ਚੀਫ ਅੰਬੈਸਟਰ ਯੂਨਾਈਟਡ ਸਟੇਟ ਆਫ ਅਮਰੀਕਾ ਦਾ ਵਧੀਆ ਯੋਗਦਾਨ ਰਿਹਾ ਹੈ। ਇਸ ਗੱਲ ਦਾ ਪ੍ਰਗਟਾਵਾ ਨੌਜਵਾਨ ਕ੍ਰਿਸਚੀਅਨ ਆਗੂ ਲਵਲੀ ਰੰਧਾਵਾ ਧਾਰੀਵਾਲ ਨੇ ਕੀਤਾ। ਲਵਲੀ ਰੰਧਾਵਾ ਨੇ ਕਿਹਾ ਕਿ ਟੋਨੀ ਵੜੈਚ ਇਕ ਧਾਰਮਿਕ ਅਤੇ ਸਿਆਸੀ ਪੰਜਾਬੀ ਆਗੂ ਹੋਣ ਦੇ ਨਾਲ-ਨਾਲ ਇਕ ਚੰਗੇ ਸਮਾਜ ਸੇਵੀ ਹਨ। ਲਵਲੀ ਰੰਧਾਵਾ ਨੇ ਕਿਹਾ ਕਿ ਟੋਨੀ ਵੜੈਚ ਨੂੰ ਇੰਗਲੈਂਡ ਵਿਚ ਪੀਸ ਅੰਬੈਸਟਰ ਲਗਾਉਣ ਦੇ ਨਾਲ ਪੰਜਾਬ ਦੇ ਮਸੀਹ ਭਾਈਚਾਰੇ ਵਿਚ ਬਹੁਤ ਹੀ ਮਾਣ ਵਾਲੀ ਗੱਲ ਹੈ। ਲਵਲੀ ਰੰਧਾਵਾ ਨੇ ਕਿਹਾ ਕਿ ਜਦੋਂ ਵੀ ਟੋਨੀ ਵੜੈਚ ਇੰਡੀਆ ਆਉਣਗੇ ਤਾਂ ਮਸੀਹ ਭਾਈਚਾਰੇ ਵਲੋਂ ਉਨ੍ਹਾਂ ਦਾ ਭਰਵਾਂ ਸਵਾਗਤ ਕੀਤਾ ਜਾਵੇਗਾ।
