ਬਟਾਲਾ, 19 ਜੁਲਾਈ (ਸਤਿੰਦਰ ਸਿੰਘ)-ਆਵਾਰਾ ਕੁੱਤਿਆਂ ਦੀ ਵਧ ਰਹੀ ਲਗਾਤਾਰ ਗਿਣਤੀ ਕਾਰਨ ਹਨੇਰੇ-ਸਵੇਰ ਜਾਣ ਵਾਲੇ ਲੋਕ ਆਏ ਦਿਨ ਕੁੱਤਿਆਂ ਦਾ ਸ਼ਿਕਾਰ ਬਣ ਰਹੇ ਹਨ। ਇਸੇ ਤਰ੍ਹਾਂ ਦਾ ਮਾਮਲਾ ਅੱਜ ਸਵੇਰੇ ਸਾਹਮਣੇ ਆਇਆ। ਜਦੋਂ ਨਜ਼ਦੀਕੀ ਪਿੰਡ ਸੰਗਰਾਵਾਂ ਦੀ ਨਰਸਰੀ ’ਤੇ ਦੇਖ-ਰੇਖ ਦਾ ਕੰਮ ਕਰਦੇ ਗੋਵਿੰਦਾ (26) ਪੁੱਤਰ ਗੋਕਰਨ ਉਪਰ ਖੂੰਖਾਰ ਕੁੱਤੇ ਵਲੋਂ ਹਮਲਾ ਕਰ ਦਿੱਤਾ ਤੇ ਕੁੱਤੇ ਵਲੋਂ ਨੌਜਵਾਨ ਗੋਵਿੰਦਾ ਦੇ ਮੂੰਹ, ਬਾਹਵਾਂ ਤੇ ਸਰੀਰ ਦੇ ਹੋਰ ਕਈ ਜਗਾ ਕੱਟਿਆ ਗਿਆ, ਜੋ ਬੁਰੀ ਤਰ੍ਹਾਂ ਜ਼ਖ਼ਮੀ ਹੋ ਗਿਆ, ਜਿਸ ਨੂੰ ਬਟਾਲਾ ਦੇ ਸਿਵਲ ਹਸਪਤਾਲ ’ਚ ਦਾਖਲ ਕਰਵਾਇਆ ਗਿਆ ਹੈ, ਜਿਥੇ ਡਾਕਟਰਾਂ ਵਲੋਂ ਉਸ ਦੇ ਮੂੰਹ ’ਤੇ ਟਾਂਕੇ ਲਗਾਏ ਗਏ ਹਨ। ਜ਼ਖ਼ਮੀ ਹੋਏ ਗੋਵਿੰਦਾ ਨੇ ਮੰਗ ਕੀਤੀ ਹੈ ਕਿ ਸਰਕਾਰ ਕੁੱਤਿਆਂ ’ਤੇ ਕਾਬੂ ਪਾਉਣ ਲਈ ਠੋਸ ਕਦਮ ਚੁੱਕੇ।
