ਤਾਰਾਗੜ੍ਹ ਦੇ ਆਸ-ਪਾਸ ਇਲਾਕੇ ’ਚ ਰਸੋਈ ਗੈਸ ਸਿਲੰਡਰਾਂ ਦੀ ਬਲੈਕ ਜ਼ੋਰਾਂ ’ਤੇ
ਤਾਰਾਗੜ੍ਹ, 11 ਅਗਸਤ (ਸੋਹਨ ਲਾਲ)-ਰਸੋਈ ਗੈਸ ਦੀ ਤਾਰਾਗੜ੍ਹ ਦੇ ਇਲਾਕੇ ’ਚ ਬਲੈਕ ਜ਼ੋਰਾਂ ’ਤੇ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਰਸੋਈ ਗੈਸ ਦਾ ਸਿਲੰਡਰ ਬਲੈਕ ਵਿਚ 2000 ਰੁਪਏ ’ਚ ਸਾਨੂੰ ਆਰਾਮ ਨਾਲ ਮਿਲ ਜਾਂਦਾ ਹੈ, ਜੇ ਅਸੀਂ ਆਪਣੀ ਕਾਪੀ ’ਤੇ ਸਿਲੰਡਰ ਲੈਂਦੇ ਹਾਂ ਤਾਂ ਇੰਡੀਅਨ ਏਜੰਸੀ ਵਾਲਿਆਂ ਨੇ 45 ਦਿਨਾਂ ਦਾ ਸਮਾਂ ਤੈਅ ਕੀਤਾ ਹੋਇਆ ਹੈ।
ਤਾਰਾਗੜ੍ਹ, 11 ਅਗਸਤ (ਸੋਹਨ ਲਾਲ)-ਰਸੋਈ ਗੈਸ ਦੀ ਤਾਰਾਗੜ੍ਹ ਦੇ ਇਲਾਕੇ ’ਚ ਬਲੈਕ ਜ਼ੋਰਾਂ ’ਤੇ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਰਸੋਈ ਗੈਸ ਦਾ ਸਿਲੰਡਰ ਬਲੈਕ ਵਿਚ 2000 ਰੁਪਏ ’ਚ ਸਾਨੂੰ ਆਰਾਮ ਨਾਲ ਮਿਲ ਜਾਂਦਾ ਹੈ, ਜੇ ਅਸੀਂ ਆਪਣੀ ਕਾਪੀ ’ਤੇ ਸਿਲੰਡਰ ਲੈਂਦੇ ਹਾਂ ਤਾਂ ਇੰਡੀਅਨ ਏਜੰਸੀ ਵਾਲਿਆਂ ਨੇ 45 ਦਿਨਾਂ ਦਾ ਸਮਾਂ ਤੈਅ ਕੀਤਾ ਹੋਇਆ ਹੈ। ਪਰ ਇੰਡੀਅਨ ਏਜੰਸੀ ਵਾਲੇ ਤਿੰਨ-ਤਿੰਨ ਮਹੀਨੇ ਡੀ.ਐਸ.ਆਰ. ਨੰਬਰ ਆਉਣ ਤੋਂ ਬਾਅਦ ਵੀ ਸਾਨੂੰ ਰਸੋਈ ਗੈਸ ਸਿਲੰਡਰ ਨਹੀਂ ਦਿੰਦੇ । ਲੋਕਾਂ ਦਾ ਕਹਿਣਾ ਹੈ ਕਿ ਜੇ ਅਸੀਂ ਉਨ੍ਹਾਂ ਨੂੰ ਕਹਿ ਦਿੰਦੇ ਹਾਂ ਕਿ ਸਾਨੂੰ ਤੁਸੀਂ ਰਸੋਈ ਗੈਸ ਸਿਲੰਡਰ ਬਲੈਕ ਵਿਚ ਦੇ ਦਿਉ ਤਾਂ ਉਹ ਸਾਨੂੰ 2000 ਰੁਪਏ ਵਿਚ ਦਿੰਦੇ ਹਨ । ਦੱਸ ਦੇਈਏ ਕਿ ਐਚ.ਪੀ. ਏਜੰਸੀ ਵਾਲਿਆਂ ਨੇ 25-26 ਦਿਨਾਂ ਬਾਅਦ ਡੀ.ਐਸ.ਆਰ. ਨੰਬਰ ਤੋਂ ਬਾਅਦ ਸਿਲੰਡਰ ਲੋਕਾਂ ਨੂੰ ਦੇ ਰਹੇ ਹਨ, ਕਿਉਂਕਿ ਇਨ੍ਹਾਂ ਦੀ ਐਚ.ਪੀ. ਗੈਸ ਏਜੰਸੀ ’ਤੇ ਹਲਕਾ ਭੋਆ ਦੇ ਮੰਤਰੀ ਲਾਲ ਚੰਦ ਕਟਾਰੂਚੱਕ ਨੇ ਪਿਛਲੇ ਦਿਨੀਂ ਇਨ੍ਹਾਂ ਦੀ ਐਚ.ਪੀ. ਗੈਸ ਏਜੰਸੀ ਵਿਚ ਛਾਪੇਮਾਰੀ ਕੀਤੀ ਸੀ ਤੇ ਇਨ੍ਹਾਂ ਨੂੰ ਹਦਾਇਤਾਂ ਦਿੱਤੀਆਂ ਸਨ ਕਿ ਲੋਕਾਂ ਨੂੰ ਸਮੇਂ ’ਤੇ ਰਸੋਈ ਸਿਲੰਡਰ ਦਿੱਤੇ ਜਾਣ ਤਾਂ ਹੀ ਇਹ ਲੋਕਾਂ ਨੂੰ ਸਮੇਂ ’ਤੇ ਰਸੋਈ ਗੈਸ ਸਿਲੰਡਰ ਦੇ ਰਹੇ ਹਨ। ਲੋਕਾਂ ਨੇ ਹਲਕਾ ਭੋਆ ਦੇ ਮੰਤਰੀ ਕੋਲੋਂ ਮੰਗ ਕੀਤੀ ਹੈ ਕਿ ਇੰਡੀਅਨ ਗੈਸ ਏਜੰਸੀ ’ਤੇ ਵੀ ਛਾਪੇਮਾਰੀ ਕੀਤੀ ਜਾਵੇ ਤਾਂ ਕਿ ਇਹ ਵੀ ਲੋਕਾਂ ਨੂੰ ਡੀ.ਐਸ.ਆਰ. ਨੰਬਰ ਆਉਣ ਤੋਂ ਬਾਅਦ ਰਸੋਈ ਗੈਸ ਸਿਲੰਡਰ ਦੇਣ।
