ਮਸ਼ਹੂਰ ਬਲਹੋਤਰਾ ਫੈਮਿਲੀ ਰੈਸਟੋਰੈਂਟ ਭਿੱਲੇ ਦਾ ਢਾਬਾ ਵਲੋਂ ਸ਼ਰਾਬ ਪਿਆਉਣ ’ਤੇ ਮਨਾਹੀ ਜਨਮ ਦਿਨ, ਕਿੱਟੀ ਪਾਰਟੀ, ਵਿਆਹ, ਸ਼ਗਨ ਸਮੇਤ ਹੋਰ ਪ੍ਰੋਗਰਾਮਾਂ ਲਈ ਸਵਾਦਿਸ਼ਟ ਖਾਣੇ ’ਚ ਹੈ ਮਸ਼ਹੂਰ

ਕਲਾਨੌਰ, 13 ਅਗਸਤ (ਪੁਰੇਵਾਲ)-ਸਥਾਨਕ ਕਸਬੇ ’ਚ ਬੱਸ ਅੱਡੇ ਦੇ ਨੇੜੇ ਸਭ ਤੋਂ ਪੁਰਾਣੇ ਤੇ ਮਸ਼ਹੂਰ ਭਿੱਲੇ ਦਾ ਢਾਬਾ ਬਲਹੋਤਰਾ ਫੈਮਿਲੀ ਰੈਸਟੋਰੈਂਟ ਵੱਖ-ਵੱਖ ਪ੍ਰੋਗਰਾਮ ਕਰਨ ਲਈ ਲੋਕਾਂ ਦੀ ਪਹਿਲੀ ਪਸੰਦ ਹੈ ਅਤੇ ਰੈਸਟੋਰੈਂਟ ਦੇ ਪ੍ਰਬੰਧਕਾਂ ਨੇ ਹੁਣ ਫੈਸਲਾ ਕਰਦਿਆਂ ਗਾਹਕਾਂ ਦੀ ਮੰਗ ’ਤੇ ਰੈਸਟੋਰੈਂਟ ਦੇ ਅੰਦਰ ਸ਼ਰਾਬ ਪੀਣ ’ਤੇ ਮਨਾਹੀ ਲਗਾ ਦਿੱਤੀ ਗਈ ਹੈ। ਜਾਣਕਾਰੀ ਸਾਂਝੀ ਕਰਦਿਆਂ ਪ੍ਰਬੰਧਕ ਭਜਨ ਲਾਲ ਬਲਹੋਤਰਾ ਭਿੱਲਾ, ਸੰਨੀ ਬਲਹੋਤਰਾ ਨੇ ਦੱਸਿਆ ਕਿ ਉਹ ਕਲਾਨੌਰ ਵਿਖੇ ਪਿਛਲੇ 50 ਸਾਲਾਂ ਤੋਂ ਭਿੱਲੇ ਦਾ ਢਾਬਾ ਚਲਾ ਰਹੇ ਹਨ, ਜਦਕਿ ਹੁਣ ਅਜੋਕੇ ਸਮੇਂ ਦੀ ਮੰਗ ਨੂੰ ਮੁੱਖ ਰੱਖਦਿਆਂ ਉਨ੍ਹਾਂ ਵਲੋਂ ਇਸ ਦੇ ਨਾਲ ਬਲਹੋਤਰਾ ਫੈਮਿਲੀ ਰੈਸਟੋਰੈਂਟ ਦੀ ਵੀ ਸ਼ੁਰੂਆਤ ਕਰ ਕੇ ਮੈਟਰੋਸਿਟੀ ’ਚ ਸਮਾਗਮ ਕਰਨ ਵਾਲੀ ਸਹੂਲਤ ਕਲਾਨੌਰ ’ਚ ਦਿੱਤੀ ਜਾ ਰਹੀ ਹੈ।