ਤਾਰਾਗੜ੍ਹ ਦੇ ਸ਼ਿਵ ਭਗਤਾਂ ਵਲੋਂ ਮਨੀ ਮਹੇਸ਼ ਯਾਤਰੀਆਂ ਲਈ ਲਗਾਇਆ ਲੰਗਰ

ਅ

ਅਜੀਤ ਡੈਸਕ 02-09-2026

ਤਾਰਾਗੜ੍ਹ, 1 ਸਤੰਬਰ (ਸੋਹਨ ਲਾਲ)-ਤਾਰਾਗੜ੍ਹ ਦੇ ਸ਼ਿਵ ਭਗਤਾਂ ਵਲੋਂ 8ਵਾਂ ਵਿਸ਼ਾਲ ਭੰਡਾਰਾ ਸਮਾਜ ਸੇਵੀ ਰਾਜੇਸ਼ ਕੁਮਾਰ ਕੁੱਦਾ ਦੀ ਅਗਵਾਈ ਹੇਠ ਮਨੀ ਮਹੇਸ਼ ਜਾਣ ਵਾਲੇ ਯਾਤਰੀਆਂ ਦੀ ਸੁਵਿਧਾ ਲਈ ਲਗਾਇਆ ਗਿਆ। ਜਾਣਕਾਰੀ ਦਿੰਦੇ ਹੋਏ ਤਾਰਾਗੜ੍ਹ ਤੋਂ ਸਮਾਜ ਸੇਵੀ ਰਾਜੇਸ਼ ਕੁਮਾਰ ਕੁੱਦਾ ਨੇ ਦੱਸਿਆ ਕਿ ਮਣੀ ਮਹੇਸ਼ ਦੀ ਯਾਤਰਾ ਬਹੁਤ ਜ਼ਿਆਦਾ ਕਠਿਨ ਹੈ ਤੇ ਇਸ ਲਈ ਮਨੀ ਮਹੇਸ਼ ਜਾਣ ਵਾਲੇ ਯਾਤਰੀਆਂ ਦੀ ਸੁਵਿਧਾਵਾਂ ਮੁਤਾਬਿਕ ਉਨ੍ਹਾਂ ਦੇ ਖਾਣ ਪੀਣ ਦਾ ਪ੍ਰਬੰਧ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਵਾਰ ਇਹ 8ਵਾਂ ਭੰਡਾਰਾ ਤਾਰਾਗੜ੍ਹ ਦੇ ਸ਼ਿਵ ਭਗਤਾਂ ਵਲੋਂ ਲਗਾਇਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਇਹ ਭੰਡਾਰਾ ਪਠਾਨਕੋਟ ਤੋਂ ਦੁਨੇਰਾ ਰੋਡ ’ਤੇ ਦੁਨੇਰੇ ਤੋਂ ਪੰਜ ਕਿੱਲੋਮੀਟਰ ਪਹਿਲਾਂ ਹਨੂਮਾਨ ਜੀ ਦੇ ਮੰਦਿਰ ਵਿਖੇ ਲਗਾਇਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਜਦੋਂ ਤੱਕ ਮਨੀ ਮਹੇਸ਼ ਦੀ ਯਾਤਰਾ ਚਾਲੂ ਰਹੇਗੀ ਇਹ ਭੰਡਾਰਾ ਵੀ ਚੱਲਦਾ ਰਹੇਗਾ ਅਤੇ ਯਾਤਰੀਆਂ ਦੀਆਂ ਸੁਵਿਧਾਵਾਂ ਮੁਤਾਬਿਕ ਉਨ੍ਹਾਂ ਦੇ ਖਾਣ-ਪੀਣ ਦਾ ਪ੍ਰਬੰਧ ਕੀਤਾ ਜਾਵੇਗਾ । ਇਸ ਮੌਕੇ ਉਨ੍ਹਾਂ ਨਾਲ ਠਾਕੁਰ ਸਰਬਜੀਤ ਸਿੰਘ ਸੱਭਾ, ਸਰਪੰਚ ਜੋਗਿੰਦਰ ਸਿੰਘ, ਸ਼ਾਲੂ ਮਹਾਜਨ, ਸਾਬੀ ਸਿਹੋੜਾ, ਸ਼ੇਰ ਸਿੰਘ, ਜਤਿੰਦਰ ਸਿੰਘ ਫੌਜੀ, ਸੀਤਾ ਚਾਚਾ ਝੇਲਾ ਆਮ ਦਾ ਛਕੜਗੜ, ਮੋਨੂ ਨੰਬਰਦਾਰ, ਵਿਸ਼ਾਲ ਮਹਾਜਨ, ਬੋਧ ਰਾਜ ਹਲਵਾਈ, ਸੈਂਟੀ ਠਾਕੁਰ ਅਤੇ ਹੋਰ ਬਹੁਤ ਸਾਰੇ ਸ਼ਿਵ ਭਗਤ ਮੌਜੂਦ ਸਨ ।

ਪਿਛਲੀ ਖ਼ਬਰ ਸ੍ਰੀ ਰਾਮ ਕਲਾ ਮੰਚ ਵਲੋਂ ਰਾਮ ਲੀਲ੍ਹਾ ਦੇ ਸਬੰਧ ’ਚ ਹਵਨ ਯੱਗ ਤੇ ਝੰਡਾ ਪੂਜਨ ਕਰਵਾਇਆ ਅਗਲੀ ਖ਼ਬਰ ਸਾਬਕਾ ਸੈਨਿਕ ਸੰਘਰਸ਼ ਕਮੇਟੀ ਦੀ ਮੀਟਿੰਗ

ਤਾਰਾਗੜ੍ਹ ਦੇ ਸ਼ਿਵ ਭਗਤਾਂ ਵਲੋਂ ਮਨੀ ਮਹੇਸ਼ ਯਾਤਰੀਆਂ ਲਈ ਲਗਾਇਆ ਲੰਗਰ

ਸੰਬੰਧਿਤ ਖ਼ਬਰਾਂ