ਬੇਗੋਵਾਲ ਤਾਰਾਗੜ੍ਹ ਵਿਚ 50ਵਾਂ ਸਲਾਨਾ ਦੁਸਹਿਰਾ ਉਤਸਵ ਧੂਮਧਾਮ ਨਾਲ ਮਨਾਇਆ
ਤਾਰਾਗੜ੍ਹ, 21 ਅਕਤੂਬਰ (ਸੋਹਨ ਲਾਲ)-ਹਲਕਾ ਭੋਆ ਦੇ ਅਧੀਨ ਆਉਂਦੇ ਬੇਗੋਵਾਲ (ਤਾਰਾਗੜ੍ਹ) ਸਥਿਤ ਸ੍ਰੀ ਰਾਮ ਮੰਦਿਰ ਵਿਚ ਲਕਸ਼ਮੀ ਡਰਾਮੈਟਿਕ ਕਲੱਬ ਵਲੋਂ 50ਵਾਂ ਸਾਲਾਨਾ ਦੁਸਹਿਰਾ ਉਤਸਵ ਪ੍ਰਧਾਨ ਹਰਸ਼ ਸ਼ਰਮਾ ਦੀ ਅਗਵਾਈ ਹੇਠ ਮਨਾਇਆ ਗਿਆ । ਪ੍ਰੋਗਰਾਮ ’ਚ ਹਲਕਾ ਭੋਆ ਦੇ ਸਾਬਕਾ ਵਿਧਾਇਕ ਤੇ ਕਾਂਗਰਸ ਆਗੂ ਜੋਗਿੰਦਰ ਪਾਲ ਮੁੱਖ ਮਹਿਮਾਨ ਵਜੋਂ ਪਹੁੰਚੇ ।
ਤਾਰਾਗੜ੍ਹ, 21 ਅਕਤੂਬਰ (ਸੋਹਨ ਲਾਲ)-ਹਲਕਾ ਭੋਆ ਦੇ ਅਧੀਨ ਆਉਂਦੇ ਬੇਗੋਵਾਲ (ਤਾਰਾਗੜ੍ਹ) ਸਥਿਤ ਸ੍ਰੀ ਰਾਮ ਮੰਦਿਰ ਵਿਚ ਲਕਸ਼ਮੀ ਡਰਾਮੈਟਿਕ ਕਲੱਬ ਵਲੋਂ 50ਵਾਂ ਸਾਲਾਨਾ ਦੁਸਹਿਰਾ ਉਤਸਵ ਪ੍ਰਧਾਨ ਹਰਸ਼ ਸ਼ਰਮਾ ਦੀ ਅਗਵਾਈ ਹੇਠ ਮਨਾਇਆ ਗਿਆ । ਪ੍ਰੋਗਰਾਮ ’ਚ ਹਲਕਾ ਭੋਆ ਦੇ ਸਾਬਕਾ ਵਿਧਾਇਕ ਤੇ ਕਾਂਗਰਸ ਆਗੂ ਜੋਗਿੰਦਰ ਪਾਲ ਮੁੱਖ ਮਹਿਮਾਨ ਵਜੋਂ ਪਹੁੰਚੇ । ਪ੍ਰੋਗਰਾਮ ਦੀ ਅਗਵਾਈ ਮਹੰਤ ਰਾਮ ਪ੍ਰਕਾਸ਼ ਦਾਸ ਮਹਾਰਾਜ ਨੇ ਕੀਤੀ, ਜਦਕਿ ਪ੍ਰਧਾਨ ਹਰਸ਼ ਸ਼ਰਮਾ ਤੇ ਕਲੱਬ ਦੇ ਸਮੂਹ ਮੈਂਬਰਾਂ ਵਲੋਂ ਸਮਾਗਮ ਦੀਆਂ ਵਿਵਸਥਾਵਾਂ ਕੀਤੀਆਂ ਗਈਆਂ । ਪ੍ਰੋਗਰਾਮ ਦੁਪਹਿਰ 3 ਵਜੇ ਝਾਕੀਆਂ ਨਾਲ ਸ਼ੁਰੂ ਹੋਇਆ, ਜਦਕਿ ਦਸਹਿਰਾ ਉਤਸਵ ਸ਼ਾਮ 5 ਵਜੇ ਆਯੋਜਿਤ ਕੀਤਾ ਗਿਆ । ਇਸ ਦੌਰਾਨ ਭਗਵਾਨ ਸ੍ਰੀ ਰਾਮ ਦੇ ਆਦਰਸ਼ਾਂ, ਮਰਿਆਦਾ ਦਾ ਸੰਦੇਸ਼ ਜਨ-ਜਨ ਤੱਕ ਪਹੁੰਚਾਇਆ ਗਿਆ । ਸਮਾਗਮ ਵਿਚ ਵਿਸ਼ੇਸ਼ ਮਹਿਮਾਨਾਂ ਵਜੋਂ ਐਸ.ਡੀ.ਓ. ਬ੍ਰਿਜਮੋਹਨ ਵਰਮਾ, ਨਾਇਬ ਤਹਿਸੀਲਦਾਰ ਰਣਦੀਪ ਸਿੰਘ ਸਲਾਰੀਆ, ਜਤਿੰਦਰ ਪਠਾਨੀਆ (ਪੱਪੀ), ਰਾਕੇਸ਼ ਵਰਮਾ (ਵਰਮਾ ਜਵੈਲਰਜ਼), ਨਾਇਬ ਤਹਿਸੀਲਦਾਰ ਰਣਦੀਪ ਸਿੰਘ ਤੇ ਪੰਚਾਇਤ ਮੈਂਬਰ ਅਸ਼ਵਨੀ ਠਾਕੁਰ ਸਮੇਤ ਹੋਰ ਪਤਵੰਤੇ ਵਿਅਕਤੀ ਸ਼ਾਮਿਲ ਹੋਏ । ਆਯੋਜਕਾਂ ਵਲੋਂ ਕਲੱਬ ਦੇ ਮੈਂਬਰਾਂ ਅਤੇ ਇਲਾਕਾ ਵਾਸੀਆਂ ਦੀ ਹਾਜ਼ਰੀ ਵਿਚ ਰਾਵਣ ਦੇ ਪੁਤਲੇ ਨੂੰ ਅਗਨੀ ਭੇਟ ਕੀਤਾ ਗਿਆ। ਇਸ ਮੌਕੇ ਮਿੱਕੀ ਠਾਕੁਰ, ਸ਼ਾਲੂ ਰਾਣਾ, ਜਨਰਲ ਸਕੱਤਰ ਅਸ਼ਵਨੀ ਅੱਤਰੀ, ਬਲਵੀਰ ਖੋਖਰ, ਨੰਦਕਿਸ਼ੋਰ, ਗੋਲਡੀ, ਕੁਲਦੀਪ ਰਾਜ, ਅਰੁਣ ਸ਼ਰਮਾ, ਨੀਤੂ ਸ਼ਰਮਾ, ਜਗਦੀਸ਼ ਰਾਜ ਮਹਿਰਾ, ਰਾਕੇਸ਼ ਰਾਣੂ, ਮਨੀਸ਼ ਮਹਿਰਾ, ਮਹਿੰਦਰ ਪਾਲ ਮਹਾਜਨ, ਵਿਨੀਤ, ਅਸ਼ਵਨੀ ਮਹਾਜਨ ਆਦਿ ਹਾਜ਼ਰ ਸਨ। ਇਸ ਮੌਕੇ ਸਾਬਕਾ ਵਿਧਾਇਕ ਜੋਗਿੰਦਰ ਪਾਲ ਨੇ ਦੁਸਹਿਰਾ ਦੀਆਂ ਸ਼ੁਭਕਾਮਨਾਵਾਂ ਦਿੰਦਿਆਂ ਕਿਹਾ ਕਿ ਦੁਸਹਿਰਾ ਕੇਵਲ ਇਕ ਧਾਰਮਿਕ ਤਿਉਹਾਰ ਨਹੀਂ, ਬਲਕਿ ਸੱਚ, ਨਿਆਂ, ਸਦਾਚਾਰ ਤੇ ਜਨਕਲਿਆਣ ਦੇ ਮਾਰਗ ’ਤੇ ਚੱਲਣ ਦੀ ਪ੍ਰੇਰਨਾ ਦੇਣ ਵਾਲਾ ਤਿਉਹਾਰ ਹੈ ।
