ਮੰਡੀ ਲਾਧੂਕਾ, 3 ਜਨਵਰੀ (ਰਾਕੇਸ਼ ਛਾਬੜਾ)-ਮੰਡੀ ਦੀ ਪੰਚਾਇਤ ਨੇ ਸ਼ਿਵਪੁਰੀ ਕਮੇਟੀ ਨੂੰ ਸ਼ਮਸ਼ਾਨਘਾਟ ਵਿਚ ਸੰਸਕਾਰ ਦੇ ਲਈ ਆਧੁਨਿਕ ਭੱਠੀ ਬਣਾਉਣ ਲਈ 2 ਲੱਖ 40 ਹਜ਼ਾਰ ਰੁਪਏ ਦੀ ਗਰਾਂਟ ਪ੍ਰਦਾਨ ਕੀਤੀ ਗਈ ਹੈ | ਮੰਡੀ ਦੇ ਸਰਪੰਚ ਮਨਜੋਤ ਸਿੰਘ ਖੇੜਾ ਪਿ੍ੰਸ ਨੇ ਦੱਸਿਆ ਕਿ ਮੰਡੀ ਦੇ ਸ਼ਮਸ਼ਾਨਘਾਟ ਵਿਚ ਨਵੀਂ ਅਤੇ ਆਧੁਨਿਕ ਭੱਠੀ ਤੋਂ ਇਲਾਵਾ ਹੋਰ ਵੀ ਕਈ ਵਿਕਾਸ ਕਾਰਜ ਹੋਣ ਵਾਲੇ ਸਨ, ਜਿਨ੍ਹਾਂ ਨੂੰ ਸ਼ੁਰੂ ਕਰ ਦਿੱਤਾ ਗਿਆ ਹੈ | ਉਨ੍ਹਾਂ ਨੇ ਕਿਹਾ ਹੈ ਸੰਸਕਾਰ ਦੇ ਲਈ ਇਹ ਭੱਠੀ ਕਾਫ਼ੀ ਕਿਫ਼ਾਇਤੀ ਸਾਬਤ ਹੋ ਰਹੀ ਹੈ | ਉਨ੍ਹਾਂ ਨੇ ਕਿਹਾ ਹੈ ਰਵਾਇਤੀ ਤਰੀਕੇ ਦੇ ਨਾਲ ਕੀਤੇ ਗਏ ਸੰਸਕਾਰ ਤੇ 7 ਮਣ ਲੱਕੜ ਖਪ ਜਾਂਦੀ ਸੀ, ਜਦੋਂ ਕਿ ਇਸ ਪ੍ਰਕਾਰ ਦੀ ਭੱਠੀ ਵਿਚ ਸਿਰਫ਼ 60 ਤੋਂ 70 ਕਿੱਲ੍ਹ ਲੱਕੜ ਦੇ ਨਾਲ ਸੰਸਕਾਰ ਸੰਪੰਨ ਹੋ ਜਾਂਦਾ ਹੈ | ਉਨ੍ਹਾਂ ਨੇ ਕਿਹਾ ਹੈ ਕਿ ਇਕ ਤਰ੍ਹਾਂ ਦੇ ਨਾਲ ਇਸ ਪ੍ਰਕਾਰ ਦੀਆਂ ਭੱਠੀਆਂ ਵਾਤਾਵਰਨ ਦੇ ਲਈ ਵੀ ਬਿਹਤਰ ਸਾਬਤ ਹੋ ਰਹੀਆਂ ਹਨ | ਇਸ ਮੌਕੇ 'ਤੇ ਉਨ੍ਹਾਂ ਦੇ ਨਾਲ ਸ਼ਿਵਪੁਰੀ ਕਮੇਟੀ ਦੇ ਪ੍ਰਧਾਨ ਸਤੀਸ਼ ਵਧਵਾ, ਰਮਨ ਨਰੂਲਾ, ਜੰਗੀਰ ਸਿੰਘ, ਸਚਿਨ ਲੋਟਾ ਸੋਨੂੰ, ਸੁਭਾਸ਼ ਕੰਬੋਜ, ਸ਼ਾਮ ਲਾਲ ਛਾਬੜਾ, ਰਾਜਦੀਪ ਸਿੰਘ ਅਤੇ ਅਜੈ ਸਿੰਘ ਆਦਿ ਹਾਜ਼ਰ ਸਨ |
