ਅਬੋਹਰ, 4 ਅਪ੍ਰੈਲ (ਸੁਖਜੀਤ ਸਿੰਘ ਬਰਾੜ)-ਅੱਜ ਦੁਪਹਿਰ ਅਬੋਹਰ ਸ਼ਹਿਰ ਅਤੇ ਇਲਾਕੇ ਦੇ ਕਈ ਪਿੰਡਾਂ 'ਚ ਮੀਂਹ ਦੇ ਨਾਲ ਗੜੇਮਾਰੀ ਹੋਣ ਦੇ ਵੀ ਸਮਾਚਾਰ ਹਨ | ਅੱਜ ਲਗਾਤਾਰ ਤੀਜੇ ਦਿਨ ਵੀ ਅਬੋਹਰ ਇਲਾਕੇ ਮੌਸਮ ਖ਼ਰਾਬ ਹੀ ਰਿਹਾ | ਅੱਜ ਦੁਪਹਿਰ ਸ਼ਹਿਰ ਅਤੇ ਇਲਾਕੇ ਦੇ ਪਿੰਡ ਦੌਲਤਪੁਰਾ, ਪੱਟੀ ਬਿੱਲਾ, ਗੋਬਿੰਦਗੜ੍ਹ, ਰਹੁੜਿਆ ਵਾਲੀ, ਬੁਰਜ ਮੁਹਾਰ, ਸੱਪਾਂਵਾਲੀ ਆਦਿ ਦਰਜਨਾਂ ਪਿੰਡਾ ਦੀ ਮੀਂਹ ਦੇ ਨਾਲ ਨਾਲ ਗੜੇਮਾਰੀ ਵੀ ਹੋਈ | ਅਬੋਹਰ ਇਲਾਕੇ ਦੀ ਬੀਤੇ ਤਿੰਨ ਦਿਨ ਲਗਾਤਾਰ ਹਰ ਰੋਜ਼ ਹੀ ਬੇਮੌਸਮੀ ਮੀਂਹ ਪੈ ਰਿਹਾ ਹੈ | ਜਿਸ ਕਾਰਨ ਕਿਸਾਨ ਬੇਹੱਦ ਚਿੰਤਾ ਵਿਚ ਹਨ | ਕਿਉਂਕਿ ਇਸ ਸਮੇਂ ਕਣਕ ਦੀ ਫ਼ਸਲ ਪੱਕ ਕੇ ਤਿਆਰ ਹੈ | ਉੱਪਰੋਂ ਹਰ ਰੋਜ਼ ਬੇਮੌਸਮੀ ਮੀਂਹ ਪੈ ਰਿਹਾ ਹੈ | ਇੱਥੇ ਇਹ ਵੀ ਦੱਸਣਯੋਗ ਹੈ ਕਿ ਬੀਤੇ ਦੋ ਦਿਨ ਪਹਿਲਾ ਹੋਈ ਗੜੇਮਾਰੀ ਨਾਲ ਇਲਾਕੇ ਦੇ ਪਿੰਡ ਬੁਰਜ ਮੁਹਾਰ, ਡੰਗਰ ਖੇਡਾਂ, ਵਜੀਦਪੁਰ ਕੱਟਿਆ ਵਾਲੀ, ਝੰੂਮਿਆ ਵਾਲੀ ਆਦਿ ਪਿੰਡਾ ਦਿੱਤਾ ਫ਼ਸਲਾਂ ਦਾ ਬਹੁਤ ਜ਼ਿਆਦਾ ਨੁਕਸਾਨ ਹੋ ਗਿਆ ਸੀ |
