ਤਲਵੰਡੀ ਭਾਈ, 26 ਅਪ੍ਰੈਲ (ਕੁਲਜਿੰਦਰ ਸਿੰਘ ਗਿੱਲ)-ਉਦਯੋਗ ਵਿਭਾਗ ਵਲੋਂ ਤਲਵੰਡੀ ਭਾਈ ਦੀ ਖੇਤੀਬਾੜੀ ਸੰਦ ਸਨਅਤ ਨੂੰ ਆਧੁਨਿਕ ਲੀਹਾਂ 'ਤੇ ਤੋਰਨ ਅਤੇ ਪੰਜਾਬ ਸਰਕਾਰ ਦੀ ਨਵੀਂ ਉਦਯੋਗ ਨੀਤੀ ਤੋਂ ਜਾਣੂ ਕਰਵਾਉਣ ਲਈ ਇੱਥੇ ਪੰਜਾਬ ਐਗਰੀਕਲਚਰ ਇੰਪਲੀਮੈਂਟਸ ਮੈਨੂਫੈਕਚਰਰਜ਼ ਐਸੋਸੀਏਸ਼ਨ ਦੇ ਪ੍ਰਬੰਧਾਂ ਹੇਠ ਰੈਮ ਸਕੀਮ ਅਤੇ ਪੰਜਾਬ ਸਰਕਾਰ ਦੇ ਉੱਨਤ ਸਮਰੱਥਾ ਨਿਰਮਾਣ ਪ੍ਰੋਗਰਾਮ ਤਹਿਤ ਸਨਅਤਕਾਰਾਂ ਦੀ ਵਰਕਸ਼ਾਪ ਲਗਾਈ ਗਈ | ਜਿਸ ਵਿਚ ਡਾ. ਸੰਜੀਵ ਚੱਢਾ ਪੋ੍ਰਫ਼ੈਸਰ ਅਤੇ ਮੁਖੀ ਐਮ.ਡੀ.ਸੀ. ਮਗਸੀਪ, ਦੀਪ ਸਿੰਘ ਗਿੱਲ ਜਨਰਲ ਮੈਨੇਜਰ ਡੀ.ਆਈ.ਸੀ. ਫਿਰੋਜ਼ਪੁਰ, ਆਰ.ਸੀ.ਦਾਹਰਾ ਰਿਟਾ.ਵਧੀਕ ਡਾਇਰੈਕਟਰ ਉਦਯੋਗ ਵਿਭਾਗ ਹਰਿਆਣਾ, ਦਿਲਪ੍ਰੀਤ ਸਿੰਘ ਪਿ੍ੰਸੀਪਲ ਮਰਾਡੋ ਲੁਧਿਆਣਾ, ਹਿਮਾਂਸ਼ੂ ਗੋਇਲ ਸੀ.ਏ, ਸੁਖਰਾਜ ਸਿੰਘ ਵਿਰਕ ਐੱਫ.ਐਮ.ਜ਼ਿਲ੍ਹਾ ਉਦਯੋਗ ਕੇਂਦਰ ਫਿਰੋਜ਼ਪੁਰ ਆਦਿ ਉਚੇਚੇ ਤੌਰ 'ਤੇ ਸ਼ਾਮਿਲ ਹੋਏ | ਇਸ ਮੌਕੇ 'ਤੇ ਸਨਅਤਕਾਰਾਂ ਨੂੰ ਪੰਜਾਬ ਸਰਕਾਰ ਦੀ ਨਵੀਂ ਉਦਯੋਗ ਨੀਤੀ ਸਬੰਧੀ ਜਾਣਕਾਰੀ ਦਿੱਤੀ ਗਈ | ਵੱਖ-ਵੱਖ ਬੁਲਾਰਿਆਂ ਨੇ ਸਨਅਤਕਾਰਾਂ ਨੂੰ ਨਵੀਆਂ ਤਕਨੀਕਾਂ, ਸਰਕਾਰੀ ਪਾਲਿਸੀਆਂ ਤੋਂ ਜਾਣੂੰ ਕਰਵਾਉਂਦਿਆਂ ਅਜੋਕੇ ਮੁਕਾਬਲੇ ਦੇ ਯੁੱਗ ਦੌਰਾਨ ਉਤਪਾਦਾਂ ਦੀ ਗੁਣਵੱਤਾ ਬਣਾਈ ਰੱਖਣ ਦੇ ਗੁਰ ਦੱਸੇ | ਜਦਕਿ ਆਰ.ਸੀ. ਦਾਹਰਾ ਰਿਟਾ: ਵਧੀਕ ਡਾਇਰੈਕਟਰ ਉਦਯੋਗ ਵਿਭਾਗ ਹਰਿਆਣਾ ਨੇ ਸਨਅਤੀ ਕਲੱਸਟਰ ਸਬੰਧੀ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ | ਇਸ ਸਮੇਂ ਹਰਦੀਪ ਸਿੰਘ ਹੈਪੀ ਘੜਿਆਲ ਨੇ ਵੀ ਵਿਚਾਰ ਰੱਖੇ | ਜਦਕਿ ਪੰਜਾਬ ਐਗਰੀਕਲਚਰ ਇੰਪਲੀਮੈਂਟਸ ਮੈਨੂਫੈਕਚਰਲਰਜ਼ ਐਸੋਸੀਏਸ਼ਨ ਤਲਵੰਡੀ ਭਾਈ ਦੇ ਪ੍ਰਧਾਨ ਮੱਖਣ ਸਿੰਘ ਝਿਉਂਟ ਅਤੇ ਉਪ ਪ੍ਰਧਾਨ ਲਖਵੀਰ ਸਿੰਘ (ਪੰਜਾਬ ਵਾਲੇ) ਨੇ ਪੁੱਜੇ ਬੁਲਾਰਿਆਂ ਨੂੰ ਸਨਮਾਨਿਤ ਕੀਤਾ | ਇਸ ਮੌਕੇ 'ਤੇ ਗੁਰਦੀਪ ਕੌਰ ਸਲਾਹਕਾਰ ਰੈਂਪ, ਸੁਖਮਨ ਸਿੰਘ ਬਰਾੜ, ਮੇਜਰ ਸਿੰਘ ਸੈਂਭੀ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਸਨਅਤਕਾਰ ਸ਼ਾਮਿਲ ਸਨ |
