ਜ਼ੀਰਾ, 18 ਜੂਨ (ਪ੍ਰਤਾਪ ਸਿੰਘ ਹੀਰਾ)-ਜੀਰਾ ਦੀ ਸੇਵਾ ਭਾਰਤੀ ਸੰਸਥਾ ਦੀ ਇਕ ਵਿਸ਼ੇਸ਼ ਮੀਟਿੰਗ ਸਵਾਮੀ ਸਵੱਤੇ ਪ੍ਰਕਾਸ਼ ਸਰਵਹਿੱਤਕਾਰੀ ਵਿੱਦਿਆ ਮੰਦਰ ਜ਼ੀਰਾ ਵਿਖੇ ਕੀਤੀ ਗਈ।ਮੀਟਿੰਗ ਦੌਰਾਨ ਸੁਖਦੇਵ ਬਿੱਟੂ ਵਿੱਜ ਨੂੰ ਸਰਬਸੰਮਤੀ ਨਾਲ ਸੇਵਾ ਭਾਰਤੀ ਸੰਸਥਾ ਦੇ ਸਰਪ੍ਰਸਤ ਨਿਯੁਕਤ ਕੀਤਾ ਗਿਆ। ਪ੍ਰਧਾਨ ਸੁੰਦਰਮ ਸੂਦ, ਪ੍ਰਦੀਪ ਗੋਇਲ ਵਿਭਾਗ ਸੰਗਠਨ ਮੰਤਰੀ, ਰਾਜਿੰਦਰ ਕੁਮਾਰ ਵਿਭਾਗ ਮੰਤਰੀ ਫਿਰੋਜ਼ਪੁਰ ਨੇ ਦੱਸਿਆ ਕਿ ਬਾਕੀ ਮੈਂਬਰਾਂ ਦੀ ਚੋਣ ਕੁਝ ਦਿਨ ਪਹਿਲਾਂ ਕੀਤੀ ਗਈ ਸੀ। ਜਿਨਾਂ ਵਿਚ ਗੁਰਦੇਵ ਸਿੰਘ ਸਿੱਧੂ ਨੂੰ ਪ੍ਰੈੱਸ ਸਕੱਤਰ, ਅਨਿਲ ਬਜਾਜ ਸੀਨੀਅਰ ਮੀਤ ਪ੍ਰਧਾਨ, ਅਮਰੀਕ ਸਿੰਘ ਅਹੂਜਾ, ਰਿਪੁਦਮਨ ਸਿੰਘ ਮਹਾਂ ਮੰਤਰੀ, ਸੈਕਟਰੀ ਸਚਿਨ ਅਰੋੜਾ,ਸਿਲਾਈ ਪ੍ਰਮੁੱਖ ਪੇਂਡੂ ਨਵਜੋਤ ਸ਼ਰਮਾ ਨੀਲੇ ਵਾਲਾ, ਸਿਲਾਈ ਕੇਂਦਰ ਸ਼ਹਿਰੀ ਪ੍ਰਮੁੱਖ ਮਿਨਾਕਸ਼ੀ ਗੁਪਤਾ,ਸਿਹਤ ਪ੍ਰਮੁੱਖ ਨਰਿੰਦਰ ਸਿੰਘ,ਬਾਲ ਸੰਸਕਾਰ ਪ੍ਰਮੁੱਖ ਸੁਮਨ ਬੰਸੀਵਾਲ, ਰਮਾ ਸ਼ਰਮਾ, ਮੁਨੀਸ਼ ਮਾਣਕਟਾਲਾ ਆਦਿ ਦੀ ਚੋਣ ਕੀਤੀ ਗਈ।
