ਮਾਨਸਾ, 8 ਜੁਲਾਈ (ਸੱਭਿ.ਪ੍ਰਤੀ)- ਡਾਇਰੈਕਟਰ ਭਾਸ਼ਾ ਵਿਭਾਗ ਪੰਜਾਬ ਦੀ ਰਹਿਨੁਮਾਈ ’ਚ ਹਰ ਸਾਲ ਦੀ ਤਰ੍ਹਾਂ ਜ਼ਿਲ੍ਹਾ ਪੱਧਰੀ ਕੁਇਜ਼ ਮੁਕਾਬਲੇ ਕਰਵਾਏ ਜਾ ਰਹੇ ਹਨ। ਜ਼ਿਲ੍ਹਾ ਭਾਸ਼ਾ ਅਫ਼ਸਰ ਤੇਜਿੰਦਰ ਕੌਰ ਨੇ ਦੱਸਿਆ ਕਿ ਇਹ ਮੁਕਾਬਲੇ 6ਵੀਂ ਤੋਂ 8ਵੀਂ, 9ਵੀਂ ਤੋਂ 12ਵੀਂ ਅਤੇ ਬੀ. ਏ./ਬੀ. ਕਾਮ/ਬੀ. ਐਸ.ਸੀ./ਬੀ. ਸੀ.ਏ. (ਗਰੈਜੂਏਸ਼ਨ) ਤੱਕ 3 ਵਰਗਾਂ ’ਚ ਕਰਵਾਏ ਜਾਣਗੇ। ਉਨ੍ਹਾਂ ਦੱਸਿਆ ਕਿ ਚਾਹਵਾਨ ਵਿਦਿਆਰਥੀ ਆਪਣੀਆਂ ਐਂਟਰੀਆਂ ਸੰਸਥਾ ਦੇ ਪ੍ਰਿੰਸੀਪਲ ਤੋਂ ਤਸਦੀਕ ਕਰਵਾ ਕੇ ਈ-ਮੇਲ ਆਈ.ਡੀ. ਦਫ਼ਤਰ ਜ਼ਿਲ੍ਹਾ ਭਾਸ਼ਾ ਅਫ਼ਸਰ ਅਤੇ ਨਹਿਰੂ ਮੈਮੋਰੀਅਲ ਸਰਕਾਰੀ ਕਾਲਜ ਮਾਨਸਾ ਵਿਖੇ 25 ਜੁਲਾਈ ਤੱਕ ਕਰਵਾ ਸਕਦੇ ਹਨ। ਮੁਕਾਬਲੇ ਅਕਤੂਬਰ ਮਹੀਨੇ ’ਚ ਕਰਵਾਏ ਜਾਣਗੇ।
