ਟਾਇਰ ਫਟਣ ਕਾਰਨ ਟਰੱਕ ਘੋੜਾ ਹੋਇਆ ਹਾਦਸਾਗ੍ਰਸਤ
ਫ਼ਾਜ਼ਿਲਕਾ, 16 ਅਗਸਤ (ਅਮਰਜੀਤ ਸ਼ਰਮਾ)-ਬੀਤੀ ਰਾਤ ਫਲਾਈ ਓਵਰ ਨੇੜੇ ਕਬੀਰ ਚੌਂਕ ’ਤੇ ਇਕ ਟਰੱਕ ਘੋੜੇ ਦਾ ਅਗਲਾ ਟਾਇਰ ਫਟਣ ਕਾਰਨ ਟਰੱਕ ਹਾਦਸਾਗ੍ਰਸਤ ਹੋ ਗਿਆ। ਜਿਸ ਤੋਂ ਬਾਅਦ ਟਰੱਕ ਘੋੜਾ ਕਰੀਬ ਚੌਂਕ ’ਤੇ ਬਣੇ ਸੰਤ ਕਬੀਰ ਜੀ ਦੇ ਬੁੱਤ ਨਾਲ ਟਕਰਾਉਣ ਤੋਂ ਬਾਅਦ ਸੜਕ ਵਿਚਕਾਰ ਬਣੀ ਰੇਲਿੰਗ ’ਤੇ ਚੜ੍ਹ ਗਿਆ।
ਫ਼ਾਜ਼ਿਲਕਾ, 16 ਅਗਸਤ (ਅਮਰਜੀਤ ਸ਼ਰਮਾ)-ਬੀਤੀ ਰਾਤ ਫਲਾਈ ਓਵਰ ਨੇੜੇ ਕਬੀਰ ਚੌਂਕ ’ਤੇ ਇਕ ਟਰੱਕ ਘੋੜੇ ਦਾ ਅਗਲਾ ਟਾਇਰ ਫਟਣ ਕਾਰਨ ਟਰੱਕ ਹਾਦਸਾਗ੍ਰਸਤ ਹੋ ਗਿਆ। ਜਿਸ ਤੋਂ ਬਾਅਦ ਟਰੱਕ ਘੋੜਾ ਕਰੀਬ ਚੌਂਕ ’ਤੇ ਬਣੇ ਸੰਤ ਕਬੀਰ ਜੀ ਦੇ ਬੁੱਤ ਨਾਲ ਟਕਰਾਉਣ ਤੋਂ ਬਾਅਦ ਸੜਕ ਵਿਚਕਾਰ ਬਣੀ ਰੇਲਿੰਗ ’ਤੇ ਚੜ੍ਹ ਗਿਆ। ਇਸ ਹਾਦਸੇ ਕਾਰਨ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ ਪਰ ਟਰੱਕ ਦਾ ਕਾਫ਼ੀ ਨੁਕਸਾਨ ਹੋ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਟਰੱਕ ਡਰਾਈਵਰ ਅਮਰ ਲਾਲ ਨੇ ਦੱਸਿਆ ਕਿ ਉਹ ਜ਼ੀਰੇ ਤੋਂ ਰੇਤਾ ਲੋਡ ਕਰਕੇ ਪਦਮਪੁਰ ਜਾ ਰਿਹਾ ਸੀ ਤਾਂ ਜਦ ਉਹ ਫਲਾਈ ਓਵਰ ਤੋਂ ਹੇਠਾਂ ਉੱਤਰ ਰਿਹਾ ਸੀ ਤਾਂ ਅਚਾਨਕ ਟਰੱਕ ਦਾ ਅਗਲਾ ਟਾਇਰ ਫੱਟ ਗਿਆ। ਜਿਸ ਤੋਂ ਬਾਅਦ ਟਰੱਕ ਕਰੀਬ ਚੌਂਕ ’ਤੇ ਬਣੇ ਸੰਤ ਕਬੀਰ ਜੀ ਦੇ ਆਦਮਕੱਦ ਬੁੱਤ ਨਾਲ ਟਕਰਾਉਂਦਾ ਹੋਇਆ ਡਿਵਾਈਡਰ ਦੀ ਰੇਲਿੰਗ ’ਤੇ ਜਾ ਚੜ੍ਹਿਆ। ਜਿਸ ਕਾਰਨ ਟਰੱਕ ਬੁਰੀ ਤਰ੍ਹਾਂ ਨੁਕਸਾਨਿਆ ਗਿਆ ਅਤੇ ਇਸ ਦੇ ਨਾਲ ਹੀ ਆਦਮਕੱਦ ਬੁੱਤ ਦਾ ਵੀ ਨੁਕਸਾਨ ਹੋ ਗਿਆ ਹੈ।
