ਕੱਥੂਨੰਗਲ, 2 ਜਨਵਰੀ (ਦਲਵਿੰਦਰ ਸਿੰਘ ਰੰਧਾਵਾ)-ਪੀ. ਐੱਸ. ਪੀ. ਸੀ. ਐੱਲ. ਸਬ ਅਰਬਨ ਅੰਮਿ੍ਤਸਰ ਵਲੋਂ ਬਿਜਲੀ ਦੀ ਚੋਰੀ ਨੂੰ ਰੋਕਣ ਲਈ ਪਿਛਲੇ ਦਿਨੀਂ ਕਸਬਾ ਜੈਂਤੀਪੁਰ ਦੇ ਨਾਲ ਲੱਗਦੇ ਪਿੰਡ ਜੈਂਤੀਪੁਰ ਵਿਖੇ ਚੋਰੀ ਨੂੰ ਰੋਕਣ ਲਈ ਰੁਟੀਨ ਮੁਤਾਬਕ ਚੈਕਿੰਗ ਕਰਨ ਲਈ ਗਏ ਜਿਸ ਦੇ ਰੋਸ ਵਜੋਂ ਉੱਥੋ ਦੇ ਲੋਕਾਂ ਵਲੋਂ ਤਹਿਸ ਵਿਚ ਆ ਕੇ ਅੰਮਿ੍ਤਸਰ ਗੁਰਦਾਸਪੁਰ ਹਾਈਵੇ ਰੋਕ ਕੇ ਆਵਾਜਾਈ ਨੂੰ ਗ਼ੈਰ-ਕਾਨੂੰਨੀ ਢੰਗ ਨਾਲ ਬੰਦ ਕੀਤਾ ਗਿਆ ਜਿਸ ਕਰਕੇ ਦੋ ਟਰਕੈਟਰਾਂ ਪਿੱਛੇ ਦੋ ਟਰਾਲੀਆਂ ਪਾ ਕੇ ਅਤੇ ਹੋਰ ਵਹੀਕਲਾਂ ਨਾਲ ਹਾਈਵੇ ਨੂੰ ਬੰਦ ਕੀਤਾ ਗਿਆ | ਜਿਸ ਨਾਲ ਆਵਾਜਾਈ ਸਮੇਤ ਆਮ ਲੋਕ ਵੀ ਪ੍ਰਭਾਵਿਤ ਹੋਏ ਅਤੇ ਲੋਕਾਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨ ਪਿਆ | ਪੀ. ਐੱਸ. ਪੀ. ਸੀ. ਐੱਲ. ਸਬ ਅਰਬਨ ਅੰਮਿ੍ਤਸਰ ਦੇ ਸੀਨੀਅਰ ਕਾਰਜਕਾਰੀ ਇੰਜੀਨੀਅਰ ਸੁਖਜਿੰਦਰ ਸਿੰਘ ਅਤੇ ਨੈਸ਼ਨਲ ਹਾਈਵੇ ਦੇ ਅਧਿਕਾਰੀਆਂ ਦੇ ਬਿਆਨ ਦੇ ਆਧਾਰ 'ਤੇ ਪਿੰਡ ਜੈਂਤੀਪੁਰ ਦੇ ਵਸਨੀਕ ਅਮਨਦੀਪ ਕੁਮਾਰ ਪੁੱਤਰ ਰਜਿੰਦਰ ਸਿੰਘ, ਸੰਦੀਪ ਕੁਮਾਰ ਉਰਫ ਕਾਲੂ ਪੁੱਤਰ ਅਸ਼ਵਨੀ ਕੁਮਾਰ, ਨਵਦੀਪ ਕੁਮਾਰ ਪੁੱਤਰ ਪਵਨ ਕੁਮਾਰ, ਅਮਿਤ ਕੁਮਾਰ ਉਰਫ ਸ਼ੇਰਾ ਪੁੱਤਰ ਪ੍ਰਾਣ ਨਾਥ, ਬਲਕਾਰ ਸਿੰਘ ਪੁੱਤਰ ਰੱਖਾ ਮੱਲ, ਗੱਜੂ ਸਿੰਘ ਪੁੱਤਰ ਮੁਖਤਾਰ ਸਿੰਘ, ਬਲਕਾਰ ਸਿੰਘ ਪੁੱਤਰ ਕਾਲੀਆ, ਸਰਬਜੀਤ ਸਿੰਘ ਪੁੱਤਰ ਗੋਗੀ ਸਿੰਘ, ਪਵਨ ਕੁਮਾਰ ਪੁੱਤਰ ਕ੍ਰਿਸ਼ਨ, ਹਰਜੀਤ ਸਿੰਘ ਪੁੱਤਰ ਗੁਰਨਾਮ ਸਿੰਘ, ਸਰਬਜੀਤ ਸਿੰਘ ਪੁੱਤਰ ਗੁਰਨਾਮ ਸਿੰਘ, ਗੁਰਨਾਮ ਸਿੰਘ ਪੁੱਤਰ ਭਗਤ ਸਿੰਘ ਚਾਚੋਵਾਲੀ, ਰਾਹੁਲ ਭੱਲਾ ਪੁੱਤਰ ਨਵੀਨ ਭੱਲਾ, ਗੁਰਪ੍ਰੀਤ ਪੁੱਤਰ ਨਿਸ਼ਾਨ ਸਿੰਘ ਸਮੇਤ 30-40 ਅਣਪਛਾਤੇ ਵਿਅਕਤੀਆਂ ਸਮੇਤ ਪੁਲਿਸ ਥਾਣਾ ਕੱਥੂਨੰਗਲ ਵਿਖੇ ਧਾਰਾ 326, 126, 285 ਬੀ ਐਨ ਐਸ ਅਤੇ 8ਬੀ ਨੈਸ਼ਨਲ ਹਾਈਵੇ ਐਕਟ 1956 ਸਮੇਤ ਮਾਮਲਾ ਦਰਜ ਕਰਕੇ ਕਾਰਵਾਈ ਆਰੰਭ ਕੀਤੀ ਗਈ ਹੈ |
