ਅੰਮਿ੍ਤਸਰ, 3 ਫਰਵਰੀ (ਰਾਜੇਸ਼ ਕੁਮਾਰ ਸ਼ਰਮਾ)-ਆਫਸੈੱਟ ਪਿ੍ੰਟਰਜ਼ ਐਸੋਸੀਏਸ਼ਨ (ਰਜਿ.), ਅੰਮਿ੍ਤਸਰ ਵਲੋਂ ਸਾਲਾਨਾ ਜਨਰਲ ਮੀਟਿੰਗ ਕਰਵਾਈ ਗਈ, ਜਿਸ 'ਚ ਐਸੋਸੀਏਸ਼ਨ ਦੇ ਮੈਂਬਰਾਂ ਨੇ ਬੜੇ ਉਤਸ਼ਾਹ ਨਾਲ ਭਾਗ ਲਿਆ | ਐਸੋਸੀਏਸ਼ਨ ਦੇ ਪ੍ਰਧਾਨ ਐੱਸ. ਹਰਭਜਨ ਸਿੰਘ ਨੇ ਸਾਰੇ ਮੈਂਬਰਾਂ ਅਤੇ ਮਹਿਮਾਨਾਂ ਦਾ ਆਧਿਕਾਰਿਕ ਸਵਾਗਤ ਕੀਤਾ ਅਤੇ ਸੰਸਥਾ ਨੂੰ ਮਜ਼ਬੂਤ ਬਣਾਉਣ 'ਚ ਉਨ੍ਹਾਂ ਦੇ ਲਗਾਤਾਰ ਸਹਿਯੋਗ, ਏਕਤਾ ਅਤੇ ਸਰਗਰਮ ਭਾਗੀਦਾਰੀ ਦੀ ਪ੍ਰਸ਼ੰਸਾ ਕੀਤੀ | ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਡਾ. ਸੰਜੇ ਮਹਾਜਨ ਨੇ ਸਾਲ ਭਰ ਦੌਰਾਨ ਕੀਤੀਆਂ ਗਤਿਵਿਧੀਆਂ ਬਾਰੇ ਵਿਸਥਾਰਪੂਰਵਕ ਰਿਪੋਰਟ ਪੇਸ਼ ਕੀਤੀ, ਜਿਸ 'ਚ ਮੈਂਬਰਾਂ ਦੇ ਹਿਤ 'ਚ ਕੀਤੇ ਗਏ ਵੱਖ-ਵੱਖ ਵਪਾਰਕ ਅਤੇ ਸਮਾਜਿਕ ਕਾਰਜਾਂ 'ਤੇ ਰੌਸ਼ਨੀ ਪਾਈ ਗਈ | ਇਸ ਦੌਰਾਨ ਪਿ੍ੰਟਿੰਗ ਅਤੇ ਪੈਕੇਜਿੰਗ ਉਦਯੋਗ 'ਚ ਕੀਤੇ ਗਏ ਕੀਮਤੀ ਯੋਗਦਾਨ ਲਈ ਐਸੋਸੀਏਸ਼ਨ ਵਲੋਂ ਮਹਿਮਾਨਾਂ ਤੇ ਮੈਂਬਰਾਂ ਨੂੰ ਸਨਮਾਨਿਤ ਵੀ ਕੀਤਾ ਗਿਆ | ਇਸ ਮੌਕੇ ਸਚਿਨ ਮਹਿਰਾ, ਰਮਣ ਕੁਮਾਰ, ਹਰਦੀਪ ਸਿੰਘ, ਪ੍ਰਭਜੀਤ ਸਿੰਘ, ਸੁਮਿਤ ਖੰਨਾ ਅਤੇ ਮੁਨਿਸ਼ ਖੰਨਾ ਵੀ ਹਾਜ਼ਰ ਰਹੇ |
