ਅੰਮਿ੍ਤਸਰ, 6 ਮਾਰਚ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਰਾਯਨ ਇੰਟਰਨੈਸ਼ਨਲ ਸਕੂਲ ਦੇ ਚੇਅਰਮੈਨ ਡਾ. ਏ. ਐੱਫ. ਪਿੰਟੋ ਅਤੇ ਮੈਨੇਜਿੰਗ ਡਾਇਰੈਕਟਰ ਡਾ. ਗ੍ਰੇਸ ਪਿੰਟੋ ਦੀ ਪ੍ਰਧਾਨਗੀ ਹੇਠ ਮਨਾਏ ਜਾ ਰਹੇ ਮਹਿਲਾ ਦਿਵਸ ਸੰਬੰਧੀ ਡਾ. ਪਿੰਟੋ ਨੇ ਮਹਿਲਾ ਦਿਵਸ ਦੀਆਂ ਸ਼ੁੱਭਕਾਮਨਾਵਾਂ ਦਿੰਦੇ ਹੋਏ ਕਿਹਾ ਕਿ ਮਹਿਲਾ ਦਿਵਸ ਔਰਤਾਂ ਦੀ ਅਸਾਧਾਰਨ ਭਾਵਨਾ, ਉਨ੍ਹਾਂ ਦੀ ਹਿੰਮਤ, ਹਮਦਰਦੀ, ਬੁੱਧੀ ਅਤੇ ਇਕ ਬਿਹਤਰ ਸੰਸਾਰ ਨੂੰ ਆਕਾਰ ਦੇਣ ਲਈ ਅਟੁੱਟ ਵਚਨਬੱਧਤਾ ਦਾ ਜਸ਼ਨ ਹੈ | ਉਨ੍ਹਾਂ ਕਿਹਾ ਕਿ ਅੰਤਰਰਾਸ਼ਟਰੀ ਮਹਿਲਾ ਦਿਵਸ 2026 ਦਾ ਜਸ਼ਨ 'ਦਾਨ ਤੋਂ ਲਾਭ' ਵਿਸ਼ਾ ਸਾਨੂੰ ਇਕ ਸ਼ਕਤੀਸ਼ਾਲੀ ਸੱਚ ਦੀ ਯਾਦ ਦਿਵਾਉਂਦਾ ਹੈ: ਜਦੋਂ ਔਰਤਾਂ ਆਪਣਾ ਗਿਆਨ, ਸਮਾਂ, ਉਤਸ਼ਾਹ ਅਤੇ ਪਿਆਰ ਦਿੰਦੀ ਹੈ ਫਿਰ ਉਨ੍ਹਾਂ ਨੂੰ ਬਦਲੇ ਵਿਚ ਸ਼ਕਤੀ, ਵਿਕਾਸ ਮਿਲਣਾ ਚਾਹੀਦਾ ਹੈ ਅਤੇ ਸਮੂਹਿਕ ਤਰੱਕੀ ਪ੍ਰਾਪਤ ਹੁੰਦੀ ਹੈ | ਉਨ੍ਹਾਂ ਕਿਹਾ ਕਿ ਉਹ ਕਾਮਨਾ ਕਰਦੇ ਹਨ ਇਹ ਮਹਿਲਾ ਦਿਵਸ ਹਰ ਔਰਤ ਨੂੰ ਆਪਣੀ ਅਥਾਹ ਸਮਰੱਥਾ ਨੂੰ ਮਹਿਸੂਸ ਕਰਨ ਲਈ ਪ੍ਰੇਰਿਤ ਕਰੇ |
