ਨਾਦ ਪ੍ਰਗਾਸੁ ਸੰਸਥਾ ਵਲੋਂ ਖ਼ਾਲਸਾ ਕਾਲਜ ਫਾਰ ਵੁਮੈਨ ਵਿਖੇ 11ਵਾਂ 3 ਦਿਨਾ 'ਅੰਮਿ੍ਤਸਰ ਸਾਹਿਤ ਉਤਸਵ' ਆਰੰਭ <br/>
ਨਾਦ ਪ੍ਰਗਾਸੁ ਵਲੋਂ ਅੰਮਿ੍ਤਸਰ ਵਿਖੇ ਕਰਵਾਏ ਜਾ ਰਹੇ 11ਵੇਂ ਤਿੰਨ ਦਿਨਾ ਅੰਮਿ੍ਤਸਰ ਸਾਹਿਤ ਉਤਸਵ ਦੌਰਾਨ ਪ੍ਰੋ: ਅਕਸ਼ੈ ਕੁਮਾਰ ਸੰਬੋਧਨ ਕਰਦੇ ਹੋਏ ਅਤੇ ਪੁਸਤਕ ਲੋਕ ਅਰਪਿਤ ਕਰਦੇ ਹੋਏ ਵੱਖ-ਵੱਖ ਵਿਦਵਾਨ | ਤਸਵੀਰਾਂ : ਹਰਜੀਤ ਸਿੰਘ
<br/>
07-03-2026
ਸਾਹਿਤ ਉਤਸਵ ਦੇ ਦੂਸਰੇ ਸਮਾਗਮ 'ਚ ਦਰਸ਼ਨ-ਸ਼ਾਸਤਰ ਦੇ ਮੂਲਭੂਤ ਪ੍ਰਸ਼ਨਾਂ 'ਤੇ ਅਧਾਰਤ ਹੋਏ ਸੈਮੀਨਾਰ ਵਿਚ ਡਾ. ਉਦੈ ਰਤਨ (ਜੇ.ਐੱਨ.ਯੂ.) ਵਲੋਂ ਹੈਬਰਮਾਸ ਅਤੇ ਅੰਬੇਦਕਰ ਚਿੰਤਨ ਬਾਬਤ, ਡਾ. ਰੋਨਾਲਡ ਹੰਸਰਾਜ ਕਾਲਜ ਦਿੱਲੀ ਵਲੋਂ 'ਗਰਾਉਂਡਲੈਸ ਗਰਾਉਂਡ' ਦੀ ਸੰਕਲਪਨਾ ਉੱਪਰ ਅਤੇ ਡਾ. ਲਖਵੀਰ ਸਿੰਘ ਹੰਸਰਾਜ ਕਾਲਜ ਦਿੱਲੀ ਵਲੋਂ ਮਿਸ਼ੇਲ ਫੂਕੋ ਦੇ ਚਿੰਤਨ 'ਤੇ ਤਿੰਨ ਪਰਚੇ ਪੜੇ੍ਹ ਗਏ | ਇਸ ਸ਼ੈਸ਼ਨ ਦੀ ਪ੍ਰਧਾਨਗੀ ਪ੍ਰੋ. ਬਾਬੂ ਥਲਾਇਥ ਸੈਂਟਰ ਫਾਰ ਜਰਮਨ ਸਟੱਡੀਜ਼ ਜੇ.ਐੱਨ.ਯੂ. ਨਵੀਂ ਦਿੱਲੀ ਵਲੋਂ ਕੀਤੀ ਗਈ | ਡਾ. ਗਗਨਜੋਤ ਕੌਰ ਕਮਲਾ ਨਹਿਰੂ ਕਾਲਜ ਨਵੀਂ ਦਿੱਲੀ ਅਤੇ ਡਾ. ਤਨਵੀਰ ਅਲਮ ਨੇ ਵੀ ਆਪਣੇ ਵਿਚਾਰ ਪੇਸ਼ ਕੀਤੇ | ਪਹਿਲੇ ਦਿਨ ਦਾ ਤੀਜਾ ਸਮਾਗਮ ਸਾਹਿਤ ਦੀ ਤੱਤ ਮੀਮਾਂਸਿਕ ਸਥਿਤੀ 'ਤੇ ਵਿਚਾਰ ਚਰਚਾ ਸੰਬੰਧੀ ਸੀ, ਜਿਸ ਵਿਚ ਵੱਖ-ਵੱਖ ਯੂਨੀਵਰਸਿਟੀਆਂ ਦੇ ਖੋਜਾਰਥੀਆਂ ਨੇ ਭਾਗ ਲਿਆ | ਸਮਾਗਮ ਦੀ ਪ੍ਰਧਾਨਗੀ ਕਰਦਿਆਂ ਡਾ. ਦੀਪਿੰਦਰਜੀਤ ਰੰਧਾਵਾ ਨੇ ਕਿਹਾ ਕਿ ਸਮਕਾਲ ਦੌਰਾਨ ਕਿਸੇ ਵੀ ਤਰ੍ਹਾਂ ਦੀ ਸਿਧਾਂਤਕ ਸਥਿਤੀ ਨੂੰ ਅੰਤਿਮ ਨਹੀਂ ਮੰਨਿਆ ਜਾ ਸਕਦਾ ਸਗੋਂ ਸਭ ਤਰ੍ਹਾਂ ਦੇ ਦਿ੍ਸ਼ਟੀਕੋਣ ਬਰਾਬਰ ਮਾਨਤਾ ਰੱਖਦੇ ਹਨ | ਇਸ ਵਿਚਾਰ ਚਰਚਾ 'ਚ ਦਿੱਲੀ ਯੂਨੀਵਰਸਿਟੀ ਤੋਂ ਸੰਦੀਪ ਸ਼ਰਮਾ, ਪੰਜਾਬੀ ਯੂਨੀਵਰਸਿਟੀ ਤੋਂ ਕੁਲਵਿੰਦਰ ਸਿੰਘ, ਐੱਮ.ਸੀ.ਐੱਮ. ਡੀ.ਏ.ਵੀ. ਕਾਲਜ ਚੰਡੀਗੜ੍ਹ ਤੋਂ ਡਾ. ਜੈਸਮੀਨ ਆਨੰਦ, ਗੁਰੂ ਤੇਗ ਬਹਾਦਰ ਇੰਸਟੀਚਿਊਟ ਆਫ ਟੈਕਨੋਲੋਜੀ ਦਿੱਲੀ ਤੋਂ ਡਾ. ਅੰਕਿਤਾ ਸੇਠੀ ਨੇ ਵੀ ਵਿਚਾਰ ਪੇਸ਼ ਕੀਤੇ | ਸੰਸਥਾ ਦੇ ਸਕੱਤਰ ਵਰਿੰਦਰਪਾਲ ਸਿੰਘ ਅਨੁਸਾਰ ਸਾਹਿਤ ਉਤਸਵ ਦੇ ਅੱਜ ਪਹਿਲੇ ਦਿਨ ਡਾ. ਆਨੰਦ ਸਪੈਂਸਰ ਦੀ ਪੁਸਤਕ 'ਅੰਡਰਸਟੈਂਡਿੰਗ ਰਿਲੀਜਨ' ਅਤੇ ਡਾ. ਗੁਰਭਗਤ ਸਿੰਘ ਦੀ ਪੁਸਤਕ 'ਸਿੱਖਿਜ਼ਮ ਐਂਡ ਪੋਸਟ ਮਾਡਰਨ ਥਾਟ' ਦੀ ਦੂਜੀ ਐਡੀਸ਼ਨ ਰਿਲੀਜ਼ ਕੀਤੇ ਗਏ ਤੇ ਅੱਜ ਪਹਿਲੇ ਦਿਨ ਪੰਜਾਬ ਦੀਆਂ ਯੂਨੀਵਰਸਿਟੀਆਂ ਅਤੇ ਕਾਲਜਾਂ ਤੋਂ ਇਲਾਵਾ ਦਿੱਲੀ, ਹਰਿਆਣਾ ਅਤੇ ਜੰਮੂ-ਕਸ਼ਮੀਰ ਦੀਆਂ ਯੂਨੀਵਰਸਿਟੀ ਤੋਂ ਵੀ ਵਿਦਿਆਰਥੀਆਂ ਨੇ ਭਾਗ ਲਿਆ | ਅੱਜ ਦੇ ਵੱਖ-ਵੱਖ ਸਮਾਗਮਾਂ ਦੌਰਾਨ ਮੰਚ ਸੰਚਾਲਨ ਦੀ ਜਿੰਮੇਵਾਰੀ ਡਾ. ਚੇਤਨਾ ਤਿ੍ਵੇਦੀ, ਡਾ. ਰਸਲੀਨ ਕੌਰ ਅਤੇ ਹਰਕਮਲਪ੍ਰੀਤ ਸਿੰਘ ਨੇ ਨਿਭਾਈ |
