ਗਾਜ਼ੀਆਬਾਦ ਯੂ.ਪੀ. ਤੋਂ ਗੁੰਮ ਹੋਏ 4 ਨਾਬਾਲਗ ਬੱਚੇ ਅੰਮਿ੍ਤਸਰ ਪੁਲਿਸ ਨੇ ਕੀਤੇ ਬਰਾਮਦ
ਅਜੀਤ ਡੈਸਕ
08-04-2026
ਅੰਮਿ੍ਤਸਰ, 7 ਅ੍ਰਪੈਲ (ਰੇਸ਼ਮ ਸਿੰਘ)-ਜ਼ਿਲ੍ਹਾ ਗਾਜ਼ੀਆਬਾਦ (ਯੂ.ਪੀ) ਤੋਂ ਗੁੰਮ ਹੋਏ ਚਾਰ ਨਾਬਾਲਗ ਬੱਚੇ ਅੰਮਿ੍ਤਸਰ ਪੁਲਿਸ ਨੇ ਬਰਾਮਦ ਕਰਕੇ ਮੁੜ ਉਨ੍ਹਾਂ ਦੇ ਮਾਪਿਆਂ ਦੇ ਸਪੁਰਦ ਕਰ ਦਿੱਤੇ ਗਏ ਹਨ | ਇਹ ਬੱਚਿਆਂ ਦੇ ਮਾਪਿਆਂ ਦਾ ਆਪਸੀ ਬੋਲਚਾਲ ਬੰਦ ਹੋ ਗਿਆ ਜਿਸ ਉਪਰੰਤ ਮਾਪਿਆਂ ਨੇ ਬੱਚਿਆਂ ਨੂੰ ਵੀ ਆਪਸ 'ਚ ਨਾ ਬੋੋਲਚਾਲ ਰੱਖਣ ਦੀ ਹਦਾਇਤ ਕੀਤੀ ਗਈ ਜਦੋਂ ਕਿ ਬੱਚੇ ਆਪਸ 'ਚ ਮਿਲਣਾ ਚਾਹੁੰਦੇ ਸਨ ਤੇ ਉਹ ਰੁੱਸ ਕੇ ਘਰੋਂ ਨਿਕਲ ਆਏ | ਇਹ ਜਾਣਕਾਰੀ ਦਿੰਦਿਆਂ ਏ. ਸੀ.ਪੀ. ਪੂਰਬੀ ਅਨੁਭਵ ਜੈਨ ਨੇ ਦਸਿਆ ਕਿ ਏ.ਸੀ.ਪੀ. ਨੰਦਗ੍ਰਾਮ ਯੂ.ਪੀ ਤੋਂ ਕਮਿਸ਼ਨਰੇਟ ਪੁਲਿਸ ਅੰਮਿ੍ਤਸਰ ਨੂੰ ਇਤਲਾਹ ਦਿੱਤੀ ਗਈ ਕਿ ਉਨ੍ਹਾਂ ਦੇ ਇਲਾਕੇ ਵਿਚੋਂ ਚਾਰ ਨਾਬਾਲਗ ਬੱਚੇ ਗਾਇਬ ਹੋਏ ਹਨ, ਤੇ ਇਨ੍ਹਾਂ ਗਾਇਬ ਹੋਏ ਨਬਾਲਗ ਬੱਚਿਆਂ ਦੀ ਅੰਮਿ੍ਤਸਰ ਵਿਚ ਹੋਣ ਦੀ ਸੰਭਾਵਨਾ ਹੈ | ਜਿਸ 'ਤੇ ਪੁਲਿਸ ਵਲੋਂ ਤੁਰੰਤ ਕਾਰਵਾਈ ਕਰਦੇ ਹੋਏ ਵੱਖ-ਵੱਖ ਪੁਲਿਸ ਟੀਮਾਂ ਬਣਾ ਕਿ ਬੱਚਿਆਂ ਦੀ ਭਾਲ ਸ਼ੁਰੂ ਕੀਤੀ | ਸਖਤ ਮਿਹਨਤ ਸਦਕਾ ਥਾਣਾ ਮੋਹਕਮਪੁਰਾ ਦੇ ਮੁਖੀ ਇੰਸ: ਹਰਪ੍ਰਕਾਸ਼ ਸਿੰਘ ਦੀ ਟੀਮ ਤੇ ਪੁਲਿਸ ਵਲੋਂ ਗਾਜ਼ੀਆਬਾਦ ਤੋਂ ਗਾਇਬ ਹੋਏ ਚਾਰ ਨਾਬਾਲਗ ਬੱਚਿਆਂ ਦੀ ਭਾਲ ਕਰਕੇ ਇਨ੍ਹਾਂ ਬੱਚਿਆਂ ਨੂੰ ਉਨ੍ਹਾਂ ਦੇ ਪਰਿਵਾਰ ਦੇ ਹਵਾਲੇ ਕੀਤਾ ਗਿਆ |
