ਲਹਿੰਦਾ ਤੇ ਚੜ੍ਹਦਾ ਪੰਜਾਬ ਨਹੀਂ ਸਹੇਜ ਸਕਿਆ ਮਹਾਰਾਜਾ ਰਣਜੀਤ ਸਿੰਘ ਦੀਆਂ ਇਤਿਹਾਸਕ ਬਾਰਾਂਦਰੀਆਂ <br/>
ਸਰਹੱਦੀ ਪਿੰਡ ਧਨੋਏ ਕਲਾਂ 'ਚ ਮਹਾਰਾਜਾ ਰਣਜੀਤ ਸਿੰਘ ਦੀ ਇਤਿਹਾਸਕ ਬਾਰਾਂਦਰੀ ਦੀ ਹਾਲਤ ਬਿਆਨ ਕਰਦੀ ਤਸਵੀਰ | ਤਸਵੀਰ ਰਾਹੀਂ : ਸੁਰਿੰਦਰ ਕੋਛੜ
<br/>
ਸ਼ੇਰ-ਏ-ਪੰਜਾਬ ਮਹਾਰਾਜਾ ਰਣਜੀਤ ਸਿੰਘ ਦੀ ਦੀਨਾਨਗਰ ਸਥਿਤ ਸ਼ਾਹੀ ਬਾਰਾਂਦਰੀ | ਤਸਵੀਰ ਰਾਹੀਂ : ਸੁਰਿੰਦਰ ਕੋਛੜ
<br/>
ਪਾਕਿਸਤਾਨ ਦੇ ਰਸੂਲ ਨਗਰ 'ਚ ਸਥਿਤ ਮਹਾਰਾਜਾ ਰਣਜੀਤ ਸਿੰਘ ਦੇ ਸਮਰ ਪੈਲੇਸ ਦੀ ਪੁਰਾਣੀ ਤਸਵੀਰ | ਤਸਵੀਰ ਰਾਹੀਂ : ਸੁਰਿੰਦਰ ਕੋਛੜ
<br/>
22-05-2026
ਉਕਤ ਤੋਂ ਇਲਾਵਾ ਭਾਰਤ-ਪਾਕਿ ਸਰਹੱਦ ਦੇ ਨਾਲ ਲੱਗਦੇ ਪਿੰਡ ਧਨੋਏ ਕਲਾਂ ਦੇ ਜਿਸ ਹਿੱਸੇ ਨੂੰ ਪੁਲ ਮੋਰਾਂ ਜਾਂ ਪੁਲ ਕੰਜਰੀ ਨਾਂਅ ਨਾਲ ਸੰਬੋਧਿਤ ਕੀਤਾ ਜਾਂਦਾ ਹੈ, ਉਸ ਦੇ ਬਿਲਕੁਲ ਨਾਲ ਮਹਾਰਾਜਾ ਰਣਜੀਤ ਸਿੰਘ ਵਲੋਂ ਬਣਵਾਈ ਗਈ ਬਾਰਾਂਦਰੀ 'ਚ ਉਹ ਲਾਹੌਰ ਤੋਂ ਅੰਮਿ੍ਤਸਰ ਆਉਣ-ਜਾਣ ਲੱਗਿਆ ਅਕਸਰ ਪੜਾਅ ਰੱਖਦੇ ਤੇ ਵਿਸ਼ਰਾਮ ਕਰਦੇ ਸਨ | ਇਸ ਬਾਰਾਂਦਰੀ ਦੇ ਉੱਤਰ ਵਲੋਂ ਇਕ ਛੋਟੀ ਨਹਿਰ ਲੰਘਦੀ ਸੀ, ਜੋ ਬਾਦਸ਼ਾਹ ਸ਼ਾਹ ਜਹਾਨ ਨੇ ਸ਼ਾਲੀਮਾਰ ਬਾਗ ਦੀ ਸਿੰਚਾਈ ਲਈ ਮਾਧੋਪੁਰ 'ਚੋਂ ਕਢਵਾਈ ਸੀ | ਇਸ ਨਹਿਰ 'ਤੇ ਸ਼ੇਰ-ਏ-ਪੰਜਾਬ ਨੇ ਆਪਣੀ ਪਤਨੀ ਰਾਣੀ ਮੋਰਾਂ ਦੀ ਫ਼ਰਮਾਇਸ਼ 'ਤੇ ਪੁਲ ਬਣਵਾਇਆ, ਜੋ 'ਪੁਲ ਮੋਰਾਂ' ਦੇ ਨਾਂਅ ਨਾਲ ਜਾਣਿਆ ਜਾਣ ਲੱਗਾ | ਉਕਤ ਬਾਰਾਂਦਰੀ ਬੀ. ਐੱਸ. ਐੱਫ. ਦੀ ਸਰਹੱਦੀ ਚੌਕੀ ਦੀ ਪਿਛਲੀ ਕੰਧ ਦੇ ਬਿਲਕੁਲ ਨਾਲ ਖੇਤਾਂ 'ਚ ਅੱਜ ਵੀ ਮੌਜੂਦ ਹੈ, ਪਰ ਰੱਖ-ਰਖਾਅ ਦੀ ਘਾਟ ਕਾਰਨ ਖੰਡਰ ਦਾ ਰੂਪ ਲੈ ਚੁੱਕੀ ਹੈ | ਸੁਰੱਖਿਆ ਬਲਾਂ ਵਲੋਂ ਸੈਲਾਨੀਆਂ ਅਤੇ ਸਥਾਨਕ ਨਾਗਰਿਕਾਂ ਦੇ ਬਾਰਾਂਦਰੀ ਵਲ ਜਾਣ 'ਤੇ ਸੁਰੱਖਿਆ ਕਾਰਨਾਂ ਦਾ ਹਵਾਲਾ ਦੇ ਕੇ ਰੋਕ ਲਗਾਈ ਗਈ ਹੈ |
