ਮਾਨਾਂਵਾਲਾ, 22 ਮਈ (ਗੁਰਦੀਪ ਸਿੰਘ ਨਾਗੀ)-ਅੰਮਿ੍ਤਸਰ ਜਲੰਧਰ ਜੀ. ਟੀ. ਰੋਡ 'ਤੇ ਸਥਿਤ ਅੱਡਾ ਮਾਨਾਂਵਾਲਾ ਵਿਖੇ ਬੀਤੀ ਰਾਤ ਅਣਪਛਾਤੇ ਚੋਰਾਂ ਵਲੋਂ ਸਾਈਕਲਾਂ ਦੀ ਦੁਕਾਨ ਦੀ ਛੱਤ ਪਾੜ੍ਹ ਕੇ ਚੋਰੀ ਕਰਨ ਦੀ ਘਟਣਾ ਸਾਹਮਣੇ ਆਈ ਹੈ | ਸਤਨਾਮ ਸਾਈਕਲ ਵਰਕਸ ਦੇ ਮਾਲਕ ਸਤਨਾਮ ਸਿੰਘ ਨੇ ਦੱਸਿਆ ਕਿ ਅੱਜ ਸਵੇਰੇ ਜਦੋਂ ਉਸ ਨੇ ਆਪਣੀ ਦੁਕਾਨ ਖੋਲੀ ਤਾਂ ਦੇਖਿਆ ਕਿ ਦੁਕਾਨ ਦੀ ਬਾਲਿਆਂ ਵਾਲੀ ਛੱਤ ਦੇ ਬਾਲੇ ਟੁੱਟੇ ਹੋਏ ਸਨ ਅਤੇ ਅਣਪਛਾਤੇ ਚੋਰ ਨੇ ਛੱਤ ਰਾਹੀਂ ਦੁਕਾਨ 'ਚ ਵੜ੍ਹ ਕੇ ਦੁਕਾਨ ਵਿਚੋਂ ਮੋਟਰਸਾਈਕਲ ਤੇ ਸਾਈਕਲ ਦੀਆਂ ਟਿਊਬਾਂ, ਸਾਈਕਲਾਂ ਦੇ ਚਾਰ ਰਿੰਮ, ਟਾਇਰ, ਪਾਣੇ ਚਾਬੀਆਂ ਤੇ 7000 ਰੁਪਏ ਨਕਦ ਚੋਰੀ ਕਰ ਲਏ | ਸਤਨਾਮ ਸਿੰਘ ਨੇ ਦੁਖੀ ਮਨ ਨਾਲ ਦੱਸਿਆ ਕਿ ਉਸਨੇ 7000 ਰੁਪਏ ਨਗਦ ਕਿਰਾਇਆ ਦੇਣ ਲਈ ਲਈ ਰੱਖੇ ਸਨ | ਉਸ ਨੇ ਇਸ ਚੋਰੀ ਦੀ ਘਟਨਾ ਦੀ ਸ਼ਿਕਾਇਤ ਪੁਲਿਸ ਚੌਂਕੀ ਦੋਬੁਰਜੀ ਵਿਖੇ ਦਰਜ ਕਰਵਾ ਦਿੱਤੀ ਹੈ |
