ਅੰਮਿ੍ਤਸਰ, 11 ਜੂਨ (ਰਾਜੇਸ਼ ਕੁਮਾਰ ਸ਼ਰਮਾ)-ਬੱਲ ਕਲਾਂ ਇੰਡਸਟਰੀਅਲ ਵੈੱਲਫੇਅਰ ਐਸੋਸੀਏਸ਼ਨ ਦੀ ਇਕ ਮੀਟਿੰਗ ਅਮੋਰ ਕੈਮੀਕਲਜ਼, ਜਗਦੰਬੇ ਇੰਡਸਟਰੀਅਲ ਅਸਟੇਟ ਮਜੀਠਾ ਰੋਡ ਅੰਮਿ੍ਤਸਰ ਵਿਖੇ ਹੋਈ | ਮੀਟਿੰਗ ਦੀ ਪ੍ਰਧਾਨਗੀ ਐਸੋਸੀਏਸ਼ਨ ਦੇ ਪ੍ਰਧਾਨ ਸੰਦੀਪ ਖੋਸਲਾ ਵਲੋਂ ਕੀਤੀ ਗਈ, ਜਿਸ 'ਚ ਉਨ੍ਹਾਂ ਵਲੋਂ ਸੀਵਰੇਜ ਬਲਾਕੇਜ, ਸੜਕ ਨਿਰਮਾਣ ਲੰਬਿਤ, ਫੈਕਟਰੀਆਂ ਤੋਂ ਨਿਯਮਤ ਕੂੜਾ ਇਕੱਠਾ ਕਰਨ, ਵੱਖਰਾ ਫਾਇਰ ਬਿ੍ਗੇਡ ਸਟੇਸ਼ਨ ਬਣਾਉਣ, ਸੀਵਰੇਜ ਐਕਸਟੈਂਸ਼ਨ ਆਦਿ ਦੇ ਮੁੱਦਿਆਂ ਨੂੰ ਪ੍ਰਮੁੱਖਤਾ ਨਾਲ ਚੱੁਕਿਆ | ਮੀਟਿੰਗ 'ਚ ਯਾਦਵਿੰਦਰ ਸਿੰਘ ਡੀ. ਐੱਸ. ਪੀ. ਅਟਾਰੀ, ਅਭਿਸ਼ੇਕ ਬਾਂਸਲ ਵਾਈਸ ਚੇਅਰਮੈਨ ਟਰੇਡਰਜ਼ ਕਮਿਸ਼ਨ ਅੰਮਿ੍ਤਸਰ ਅਤੇ ਕਪਿਲ ਚੱਢਾ ਚੇਅਰਮੈਨ ਟਰੇਡ ਕਮਿਸ਼ਨ ਅੰਮਿ੍ਤਸਰ ਨੇ ਵਿਸ਼ੇਸ਼ ਤੌਰ 'ਤੇ ਸ਼ਿਰਕਤ ਕੀਤੀ | ਅਭਿਸ਼ੇਕ ਬਾਂਸਲ ਨੇ ਭਰੋਸਾ ਦਿੱਤਾ ਕਿ ਸਾਰੀਆਂ ਮੰਗਾਂ ਤੁਰੰਤ ਸਰਕਾਰ ਕੋਲ ਉਠਾਈਆਂ ਜਾਣਗੀਆਂ | ਬੱਲ ਕਲਾਂ ਇੰਡਸਟਰੀਅਲ ਵੈਲਫੇਅਰ ਐਸੋਸੀਏਸ਼ਨ ਨੇ ਪੰਜਾਬ ਸਰਕਾਰ ਅਤੇ ਸੰਬੰਧਿਤ ਵਿਭਾਗਾਂ ਨਾਲ ਨਿਰੰਤਰ ਤਾਲਮੇਲ ਰਾਹੀਂ ਉਦਯੋਗਿਕ ਖੇਤਰ ਨੂੰ ਦਰਪੇਸ਼ ਸਾਰੇ ਮੁੱਦਿਆਂ ਨੂੰ ਹੱਲ ਕਰਨ ਦੀ ਆਪਣੀ ਵਚਨਬੱਧਤਾ ਦੁਹਰਾਈ | ਇਸ ਮੌਕੇ ਜਨਰਲ ਸਕੱਤਰ ਰਾਜਨ ਮਹਿਰਾ, ਸੀਨੀਅਰ ਉਪ ਪ੍ਰਧਾਨ ਸੰਜੀਵ ਮਹਾਜਨ, ਚੇਅਰਮੈਨ ਜਗਦੀਸ਼ ਅਰੋੜਾ, ਸੰਯੁਕਤ ਸਕੱਤਰ ਅਨੁਜ ਦਿਲਾਵਰੀ, ਕਾਰਜਕਾਰੀ ਮੈਂਬਰ ਅਮਨ ਦਿਲਾਵਰੀ, ਨਿਤਿਨ ਖੰਨਾ, ਲਲਿਤ ਅਗਰਵਾਲ, ਮੋਹਿਤ ਬਾਂਸਲ, ਅਸ਼ੋਕ ਕੰਧਾਰੀ ਤੇ ਸੰਜੀਵ ਅਰੋੜਾ ਆਦਿ ਮੌਜੂਦ ਸਨ |
