ਪੰਡਿਤ ਦੀਨ ਦਿਆਲ ਉਪਾਧਿਆਇ ਪਾਰਕਿੰਗ ਮਾਮਲੇ ਦੀ ਜਾਂਚ ਰਿਪੋਰਟ ਦੀ ਹੁਣ ਹੋ ਰਹੀ ਹੈ ਉਡੀਕ
ਅੰਮ੍ਰਿਤਸਰ, 8 ਅਕਤੂਬਰ (ਹਰਮਿੰਦਰ ਸਿੰਘ)-ਠੇਕੇਦਾਰ ਵਲੋਂ ਨਗਰ ਨਿਗਮ ਨੂੰ ਪਾਰਕਿੰਗ ਦਾ ਬਕਾਇਆ ਠੇਕਾ ਨਾ ਦੇਣ ਅਤੇ ਦਿੱਤੇ ਹੋਏ ਚੈਕ ਫ਼ੇਲ੍ਹ ਤੋਂ ਬਾਅਦ ਹਰਕਤ ਵਿਚ ਆਏ ਨਗਰ ਨਿਗਮ ਦੇ ਅਸਟੇਟ ਵਿਭਾਗ ਵਲੋਂ ਬੀਤੇ ਦਿਨ ਨਗਰ ਨਿਗਮ ਵਲੋਂ ਪੰਡਿਤ ਦੀਨ ਉਪਧਿਐ ਕਾਰ ਪਾਰਕਿੰਗ ਦਾ ਕਬਜ਼ਾ ਲੈ ਲਿਆ ਗਿਆ ਸੀ। ਉਕਤ ਪਾਰਕਿੰਗ ਨਗਰ ਨਿਗਮ ਵਲੋਂ 42 ਲੱਖ ਰੁਪਏ ’ਤੇ ਠੇਕੇ ’ਤੇ ਦਿੱਤੀ ਸੀ।
ਅੰਮ੍ਰਿਤਸਰ, 8 ਅਕਤੂਬਰ (ਹਰਮਿੰਦਰ ਸਿੰਘ)-ਠੇਕੇਦਾਰ ਵਲੋਂ ਨਗਰ ਨਿਗਮ ਨੂੰ ਪਾਰਕਿੰਗ ਦਾ ਬਕਾਇਆ ਠੇਕਾ ਨਾ ਦੇਣ ਅਤੇ ਦਿੱਤੇ ਹੋਏ ਚੈਕ ਫ਼ੇਲ੍ਹ ਤੋਂ ਬਾਅਦ ਹਰਕਤ ਵਿਚ ਆਏ ਨਗਰ ਨਿਗਮ ਦੇ ਅਸਟੇਟ ਵਿਭਾਗ ਵਲੋਂ ਬੀਤੇ ਦਿਨ ਨਗਰ ਨਿਗਮ ਵਲੋਂ ਪੰਡਿਤ ਦੀਨ ਉਪਧਿਐ ਕਾਰ ਪਾਰਕਿੰਗ ਦਾ ਕਬਜ਼ਾ ਲੈ ਲਿਆ ਗਿਆ ਸੀ। ਉਕਤ ਪਾਰਕਿੰਗ ਨਗਰ ਨਿਗਮ ਵਲੋਂ 42 ਲੱਖ ਰੁਪਏ ’ਤੇ ਠੇਕੇ ’ਤੇ ਦਿੱਤੀ ਸੀ। ਜਿਸ ਦੀ ਅੱਧੀ ਅਦਾਇਗੀ ਠੇਕੇਦਾਰ ਵਲੋਂ ਕੀਤੀ ਗਈ ਸੀ ਅਤੇ ਬਾਕੀ ਦੀ ਅਦਾਇਗੀ ਕਰਨੀ ਰਹਿੰਦੀ ਸੀ ਅਤੇ ਠੇਕੇਦਾਰ ਵਲੋਂ ਕਰੀਬ 7 ਲੱਖ ਦੇ ਦੋ ਚੈੱਕ ਵੀ ਦਿੱਤੇ ਗਏ ਸਨ ਜੋ ਫ਼ੇਲ੍ਹ ਹੋ ਗਏ ਸਨ। ਇਸ ਤੋਂ ਇਲਾਵਾ ਠੇਕੇਦਾਰ ਵਲੋਂ ਬੈਂਕ ਸਕਿਉਰਿਟੀ ਵਜੋਂ ਇਕ ਐੱਫ. ਡੀ. ਕਰਵਾਈ ਗਈ ਸੀ ਪਰ ਨਿਗਮ ਦੇ ਅਧਿਕਾਰੀ ਵਲੋਂ ਇਸ ਐੱਫ. ਡੀ. ਨੂੰ ਠੇਕੇਦਾਰ ਤੋਂ ਪ੍ਰਾਪਤ ਨਹੀਂ ਕੀਤਾ ਗਿਆ। ਜਿਸ ਤੋਂ ਬਾਅਦ ਠੇਕੇਦਾਰ ਵਲੋਂ ਐੱਫ. ਡੀ. ਤੁੜਵਾ ਲਈ ਗਈ। ਉਕਤ ਮਾਮਲਾ ਨਿਗਮ ਕਮਿਸ਼ਨਰ ਦੇ ਧਿਆਨ ਵਿਚ ਆਇਆ ਤਾਂ ਉਨ੍ਹਾਂ ਨੇ ਉਕਤ ਪਾਰਕਿੰਗ ਦਾ ਕਬਜ਼ਾ ਲੈਣ ਲਈ ਹਦਾਇਤਾਂ ਕੀਤੀਆਂ ਗਈਆਂ ਅਤੇ ਨਿਗਮ ਦੇ ਅਸਟੇਟ ਵਿਭਾਗ ਵਲੋਂ ਬੀਤੇ ਦਿਨ ਇਸ ਦਾ ਕਬਜ਼ਾ ਲੈ ਲਿਆ ਗਿਆ। ਉਕਤ ਮਾਮਲੇ ਦੀ ਤਫ਼ਤੀਸ਼ ਵਧੀਕ ਕਮਿਸ਼ਨਰ ਡਾ: ਜੈ ਇੰਦਰ ਸਿੰਘ ਨੂੰ ਸੌਂਪੀ ਗਈ ਹੈ ਜਿਨ੍ਹਾਂ ਵਲੋਂ ਇਹ ਤਫ਼ਤੀਸ਼ ਸ਼ੁਰੂ ਕਰ ਦਿੱਤੀ ਹੈ। ਉਨ੍ਹਾਂ ਦੀ ਰਿਪੋਰਟ ਆਉਣ ਦੀ ਉਡੀਕ ਕੀਤੀ ਜਾ ਰਹੀ ਹੈ। ਜਿਸ ਤੋਂ ਬਾਅਦ ਉਕਤ ਠੇਕੇਦਾਰ ਤੋਂ ਇਲਾਵਾ ਅਣਗਹਿਲੀ ਵਰਤਣ ਵਾਲੇ ਨਿਗਮ ਮੁਲਾਜ਼ਮਾਂ ’ਤੇ ਕਾਰਵਾਈ ਹੋ ਸਕਦੀ ਹੈ।
