ਫਤਿਆਬਾਦ, 3 ਅਪ੍ਰੈਲ (ਹਰਵਿੰਦਰ ਸਿੰਘ ਧੂੰਦਾ)-ਖੇਤੀਬਾੜੀ ਵਿਭਾਗ ਪੰਜਾਬ ਵਲੋਂ ਜ਼ਿਲ੍ਹਾ ਪੱਧਰੀ ਸਮਾਗਮ ਦਾ ਸਫ਼ਲਤਾਪੂਰਵਕ ਆਰ.ਜੀ.ਆਰ ਸੈੱਲ ਦੇ ਕਾਰਜਕਾਰੀ ਡਾਇਰੈਕਟਰ ਬਲਜਿੰਦਰ ਸਿੰਘ ਸੈਣੀ ਦੇ ਦਿਸਾ ਨਿਰਦੇਸ਼ ਹੇਠ ਲਗਾਇਆ ਗਿਆ | ਇਸ ਮੌਕੇ ਬਲਜਿੰਦਰ ਸਿੰਘ ਕੰਬੋਜ (ਏਰੀਆ ਮੈਨੇਜਰ) ਆਰ.ਜੀ.ਆਰ ਸੈੱਲ, ਯੋਧਬੀਰ ਸਿੰਘ ਜ਼ਿਲ੍ਹਾ ਕੋਆਰਡੀਨੇਟਰ, ਆਰ.ਜੀ.ਆਰ. ਸੈੱਲ ਦੇ ਮਾਹਿਰ ਡਾ. ਸੁਰਜੀਤ ਸਿੰਘ, ਡਾ.ਚੰਦਰ ਮੋਹਨ, ਡਾ.ਜਸਵਿੰਦਰ ਸਿੰਘ, ਤਰਨ ਤਾਰਨ ਵਲੋਂ ਡਾ. ਪਰਮਿੰਦਰ ਸਿੰਘ ਅਤੇ ਪਰਮਿੰਦਰ ਕੌਰ ਹਾਜ਼ਰ ਸਨ | ਸਮਾਗਮ ਵਿਚ ਆਰ.ਜੀ.ਆਰ. ਸੈੱਲ ਦੇ ਚੱਲ ਰਹੇ ਕੰਮਾਂ ਬਾਰੇ ਜਾਣਕਾਰੀ ਦਿੱਤੀ | ਬਲਜਿੰਦਰ ਸਿੰਘ ਕੰਬੋਜ ਏਰੀਆ ਮੈਨੇਜਰ ਨੇ ਝੋਨੇ ਵਿੱਚ ਪਾਣੀ ਸੁੱਕਾ ਕੇ ਲਾਓਣ ਦੀ ਵਿਧੀ ਬਾਰੇ ਦੱਸਿਆ | ਖੇਤੀ ਮਾਹਿਰ ਡਾ.ਸੁਰਜੀਤ ਸਿੰਘ, ਡਾ.ਚੰਦਰ ਮੋਹਨ, ਨੇ ਝੋਨੇ ਦੀ ਸਿੱਧੀ ਬਿਜਾਈ, ਝੋਨੇ ਅਤੇ ਕਣਕ ਬਿਮਾਰੀਆਂ ਅਤੇ ਖੇਤਾਂ ਵਿਚ ਹੀ ਫ਼ਸਲ ਦੀ ਪਰਾਲੀ ਦੀ ਸੁਚੱਜੀ ਸਾਂਭ ਸੰਭਾਲ ਬਾਰੇ ਜਾਣਕਾਰੀ ਸਾਂਝੀ ਕੀਤੀ, ਜਿਸ ਨਾਲ ਮਰ ਚੁੱਕੀ ਮਿੱਟੀ ਨੂੰ ਮੁੜ ਜਿਵਿਤ ਕਰਿਆ ਜਾ ਸਕੇ | ਡਾ. ਪਰਮਿੰਦਰ ਸਿੰਘ ਨੇ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਵਲੋਂ ਸਿਫਾਰਿਸ਼ ਝੋਨੇ ਦੀਆਂ ਘੱਟ ਸਮਾਂ ਲੈਣ ਵਾਲੀਆਂ ਕਿਸਮਾਂ ਬਾਰੇ ਕਿਸਾਨਾਂ ਨੂੰ ਜਾਗਰੂਕ ਕੀਤਾ | ਇਸਦੇ ਨਾਲ ਖੇਤੀਬਾੜੀ ਜਾਣਕਾਰੀ ਅਫਸਰ ਨੇ ਸਹਾਇਕ ਧੰਦਿਆਂ ਬਾਰੇ ਜਾਣਕਾਰੀ ਦਿੱਤੀ | ਇਸ ਤੋਂ ਇਲਾਵਾ ਸਮੁੱਚੀ ਤਰਨ ਤਾਰਨ ਟੀਮ ਨੇ ਕਿਸਾਨ ਮੇਲਾ ਸਫ਼ਲ ਬਣਾਉਣ ਵਿਚ ਬਹੁਤ ਵੱਡਾ ਯੋਗਦਾਨ ਪਾਇਆ |
