ਅਜਨਾਲਾ, 2 ਜੁਲਾਈ (ਗੁਰਪ੍ਰੀਤ ਸਿੰਘ ਢਿੱਲੋਂ)-ਉੱਤਰਾਖੰਡ ਵਿਚ ਪੈਂਦੇ ਪਿਰਾਨ ਕਲੀਅਰ ਸ਼ਰੀਫ਼ ਵਿਖੇ ਵਿਸ਼ਵ ਪ੍ਰਸਿੱਧ ਦਰਗਾਹ ਹਜ਼ਰਤ ਮਖ਼ਦੂਮ ਅਲੀ ਅਹਿਮਦ ਸਾਬਰ ਪੀਆ ਦੇ 13 ਅਗਸਤ ਤੋਂ ਸਰਧਾ ਤੇ ਉਤਸ਼ਾਹ ਨਾਲ ਮਨਾਏ ਜਾ ਰਹੇ ਵਿਸ਼ਵ ਵਿਆਪੀ ਸਾਲਾਨਾ 758 ਵੇਂ ਉਰਸ ਵਿਚ ਹਾਜ਼ਰੀ ਭਰਨ ਲਈ ਅਜਨਾਲਾ ਸ਼ਹਿਰ ਅਤੇ ਨਾਲ ਲੱਗਦੇ ਵੱਖ-ਵੱਖ ਪਿੰਡਾਂ ਤੋਂ ਪੀਰਾਂ ਫ਼ਕੀਰਾਂ ਦੇ ਦਰਬਾਰਾਂ ਦੇ ਮੁੱਖ ਸੇਵਾਦਾਰ ਤੇ ਸ਼ਰਧਾਲੂਆਂ ਦਾ ਇਕ ਕਾਫ਼ਲਾ ਵੀ ਹਾਜ਼ਰੀ ਲਗਵਾਏਗਾ। ਅੱਜ ਇੱਥੇ ਕਾਫ਼ਲੇ ਵਿਚ ਸ਼ਾਮਿਲ ਹੋਣ ਵਾਲੇ ਸ਼ਰਧਾਲੂਆਂ ਦੀ ਹੋਈ ਮੀਟਿੰਗ ਉਪਰੰਤ ਉਕਤ ਜਾਣਕਾਰੀ ਦਿੰਦਿਆਂ ਵਾਰਡ ਨੰਬਰ 7 ਵਿਚ ਸਥਿਤ ਦਰਬਾਰ ਪੀਰ ਬਾਬਾ ਲੱਖ ਦਾਤਾ ਦਰਬਾਰ ਦੇ ਮੁੱਖ ਸੇਵਾਦਾਰ ਮਨੀਸ਼ ਕੁਮਾਰ ਉਪੱਲ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕੀ ਉਕਤ ਸਾਲਾਨਾ ਉਰਸ ਦਾ 13 ਅਗਸਤ ਤੋਂ ਆਗਾਜ਼ ਹੋਵੇਗਾ, 14 ਅਗਸਤ ਨੂੰ ਮਹਿੰਦੀ ਡੋਰੀ ਦੀ ਰਸਮ, 25 ਅਗਸਤ ਨੂੰ ਛੋਟੀ ਰੌਸ਼ਨੀ, 26 ਅਗਸਤ ਨੂੰ ਵੱਡੀ ਰੌਸ਼ਨੀ, 27 ਅਗਸਤ ਨੂੰ ਕੁੱਲ ਸ਼ਰੀਫ਼, 28 ਅਗਸਤ ਨੂੰ ਗੁੱਸ਼ਲ ਸ਼ਰੀਫ਼ ਅਤੇ 31 ਅਗਸਤ ਨੂੰ ਕੁੱਲ ਸ਼ਰੀਫ਼ ਦੀ ਰਸਮ ਹੋਵੇਗੀ। ਉਨ੍ਹਾਂ ਦੱਸਿਆ ਕਿ ਇਹ ਉਰਸ ਪ੍ਰਸਿੱਧ ਕੱਵਾਲਾਂ ਵਲੋਂ ਸੂਫੀਆਨਾਂ ਕਲਾਮ ਪੇਸ਼ ਕੀਤੇ ਜਾਣਗੇ।
