ਇਆਲੀ/ਥਰੀਕੇ, 31 ਦਸੰਬਰ (ਮਨਜੀਤ ਸਿੰਘ ਦੁੱਗਰੀ)-ਆਈ.ਸੀ.ਏ.ਆਈ. ਨਿਕਾਸਾ ਲੁਧਿਆਣਾ ਬਰਾਂਚ ਵਲੋਂ ਵਿਦਿਆਰਥੀਆਂ ਲਈ ਪਲਾਂਟੇਸ਼ਨ ਡਰਾਈਵ ਕਰਵਾਈ, ਜਿਸ ਦਾ ਮੁੱਖ ਮਕਸਦ ਵਿਦਿਆਰਥੀਆਂ ਵਿਚ ਵਾਤਾਵਰਣ ਪ੍ਰਤੀ ਜਾਗਰੂਕਤਾ ਪੈਦਾ ਕਰਨਾ ਅਤੇ ਹਰ ਇਕ ਵਿਅਕਤੀ ਵਲੋਂ ਰੁੱਖ ਲਗਾਉਣ ਦੀ ਮਹੱਤਤਾ ਨੂੰ ਸਮਝਾਉਣਾ ਸੀ | ਇਸ ਡਰਾਈਵ ਦੀ ਅਗਵਾਈ ਆਈ.ਸੀ.ਏ.ਆਈ. ਲੁਧਿਆਣਾ ਬਰਾਂਚ ਦੇ ਚੇਅਰਮੈਨ ਸੀ.ਏ. ਮੋਹਿਤ ਵਾਸਨ ਅਤੇ ਨਿਕਾਸਾ ਚੇਅਰਮੈਨ ਸੀ.ਏ. ਅਵਨੀਤ ਸਿੰਘ ਵਲੋਂ ਕੀਤੀ ਗਈ | ਉਨ੍ਹਾਂ ਦੱਸਿਆ ਕਿ ਇਸ ਤਰ੍ਹਾਂ ਦੇ ਉਪਰਾਲਿਆਂ ਨਾਲ ਉਨ੍ਹਾਂ ਨੂੰ ਕੁਦਰਤ ਦੀ ਰੱਖਿਆ ਅਤੇ ਵਾਤਾਵਰਣ ਨੂੰ ਸੁਰੱਖਿਅਤ ਰੱਖਣ ਦੀ ਮਹੱਤਤਾ ਹੋਰ ਵੀ ਚੰਗੀ ਤਰ੍ਹਾਂ ਸਮਝ ਆਈ ਹੈ | ਇਸ ਪ੍ਰੋਗਰਾਮ ਨੂੰ ਕਾਮਯਾਬ ਬਣਾਉਣ ਵਿਚ ਨਿਕਾਸਾ ਲੁਧਿਆਣਾ ਟੀਮ ਦੇ ਵਾਈਸ ਚੇਅਰਮੈਨ ਨਿਤੀਸ਼ ਕਪੂਰ, ਸੈਕਟਰੀ ਭੁਵਨ ਸਿੰਗਲਾ, ਟ੍ਰੇਜ਼ਰ ਵਰੁਨ ਗਰਗ, ਸਪੋਰਟਸ ਸੈਕਟਰੀ ਹਨੀ ਕੁਮਾਰ, ਕਲਚਰਲ ਸੈਕਟਰੀ ਮਹਿਕ ਜੈਨ ਅਤੇ ਸਟੂਡੈਂਟ ਗਰੀਵੈਂਸ ਹੈੱਡ ਖ਼ੁਸ਼ੀ ਬੰਸਲ ਦਾ ਵਿਸ਼ੇਸ਼ ਸਹਿਯੋਗ ਰਿਹਾ |
