ਲੁਧਿਆਣਾ

ਦਿਆਨੰਦ ਹਸਪਤਾਲ ਵਿਖੇ 'ਪੀ. ਡੀ. ਕਨਕਲੇਵ-2025 ਲਰਨ ਫਰਾਮ ਐਕਸਪਰਟ' ਕਰਵਾਈ <br/>

ਦਿਆਨੰਦ ਹਸਪਤਾਲ ਵਿਖੇ ''ਪੀ.ਡੀ. ਕਨਕਲੇਵ-2025 ਲਰਨ ਫਰਾਮ ਐਕਸਪਰਟ'' ਸੈਮੀਨਾਰ ਦੌਰਾਨ ਸੰਬੋਧਨ ਕਰਦੇ ਹੋਏ ਮੁਕੇਸ਼ ਵਰਮਾ ਅਤੇ ਮੰਚ 'ਤੇ ਬੈਠੇ ਪਿ੍ੰਸੀਪਲ ਡਾ. ਜੀ.ਐਸ. ਵਾਂਡਰ ਅਤੇ ਹੋਰ | ਅਜੀਤ ਤਸਵੀਰ <br/> 04-01-2026

ਲੁਧਿਆਣਾ, 3 ਜਨਵਰੀ (ਡਾ. ਤਰਲੋਚਨ ਸਿੰਘ)-ਦਿਆਨੰਦ ਹਸਪਤਾਲ ਵਿਖੇ ਨੇਫਰੋਲੋਜੀ ਵਿਭਾਗ ਵਲੋਂ ''ਪੀ.ਡੀ. ਕਨਕਲੇਵ 2025 ਲਰਨ ਫਰਾਮ ਐਕਸਪਰਟਜ਼'' ਵਿਸ਼ੇ 'ਤੇ ਇਕ ਸੈਮੀਨਾਰ ਕਰਵਾਇਆ ਗਿਆ, ਜਿਸ ਦਾ ਕੇਂਦਰ ਪਰੀਟੋਨੀਆਲ ਡਾਇਲੈਸਿਸ ਸੀ | ਇਹ ਸੈਮੀਨਾਰ ਡਾ. ਵਿਕਾਸ ਮੱਕੜ, ਪ੍ਰੋਫੈਸਰ ਅਤੇ ਮੁਖੀ, ਨੇਫਰੋਲੋਜੀ ਵਿਭਾਗ ਦੀ ਅਗਵਾਈ ਹੇਠ ਕਰਵਾਇਆ ਗਿਆ | ਇਸ ਦੀ ਸਫਲਤਾ ਲਈ ਡਾ. ਸਿਮਰਨ ਕੌਰ, ਐਸੋਸੀਏਟ ਪ੍ਰੋਫੈਸਰ, ਡਾ. ਤਨਿਸ਼ ਧੀਰ, ਅਸਿਸਟੈਂਟ ਪ੍ਰੋਫੈਸਰ, ਸੀਨੀਅਰ ਰਿਹਾਇਸ਼ੀ ਡਾਕਟਰਾਂ ਅਤੇ ਨੇਫਰੋਲੋਜੀ ਵਿਭਾਗ ਦੇ ਨਰਸਿੰਗ ਸਟਾਫ਼ ਵਲੋਂ ਯੋਗਦਾਨ ਪਾਇਆ ਗਿਆ | ਸੈਮੀਨਾਰ ਦਾ ਮਕਸਦ ਮੈਡੀਕਲ ਪੇਸ਼ੇਵਰਾਂ ਵਿਚ ਪਰੀਟੋਨੀਆਲ ਡਾਇਲੈਸਿਸ ਸੰਬੰਧੀ ਜਾਗਰੂਕਤਾ, ਗਿਆਨ ਅਤੇ ਪ੍ਰਯੋਗਾਤਮਿਕ ਸਮਝ ਨੂੰ ਵਧਾਉਣਾ ਸੀ | ਸੈਮੀਨਾਰ ਦਾ ਉਦਘਾਟਨ ਮੁਕੇਸ਼ ਵਰਮਾ, ਖਜ਼ਾਨਚੀ ਮੈਨੇਜਿੰਗ ਸੁਸਾਇਟੀ ਵਲੋਂ ਪਿ੍ੰਸੀਪਲ ਡਾ. ਜੀ.ਐਸ. ਵਾਂਡਰ, ਡਾ. ਸੰਦੀਪ ਕੌਸ਼ਲ ਅਤੇ ਡਾ. ਪਿ੍ਤਪਾਲ ਸਿੰਘ, ਮੈਂਬਰ ਪੀ.ਐਮ.ਸੀ. ਦੀ ਹਾਜ਼ਰੀ ਵਿਚ ਕੀਤਾ ਗਿਆ | ਆਪਣੇ ਸੰਦੇਸ਼ ਵਿਚ ਬਿਪਿਨ ਗੁਪਤਾ, ਸਕੱਤਰ ਮੈਨੇਜਿੰਗ ਸੁਸਾਇਟੀ ਨੇ ਨੇਫਰੋਲੋਜੀ ਵਿਭਾਗ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ ਅਤੇ ਉੱਚ ਮਿਆਰੀ ਅਕਾਦਮਿਕ ਗਤੀਵਿਧੀਆਂ ਦੇ ਪ੍ਰਬੰਧ ਲਈ ਉਨ੍ਹਾਂ ਨੂੰ ਵਧਾਈ ਦਿੱਤੀ | ਉਨ੍ਹਾਂ ਕਿਹਾ ਕਿ ''ਪੀ.ਡੀ. ਕਨਕਲੇਵ 2025'' ਵਰਗੇ ਸੈਮੀਨਾਰ ਡਾਕਟਰਾਂ ਨੂੰ ਨਵੇਂ ਅਤੇ ਵਿਕਸਿਤ ਇਲਾਜੀ ਤਰੀਕਿਆਂ ਨਾਲ ਅੱਪਡੇਟ ਰੱਖਣ ਵਿਚ, ਕ੍ਰੋਨਿਕ ਕਿਡਨੀ ਡਿਜ਼ੀਜ਼ ਦੇ ਇਲਾਜ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ | ਮੁਕੇਸ਼ ਵਰਮਾ ਨੇ ਨੇਫਰੋਲੋਜੀ ਵਿਭਾਗ ਨੂੰ ਇਸ ਦੇ ਸਫਲ ਪ੍ਰਬੰਧ ਲਈ ਵਧਾਈ ਦਿੱਤੀ | ਸੈਮੀਨਾਰ ਵਿਚ ਸੰਬੋਧਨ ਕਰਦਿਆਂ ਪਿ੍ੰਸੀਪਲ ਡਾ. ਜੀ.ਐਸ. ਵਾਂਡਰ ਨੇ ਕਿਹਾ ਕਿ ਇਹ ਸੈਮੀਨਾਰ ਅਕਾਦਮਿਕ ਦਿ੍ਸ਼ਟੀ ਤੋਂ ਬਹੁਤ ਹੀ ਲਾਭਕਾਰੀ ਅਤੇ ਗਿਆਨਵਰਧਕ ਸਾਬਤ ਹੋਇਆ | ਉਨ੍ਹਾਂ ਦੱਸਿਆ ਕਿ ਪ੍ਰਸਿੱਧ ਨੇਫਰੋਲੋਜਿਸਟਾਂ ਵਲੋਂ ਦਿੱਤੇ ਭਾਸ਼ਣਾਂ ਅਤੇ ਵਿਚਾਰ-ਵਟਾਂਦਰਿਆਂ ਨੇ ਨੌਜਵਾਨ ਡਾਕਟਰਾਂ ਅਤੇ ਪੋਸਟ ਗੈ੍ਰਜੂਏਟ ਵਿਦਿਆਰਥੀਆਂ 'ਤੇ ਡੂੰਘਾ ਪ੍ਰਭਾਵ ਛੱਡਿਆ | ਉਨ੍ਹਾਂ ਜ਼ੋਰ ਦਿੱਤਾ ਕਿ ਲਗਾਤਾਰ ਮੈਡੀਕਲ ਸਿੱਖਿਆ ਤੇਜ਼ੀ ਨਾਲ ਅੱਗੇ ਵੱਧ ਰਹੀ ਮੈਡੀਕਲ ਵਿਗਿਆਨ ਨਾਲ ਕਦਮ ਮਿਲਾਉਣ ਲਈ ਬਹੁਤ ਜ਼ਰੂਰੀ ਹੈ | ਨਵੀਂ ਤਕਨਾਲੋਜੀ ਦੇ ਏਕੀਕਰਨ ਨਾਲ ਨਿਦਾਨ ਅਤੇ ਇਲਾਜ ਦੀ ਸਮਰੱਥਾ ਵਿਚ ਕਾਫ਼ੀ ਸੁਧਾਰ ਆਇਆ ਹੈ | ਸੈਮੀਨਾਰ ਦੌਰਾਨ ਦੇਸ਼ ਦੇ ਵੱਖ-ਵੱਖ ਹਸਪਤਾਲਾਂ ਤੋਂ ਆਏ ਮਾਹਿਰ ਨੇਫਰੋਲੋਜਿਸਟਾਂ ਵਲੋਂ ਪਰੀਟੋਨੀਆਲ ਡਾਇਲੈਸਿਸ ਦੇ ਵੱਖ-ਵੱਖ ਪਹਿਲੂਆਂ 'ਤੇ ਵਿਸਤਰਿਤ ਭਾਸ਼ਣ ਦਿੱਤੇ ਗਏ | ਇਨ੍ਹਾਂ ਵਿਚ ਇਸ ਦੇ ਫਾਇਦੇ, ਕਲੀਨੀਕਲ ਨਤੀਜੇ, ਮਰੀਜ਼ ਚੋਣ ਅਤੇ ਭਰਤੀ ਸੰਦਰਭ ਵਿਚ ਆਉਣ ਵਾਲੀਆਂ ਚੁਨੌਤੀਆਂ ਸ਼ਾਮਿਲ ਸਨ | ਇਲਾਜ ਦੀ ਲਾਗਤ ਘਟਾਉਣ ਲਈ ਰਣਨੀਤੀਆਂ 'ਤੇ ਵੀ ਖ਼ਾਸ ਜ਼ੋਰ ਦਿੱਤਾ ਗਿਆ | ਸੈਮੀਨਾਰ ਦੀ ਸਮਾਪਤੀ ਇਕ ਜਾਣਕਾਰੀ ਭਰਪੂਰ ਪੈਨਲ ਚਰਚਾ ਨਾਲ ਹੋਈ, ਜਿਸ ਦੌਰਾਨ ਮਾਹਿਰਾਂ ਨੇ ਹਕੀਕਤੀ ਤਜਰਬੇ ਸਾਂਝੇ ਕੀਤੇ ਅਤੇ ਭਾਗੀਦਾਰਾਂ ਵਲੋਂ ਪੁੱਛੇ ਗਏ ਵਿਹਾਰਕ ਪ੍ਰਸ਼ਨਾਂ ਦੇ ਉਤਰ ਦਿੱਤੇ |

ਪਿਛਲੀ ਖ਼ਬਰ ਭਗਵੰਤ ਮਾਨ ਸਰਕਾਰ ਵਲੋਂ ਪੱਤਰਕਾਰਾਂ 'ਤੇ ਮੜਿ੍ਹਆ ਪੁਲਿਸ ਕੇਸ ਪੰਜਾਬ ਦੀ ਪੈੱ੍ਰਸ ਦੀ ਆਜ਼ਾਦੀ 'ਤੇ ਹਮਲਾ-ਦਸਮੇਸ਼ ਯੂਨੀਅ... ਅਗਲੀ ਖ਼ਬਰ ਮਾਵਾਂ ਦੀ ਮÏਤ ਦਰ ਨੂੰ ਘਟਾਉਣ ਸੰਬੰਧੀ ਜ਼ਿਲ੍ਹਾ ਪੱਧਰੀ ਸਮੀਖਿਆ ਮੀਟਿੰਗ <br/>

ਦਿਆਨੰਦ ਹਸਪਤਾਲ ਵਿਖੇ 'ਪੀ. ਡੀ. ਕਨਕਲੇਵ-2025 ਲਰਨ ਫਰਾਮ ਐਕਸਪਰਟ' ਕਰਵਾਈ <br/>

ਸੰਬੰਧਿਤ ਖ਼ਬਰਾਂ