ਲੁਧਿਆਣਾ, 5 ਜੁਲਾਈ (ਅ. ਬ.)-ਸਥਾਨਕ ਹੋਟਲ ਵਿਖੇ ਸਨੈਕਪ੍ਰੋ ਲੀਡਰਜ਼ ਮੀਟ ਵਿਚ ਫੂਡ ਬੇਵਰੇਜ ਪੈਕਜਿੰਗ ਅਤੇ ਡਿਸਟ੍ਰੀਬਿਊਸ਼ਨ ਖੇਤਰ ਨਾਲ ਸੰਬੰਧਿਤ ਵੱਡੀ ਗਿਣਤੀ ‘’ਚ ਸੰਸਥਾਪਕਾਂ, ਡਾਇਰੈਕਟਰਾਂ ਅਤੇ ਸੀਨੀਅਰ ਉਦਮੀਆਂ ਨੇ ਹਿੱਸਾ ਲਿਆ। ਇਸ ਮਿਲ਼ਨੀ ਦੌਰਾਨ ਸੰਬੋਧਨ ਕਰਦਿਆਂ ਸਮਾਗਮ ਦੇ ਪ੍ਰਬੰਧਕ ਨਿਤਿਨ ਕੁਮਾਰ ਨੇ ਕਿਹਾ ਕਿ 3 ਤੋਂ ਲੈ ਕੇ 5 ਦਸੰਬਰ ਤੱਕ ਉਹ ਇਹਨਾਂ ਸਾਰੇ ਕਾਰੋਬਾਰਾਂ ਨਾਲ ਸੰਬੰਧਿਤ ਸਨੈਕਪ੍ਰੋ ਐਕਸਪੋ ਅਤੇ ਕਾਨਫ਼ਰੰਸ ਕਰਨ ਜਾ ਰਹੇ ਹਨ, ਜੋ ਲੁਧਿਆਣਾ ਦੇ ਐਗਜੀਬਿਸ਼ਨ ਹਾਲ ਵਿਚ ਲੱਗੇਗੀ। ਸਮਾਗਮ ਦੌਰਾਨ ਲਾਇਲਜੀ ਫੂਡਜ਼ ਦੇ ਨਿਰਦੇਸ਼ਕ ਅਤੇ ਸੰਸਥਾਪਕ ਰੋਹਿਤ ਖਰਬੰਦਾ, ਡਾ: ਕੁੰਵਰ ਉਂਕਾਰ ਸਿੰਘ ਨਰੂਲਾ, ਅਮਰਵੀਰ ਸਿੰਘ, ਹਰਕੇਸ਼ ਮਿੱਤਲ ਸਮੇਤ ਇਸ ਉਦਯੋਗ ਨਾਲ ਸੰਬੰਧਿਤ ਕਾਰੋਬਾਰੀ ਉਚੇਚੇ ਤੌਰ ‘’ਤੇ ਪਹੁੰਚੇ ਸਨ। ਇਸ ਮੌਕੇ ਨਿਤਿਨ ਕੁਮਾਰ ਨੇ ਕਿਹਾ ਕਿ ਇਸ ਐਕਸਪੋ ਦਾ ਮੰਤਵ ਸਬੰਧਿਤ ਕਾਰੋਬਾਰੀਆਂ ਨੂੰ ਇਕ ਪਲੇਟਫ਼ਾਰਮ ‘’ਤੇ ਇਕੱਠੇ ਕਰਕੇ ਆਪਣੇ ਉਦਯੋਗ ਨੂੰ ਕਿਵੇਂ ਬੇਹਤਰ ਬਣਾਇਆ ਜਾ ਸਕਦਾ ਹੈ, ਜਿਸ ਦੇ ਵਿਸਥਾਰ ਲਈ ਦੂਜੇ ਕਾਰੋਬਾਰੀਆਂ ਦੇ ਸੰਪਰਕ ਵਿਚ ਆ ਕੇ ਆਪਣੇ ਕਾਰੋਬਾਰ ਵਿਚ ਵਾਧਾ ਕਰ ਸਕਣ ਅਤੇ ਭਵਿੱਖ ਦੀਆਂ ਚੁਣੌਤੀਆਂ ਦਾ ਇਕਜੁੱਟ ਹੋ ਕਿ ਮੁਕਾਬਲਾ ਕਰਨ ਦੇ ਯੋਗ ਬਣ ਸਕਣ।
