ਚੰਡੀਗੜ੍ਹ, 25 ਜਨਵਰੀ (ਮਾਰਕੰਡਾ)-ਪੰਜਾਬ ਯੂਨੀਵਰਸਿਟੀ ਮਹਿਲਾ ਟੈਨਿਸ ਟੀਮ ਨੇ ਐੱਮ. ਡੀ. ਯੂ. ਯੂਨੀਵਰਸਿਟੀ ਰੋਹਤਕ ਵਿਖੇ ਕਰਵਾਏ ਆਲ ਇੰਡੀਆ ਇੰਟਰ-ਯੂਨੀਵਰਸਿਟੀ ਚੈਂਪੀਅਨਸ਼ਿਪ ਵਿੱਚੋਂ ਚਾਂਦੀ ਦੇ ਤਗਮੇ ਪ੍ਰਾਪਤ ਕੀਤਾ ਹੈ | ਪੀ. ਯੂ. ਟੀਮ ਵਿਚ ਸਮਰਪਿਤ ਖਿਡਾਰਨਾਂ ਸਾਹਿਰਾ ਸਿੰਘ, ਮਾਹਿਕਾ ਖੰਨਾ, ਅਵਨੀ ਸਹਰਾਇਆ ਅਤੇ ਰਾਧਾ ਸਾਧਰਾ ਸ਼ਾਮਲ ਸਨ | ਜਿਨ੍ਹਾਂ ਦੀ ਸਖ਼ਤ ਮਿਹਨਤ ਅਤੇ ਦਿ੍ੜ੍ਹਤਾ ਨਾਲ ਫਾਈਨਲ ਪਹੁੰਚਣ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਸੀ | ਪੀ.ਯੂ ਉਪ ਕੁਲਪਤੀ ਪ੍ਰੋ. ਰੇਣੂ ਵਿਗ ਨੇ ਟੀਮ ਨੂੰ ਵਧਾਈਆਂ ਦਿੱਤੀਆਂ | ਪੀ. ਯੂ. ਦੇ ਖੇਡ ਨਿਰਦੇਸ਼ਕ ਡਾ. ਰਾਕੇਸ਼ ਮਲਿਕ ਨੇ ਵੀ ਖਿਡਾਰੀਆਂ ਅਤੇ ਸਹਾਇਕ ਸਟਾਫ਼ ਦੇ ਸ਼ਾਨਦਾਰ ਯਤਨਾਂ ਲਈ ਪ੍ਰਸ਼ੰਸਾ ਕੀਤੀ | ਇਹ ਨੋਟ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੇ ਕਈ ਸਾਲਾਂ ਬਾਅਦ ਪੰਜਾਬ ਯੂਨੀਵਰਸਿਟੀ ਵਿਚ ਟੈਨਿਸ ਚੈਂਪੀਅਨਸ਼ਿਪ ਦੀ ਚਮਕ ਵਾਪਸ ਲਿਆਂਦੀ ਹੈ |
