ਜ਼ੀਰਕਪੁਰ, 8 ਮਾਰਚ (ਹੈਪੀ ਪੰਡਵਾਲਾ)-ਅੱਜ ਕੌਮਾਂਤਰੀ ਮਹਿਲਾ ਦਿਵਸ ਮੌਕੇ ਹਿਊਮਨ ਰਾਈਟ ਵੈਲਫੇਅਰ ਸੁਸਾਇਟੀ ਵਲੋਂ ਪਿੰਡ ਲੋਹਗੜ੍ਹ ਦੇ ਗੁਰਦੁਆਰਾ ਸਿੰਘ ਸਭਾ ਸਾਹਿਬ ਵਿਖੇ 11ਵਾਂ ਮੁਫ਼ਤ ਮੈਡੀਕਲ ਕੈਂਪ ਲਗਾਇਆ ਗਿਆ | ਇਸ ਕੈਂਪ ਦੌਰਾਨ ਅੱਖਾਂ, ਦੰਦਾਂ, ਦਿਲ ਅਤੇ ਇਸਤਰੀ ਰੋਗਾਂ ਨਾਲ ਸੰਬੰਧਿਤ ਕਰੀਬ 135 ਮਰੀਜ਼ਾਂ ਦੀ ਸਿਹਤ ਜਾਂਚ ਕੀਤੀ ਗਈ ਅਤੇ ਉਨ੍ਹਾਂ ਨੂੰ ਮੁਫ਼ਤ ਦਵਾਈਆਂ ਦਿੱਤੀਆਂ ਗਈਆਂ | ਇਹ ਕੈਂਪ ਸੰਸਥਾ ਦੇ ਚੇਅਰਮੈਨ ਕਾਹਨ ਰਾਮ ਸੋਖਲ, ਪਵਨ ਕੁਮਾਰ ਗਾਂਧੀ ਤੇ ਪ੍ਰਧਾਨ ਹਰਬੰਸ ਸਿੰਘ ਬਲਟਾਣਾ ਦੀ ਸਰਪ੍ਰਸਤੀ ਹੇਠ ਲਗਾਇਆ ਗਿਆ ਸੀ | ਇਸ ਮੌਕੇ ਸਾਬਕਾ ਵਿਧਾਇਕ ਐਨ. ਕੇ. ਸ਼ਰਮਾ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਿਲ ਹੋਏ | ਇਸ ਮੌਕੇ ਸੰਸਥਾ ਦੇ ਜਨਰਲ ਸਕੱਤਰ ਸੀ. ਐੱਸ. ਮਹਿਤਾ, ਖਜ਼ਾਨਚੀ ਰਣਧੀਰ ਸਿੰਘ, ਰਾਜਵਿੰਦਰ ਸਿੰਘ ਜੌੜਾ, ਐਨ. ਏ. ਖਾਨ, ਜਗਸੀਰ ਸਿੰਘ, ਰਾਮ ਗੋਪਾਲ, ਸੀਨੀਅਰ ਮੀਤ ਪ੍ਰਧਾਨ ਰਵਿੰਦਰ ਕੌਰ ਬਾਜਵਾ, ਸੰਤੋਸ਼ ਕਸ਼ਯਪ, ਕੁਸੁਮ, ਮੀਨਾ ਸ਼ਰਮਾ, ਸਤਨਾਮ ਕੌਰ, ਮੈਡਮ ਸ਼ੈਰੀ, ਅਨੁ ਦੇਵੀ ਤੇ ਸੰਸਥਾ ਦੇ ਪੀ. ਆਰ. ਓ. ਬੀ. ਐਸ. ਪੰਨੂੰ ਆਦਿ ਹਾਜ਼ਰ ਸਨ |
