ਚੰਡੀਗੜ੍ਹ, 5 ਅਪ੍ਰੈਲ (ਕਪਿਲ ਵਧਵਾ) ਚੰਡੀਗੜ੍ਹ ਵਿਚ ਨਾਈਟ ਲਾਈਫ ਨਾਲ ਜੁੜੇ ਸਥਾਨਾਂ 'ਤੇ ਨਿਯਮਾਂ ਦੀ ਉਲੰਘਣਾ ਦੇ ਮਾਮਲੇ ਲਗਾਤਾਰ ਸਾਹਮਣੇ ਆ ਰਹੇ ਹਨ, ਜਿੱਥੇ ਕਲੱਬ ਮਾਲਕਾਂ ਵਲੋਂ ਕਈ ਵਾਰ ਪ੍ਰਸ਼ਾਸਨ ਦੀਆਂ ਹਦਾਇਤਾਂ ਨੂੰ ਨਜ਼ਰਅੰਦਾਜ਼ ਕੀਤਾ ਜਾਂਦਾ ਹੈ | ਇਸੇ ਤਰ੍ਹਾਂ ਦੇ ਇਕ ਮਾਮਲੇ ਵਿਚ ਸੈਕਟਰ-3 ਥਾਣਾ ਪੁਲਿਸ ਨੇ ਸੈਕਟਰ-9 ਸਥਿਤ 'ਪਾਈਪ ਐਂਡ ਬੈਰਲ ਕਲੱਬ' ਵਿਚ ਗਾਹਕਾਂ ਨੂੰ ਹੁੱਕਾ ਪਰੋਸਣ ਦੇ ਦੋਸ਼ ਹੇਠ ਕਲੱਬ ਮਾਲਕ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਉਸ ਨੂੰ ਗਿ੍ਫ਼ਤਾਰ ਕੀਤਾ ਹੈ | ਹਾਲਾਂਕਿ ਬਾਅਦ ਵਿਚ ਮੁਲਜ਼ਮ ਨੂੰ ਜ਼ਮਾਨਤ 'ਤੇ ਰਿਹਾਅ ਕਰ ਦਿੱਤਾ ਗਿਆ | ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਏ.ਐਸ.ਆਈ. ਚੰਦਰਮਾ ਨੇ ਦੱਸਿਆ ਕਿ 4 ਅਪ੍ਰੈਲ ਦੀ ਸ਼ਾਮ ਕਰੀਬ 6:30 ਵਜੇ ਸੈਕਟਰ-9 ਸਥਿਤ ਐਸ.ਸੀ.ਓ. ਨੰਬਰ 156-57 ਦੇ ਬੇਸਮੈਂਟ ਵਿਚ ਚੱਲ ਰਹੇ ਉਕਤ ਕਲੱਬ ਵਿਚ ਜਨਾਰਧਨ ਪ੍ਰਸਾਦ ਪੰਤ ਆਪਣੇ ਗਾਹਕਾਂ ਨੂੰ ਹੁੱਕਾ ਪਰੋਸ ਰਿਹਾ ਸੀ | ਸੂਚਨਾ ਮਿਲਣ ਉਪਰੰਤ ਪੁਲਿਸ ਨੇ ਮੌਕੇ 'ਤੇ ਛਾਪੇਮਾਰੀ ਕਰਕੇ ਜਨਾਰਧਨ ਪ੍ਰਸਾਦ ਪੰਤ ਪੁੱਤਰ ਸਤਿਆ ਪ੍ਰਸਾਦ ਪੰਤ ਵਾਸੀ ਮਕਾਨ ਨੰਬਰ 1630, ਸੈਕਟਰ-8/ਬੀ, ਚੰਡੀਗੜ੍ਹ, ਉਮਰ 43 ਸਾਲ, ਨੂੰ ਕਾਬੂ ਕਰ ਲਿਆ | ਇਸ ਸਬੰਧੀ ਥਾਣਾ ਸੈਕਟਰ-3 ਵਿਚ ਸੀ.ਓ.ਟੀ.ਪੀ.ਏ. ਐਕਟ, 2003 ਦੀ ਧਾਰਾ 4(ਏ) ਤਹਿਤ ਐਫ.ਆਈ.ਆਰ. ਨੰਬਰ 25 ਦਰਜ ਕੀਤੀ ਗਈ ਹੈ | ਪੁਲਿਸ ਅਨੁਸਾਰ ਮੁਲਜ਼ਮ ਨੂੰ ਗਿ੍ਫ਼ਤਾਰ ਕਰਨ ਤੋਂ ਬਾਅਦ ਜ਼ਮਾਨਤ 'ਤੇ ਛੱਡ ਦਿੱਤਾ ਗਿਆ ਹੈ ਅਤੇ ਮਾਮਲੇ ਦੀ
