ਮੁਹਾਲੀ, 7 ਅਪ੍ਰੈਲ (ਅ.ਬ.)- ਆਲ ਇੰਡੀਆ ਪੰਜਾਬ ਨੈਸ਼ਨਲ ਬੈਂਕ ਆਫਿਸਰ ਐਸੋਸੀਏਸ਼ਨ (ਏ.ਆਈ.ਪੀ.ਐਨ.ਬੀ.ਓ.ਏ.), ਮੁਹਾਲੀ ਸਰਕਲ ਵਲੋਂ ਨਵੇਂ ਨਿਯੁਕਤ ਸਰਕਲ ਹੈੱਡ ਬਿਸਵੋਜੀਤ ਬਿਸਵਾਲ ਦੇ ਚਾਰਜ ਸੰਭਾਲਣ 'ਤੇ ਉਨ੍ਹਾਂ ਦਾ ਗਰਮਜੋਸ਼ੀ ਅਤੇ ਪਿਆਰ ਨਾਲ ਸਵਾਗਤ ਕੀਤਾ ਗਿਆ | ਇਹ ਨਿਯੁਕਤੀ ਸਰਕਲ ਵਿੱਚ ਲੀਡਰਸ਼ਿਪ ਬਦਲਾਅ ਦਾ ਇੱਕ ਮਹੱਤਵਪੂਰਨ ਪੜਾਅ ਮੰਨਿਆ ਜਾ ਰਿਹਾ ਹੈ | ਬਿਸਵਾਲ ਦਾ ਸਰਕਾਰੀ ਤੌਰ 'ਤੇ ਸਵਾਗਤ ਆਲ ਇੰਡੀਆ ਆਰਗਨਾਈਜ਼ਿੰਗ ਸਕੱਤਰ ਅਮਨਦੀਪ ਸਿੰਘ ਅਤੇ ਮੁਹਾਲੀ ਯੂਨਿਟ ਦੇ ਪ੍ਰਧਾਨ ਸੰਜੀਵ ਦੇਓਰਾ ਵਲੋਂ ਕੀਤਾ ਗਿਆ | ਇਸ ਮੌਕੇ ਡਿਪਟੀ ਸਰਕਲ ਹੈੱਡ ਸੋਮ ਸਵਿਗੋਤਰਾ, ਐਲ.ਡੀ.ਐਮ. ਮੁਹਾਲੀ ਐਮ.ਕੇ. ਭਾਰਦਵਾਜ, ਚੀਫ ਮੈਨੇਜਰ (ਐਚਆਰਡੀ) ਗੁਲਸ਼ਨ ਵਰਮਾ ਸਮੇਤ ਕਈ ਸੀਨੀਅਰ ਅਧਿਕਾਰੀ ਹਾਜ਼ਰ ਸਨ | ਹੋਰ ਹਾਜ਼ਰੀਨ 'ਚ ਪਵਨਜੀਤ ਗਿੱਲ (ਵਰਕਿੰਗ ਪ੍ਰਧਾਨ), ਵਿਨੋਦ ਦੇਹਲ (ਜੌਇੰਟ ਸਕੱਤਰ) ਅਤੇ ਸੀਨੀਅਰ ਐਡਵਾਈਜ਼ਰ ਸੁਮਿਤਰਾ ਨਾਗਰ ਅਤੇ ਸੁਰਭਿਤ (ਐਗਜਿਕਿਊਟਿਵ ਮੈਂਬਰ) ਸ਼ਾਮਿਲ ਸਨ |
