ਪੰਜਾਬ ਕਲਾ ਪਰਿਸ਼ਦ ਚੰਡੀਗੜ੍ਹ ਵਲੋਂ ਡਾ. ਸੁਰਜੀਤ ਪਾਤਰ ਦੀ ਦੂਜੀ ਬਰਸੀ 'ਤੇ ਕਰਵਾਇਆ ਯਾਦਗਾਰੀ ਸਮਾਰੋਹ <br/>
ਅਜੀਤ ਡੈਸਕ
13-05-2026
ਡਾ. ਯੋਜਨਾ ਨੇ ਕਿਹਾ ਕਿ 2023 ਵਿਚ ਮੈਂ ਉਨ੍ਹਾਂ ਨਾਲ ਗਿਲਾ ਕੀਤਾ ਕਿ ਤੁਸੀਂ ਮੈਨੂੰ ਅਨੁਵਾਦ ਕਰਨ ਲਈ ਕਵਿਤਾਵਾਂ ਨਹੀਂ ਦਿੱਤੀਆਂ ਤੇ ਫੇਰ ਉਨ੍ਹਾਂ ਨੇ ਮੈਨੂੰ ਮਾਂ ਬੋਲੀ ਨਾਲ ਸੰਬੰਧਿਤ ਕਵਿਤਾਵਾਂ ਭੇਜੀਆਂ | ਆਪਣੀ ਗੱਲ ਜਾਰੀ ਰੱਖਦੇ ਹੋਏ ਉਨ੍ਹਾਂ ਕਿਹਾ ਕਿ ਡਾ. ਪਾਤਰ ਨਾਲ ਭਾਸ਼ਾ ਦੇ ਮਾਮਲੇ ਵਿਚ ਸਹਿਮਤੀ ਬਣਾਉਣੀ ਅÏਖੀ ਸੀ, ਉਨ੍ਹਾਂ ਨੂੰ ਆਪਣੀ ਬੋਲੀ ਦੇ ਸ਼ਬਦਾਂ ਨਾਲ ਮੋਹ ਸੀ | ਉਨ੍ਹਾਂ ਅੰਦਰ ਇਕ ਚੁੱਪ ਖਟਕਦੀ ਸੀ | ਇਸ ਮੌਕੇ ਪੰਜਾਬ ਸੰਗੀਤ ਨਾਟਕ ਅਕਾਦਮੀ ਦੇ ਚੇਅਰਮੈਨ ਅਸ਼ਵਨੀ ਚੈਟਲੈ ਨੇ ਕਿਹਾ ਕਿ ਡਾ. ਪਾਤਰ ਸ਼ਬਦਾਂ ਦਾ ਜਾਦੂਗਰ ਹੀ ਨਹੀਂ ਸੀ ਸਗੋਂ ਰਿਸ਼ਤਿਆਂ ਦਾ ਵੀ ਜਾਦੂਗਰ ਸੀ | ਅਸ਼ਵਨੀ ਚੈਟਲੇ ਨੇ ਡਾ. ਸੁਰਜੀਤ ਪਾਤਰ ਨਾਲ ਆਪਣੀ ਸਾਂਝ ਅਤੇ ਉਨ੍ਹਾਂ ਦੀਆਂ ਨਜ਼ਮਾਂ ਸੁਣਾ ਕੇ ਮਾਹੌਲ ਨੂੰ ਹੋਰ ਵੀ ਭਾਵੁਕਤਾ ਵਿਚ ਰੰਗ ਛੱਡਿਆ | ਉੱਘੇ ਚਿੰਤਕ ਅਮਰਜੀਤ ਗਰੇਵਾਲ ਨੇ ਕਿਹਾ ਡਾ. ਪਾਤਰ ਅਜ਼ੀਜ਼ ਦੋਸਤ ਸੀ ਤੇ ਉਨ੍ਹਾਂ ਨੇ ਪਾਤਰ ਦੀਆਂ ਭੂਤਵਾੜੇ ਨਾਲ ਸੰਬੰਧਿਤ ਗੱਲਾਂ ਵੀ ਕੀਤੀਆਂ | ਡਾ. ਯੋਗਰਾਜ ਅੰਗਰੀਸ਼ ਨੇ ਸੰਚਾਲਨ ਕਰਦੇ ਹੋਏ ਡਾ. ਸੁਰਜੀਤ ਪਾਤਰ ਦੀ ਕਵਿਤਾ ਬਾਰੇ ਬੋਲਦਿਆਂ ਕਿਹਾ ਕਿ ਜੇਕਰ ਉਨ੍ਹਾਂ ਦੀ ਕਵਿਤਾ ਦੁਨੀਆ ਦੀਆਂ ਵੱਡੀਆਂ ਭਾਸ਼ਾਵਾਂ ਵਿਚ ਅਨੁਵਾਦ ਹੁੰਦੀ, ਤਾਂ ਉਨ੍ਹਾਂ ਦੀ ਮਹਿਮਾ ਹੋਰ ਵੀ ਵੱਡੀ ਹੁੰਦੀ | ਇਸ ਸਮਾਗਮ ਵਿਚ ਸ਼੍ਰੋਮਣੀ ਬਾਲ ਸਾਹਿਤਕਾਰ ਪ੍ਰੋ. ਮਨਮੋਹਨ ਸਿੰਘ ਦਾਊ, ਡਾ.ਨਿਰਮਲ ਜੌੜਾ, ਰਾਜਵਿੰਦਰ ਸਮਰਾਲਾ, ਵਰਿੰਦਰ ਸਿੰਘ, ਭੁਪਿੰਦਰ ਮਲਿਕ, ਪ੍ਰੀਤਮ ਰੁਪਾਲ, ਜਸ਼ਨਪ੍ਰੀਤ, ਸਰਦਾਰਾ ਸਿੰਘ ਚੀਮਾ, ਹਰਜਾਪ ਸਿੰਘ ਅÏਜਲਾ, ਡਾ. ਅਵਤਾਰ ਸਿੰਘ ਪਤੰਗ , ਜਗਦੀਪ ਸਿੱਧੂ, ਵਿਜੈ ਕਪੂਰ, ਪਾਲ ਅਜਨਬੀ, ਸੁਰਿੰਦਰ ਸ਼ਰਮਾ, ਚਰਨਪ੍ਰੀਤ ਕੌਰ ਬਾਠ, ਐਮ. ਮੂਝੈਲ, ਚੱਠਾ ਆਦਿ ਨੇ ਵੀ ਸ਼ਮੂਲੀਅਤ ਕੀਤੀ |
